U3F1ZWV6ZTU2NjExMzY3MDVfQWN0aXZhdGlvbjY0MTMyODcxNDc2

رسائل خفية لم يلاحظها المشاهدون فى الافلام المصرية اشهرهم ( عسل اسود و الثلاثة يشتغلونها )



في فيلم ( عسل اسود ) كان في رمزية في الفيلم محدش خد باله منها , أحمد حلمي كان اسمه ( مصري سيد العربي ) في اشارة الي ان المصري سيد العرب وبيحصل فيه كدا .. وبقي شايف ان الحل في امريكا زي ما قال السادات 99 % من اللعبة في أيد امريكا .. فما بالك بقية العرب .. في مشهد السفارة وسقوط احمد حلمي علي الارض ,, مصري بيقف ممسكا بحذائه ويضعه علي صورة الرئيس الامريكي بوش .. في اعادة لمشهد الصحفي منتظر الزيدي الذي ضرب بوش بالحذاء .










فيلم ( الثلاثة يشتغلونها ) بالاساس كله رمزي .. نجيبة متولي الخولي هي مصر .. الاولي ع الثانوية العامة ( 7 الاف سنة حضارة ) رمت نفسها للواد الغني ( الرأسمالية ) وبعدها الواد الاشتراكي ( الاشتراكية في فترة عبد الناصر ) وبعدها الداعية ( الاسلاميين ) لكن مصر مش هتفرح وابتسامتها مش هتبقي قد كدا غير لما تتجوز العلم ( جواز نجيبة من استاذ الجامعة أحمد عز ) .

في فيلم طيور الظلام .. عادل امام ( المحامي ) كان بينقل كتب قانون راح حطها في كراتين مكتوب عليه ( قابل للكسر ) ناس كتير مخدتش بالها منها اثناء عرض الفيلم .. بدأنا نكتشف دا بعد التقدم في التكنولوجيا وامكانية توقيف اللقطة .. دا غير رمزية تصارعهم علي الكورة ( السلطة ) اللي بتكسر ( القزاز ) اللي هو مصر .




في فيلم سواق الاتوبيس ( لابن بلدي ) عاطف الطيب .. نور الشريف مسك الحرامي وفضل يضرب فيه وهو بيصرخ يا ( يا ولاد الكلب ) .. وفي خلفية المشهد كان مبني جامعة الدول العربية .. في رمزية عن رفض صناع الفيلم لسياسات جامعة الدول 
العربية 









في فيلم "بين السماء والأرض" للعبقري صلاح ابو سيف يرمز إلى وطن في مرحلة صعود بمجموعة غير متجانسة من الناس ( اصناف مختلفة من البشر يركبون مصعد، يقف بهم فجأة بين الأدوار، ليتنازعوا طريقة حل هذه الأزمة، بينما يضع المخرج (والمؤلف نجيب محفوظ عبارات نقدية حادة لمجتمع الاسانسير على لسان مجنون من ركاب المصعد .. وبمجرد حل الازمة يعود كل فرد علي ما كان عليه ... في اشارة الي انه " مفيش فايدة يا عم سعد والله )





- في فيلم دكان شحاتة للناصري خالد يوسف مشهد رمزي لصورة عبد الناصر اللي بيطلب والد شحاتة من ابنه انها تجيبها عشان تغطي الشرخ .. في اشارة منه للشرخ اللي احدثه موت جمال عبد الناصر .. وان الناصرية ( الاشتراكية ) هي القادرة علي حل مشكلات مصر والعرب . .. اساسا فيلم دكان شحاتة كله رمزي بس الناس سابت الرمزية .. وركزت في بوسة عمرو سعد لهيفاء وهبي .. وبنطلونها اللي نسته في المراجيح .


- فيلم اسمه عنتر ولبلب .. ومشهور عند المصريين باسم ( السبعة اقلام ) وقصته ان شكوكو ( لبلب ) هيضرب سراج منير ( عنتر ) 7 اقلام .. الفيلم كان اسمه شمشون ولبلب ... الذي أدركت الرقابة في بدايات عام 1952 أنه يشير بطرف خفي إلى الصراع العربي الإسرائيلي عندما كان اسمه "شمشون ولبلب" فقررت تغيير اسمه، إن شمشون جاء إلى الحارة الشعبية بهدف احتلالها ماديا ومعنويا ( فكرة اسرائيل ) والحارة هنا الامة العربية ، لكن ابن البلد لبلب يقرر مقاومته حتى لا يختطف منه خطيبته ( فلسطين ) ، والسبعة اقلام هي خصل شمشون السبع في العهد القديم .. كمان اسم شمشون رمز لرجل دين يهودي .. فتم تغير اسم شمشون لاسم عنتر ( رمز عربي قوي ) في اشارة للخيبة والصدامة والندامة ( بعيد عنك ) .
رمزية فيلم البداية ( لصلاح ابو سيف ) تكمن في سقوط طائرة في الصراء في جزيرة ..ويبدأ الجمع في تكوين الطبقات والسلطة والمحكومين، ليصبح الفيلم كله رمزا لتقسيم المجتمع منذ بداية الحياة الإنسانيية وانتقاد لقيم الرأسمالية والبطش .


فيلم ارض الخوف لداود عبد السيد ... ورمزية الرسالة اللي اتبعث بها يحيي ( أدم ) والتفاحة اللي تكل منها لما اتبلغ بالرسالة .. واللي سلمه الرسالة كان اسمه ( موسي ) .. حتي يحيي لما نزل الارض كان اسمه ادم ... الفيلم مش كتير اللي خدوا بالهم من الرمزية بسبب اغراق الفيلم في الواقعية .. بمناسبة الفيلم دا .. أرض الخوف هو الظهور السينمائي الأول للفنانة زينة وظهر اسمها بالتتر (وسام رضا) وهو اسمها الحقيقي قبل أن تغيره لزينة.
رمزية القرون اللي ورا حمدي احمد في فيلم القاهرة 30 واللي بتعكس شخصية في الفيلم .. ومنها اشتق اسم قرني .





تعرف انت ايه تاني 

شير ومنشن لمحبي السينما


الاسمبريد إلكترونيرسالة