الاثنين، 29 يوليو 2019

مراجعة فيلم افنجرز اند جيم بدون حرق | تحليل فيلم Avengers End Game

شاركه على :-

صباح او مساء الخير حسب توقيت مشاهدتك للموضوع , مش قادر اوصف اد ايه انا متحمس وانا بكتب الموضوع ده لانه يعتبر من اقرب المواضيع الي قلبي ده وان ماكنش اقربهم اصلا .

موضوع النهاردة هتكلم عن اكتر فيلم مقرب بالنسبالي في فئة الـ Super Heros وهوا فيلم Avengers End Game واللي قريب اوى هيحقق اعلي ايرادات في التاريخ .. النهاردة 4/5/2019 والفيلم محقق مليار و 700 مليون دولار .


Avengers End Game
بوستر فيلم Avengers End Game


تم عرض الفيلم بتاريخ 24/4/2019 ومش هبالغ لو قولت انى كنت بايت قدام السينما من يوم 23/4 من الحماس والترقب للفيلم . بدون الدخول في تفاصيل هحلل الفيلم من وجهة نظرى الشخصية اللي ممكن يتفق او يختلف معاها ناس كتير ..




  • تنويه : انا هحاول قدر الامكان محرقش الاحداث بس اوعدكم هيكون في موضوع تانى بجهزله دلوقتى عبارة عن سرد لاحداث الفيلم بالتفصيل

في البداية انتا اللي هتختار وهتحدد هل هتعتبر End Game الجزء التانى من Infinty war او هتعتبره فيلم مستقل عن عالم مارفل او هتعتبره تجميعة لافلام مارفل على مدار عشر سنين . بالنسبالي انا هعتبره تجميعة لافلام مارفل على مدار عشر سنين وبصراحة هعتبره احلي نهاية يقدروا يختموا بيها المرحلة دى من MCU 

الفيلم مكتمل الاركان بشكل متقن 100% يعنى ياجماعة احنا بنتكلم تقريبا عن كل شخصيات مارفل اللي ظهرت على مدار 10 سنين ومطلوب منك انك تحطهم كل في فيلم فكونك قدرت تحطهم في فيلم مدته 3 ساعات بس فـ ده في حد ذاته انجاز يتحسب لمارفل 








الفيلم مكتمل تماما من ناحية المشاعر بمعنى انى في لحظة كنت بضحك وفي لحظة كنت بسقف وفي اللحظة اللي بعدها كنت بعيط ! 

كمية مشاعر مختلطة محطوطة في  توقيتات مظبوطة واداء تمثيلي اكثر من رائع . انا شايف ان الفيلم ده فيه حوالي 5 مشاهد ممكن مش بعيد جدا يترشحوا لاوسكار

جميع الممثلين ابدعوا في التمثيل بلا استثناء لكن لو هتكلم عن رأيي الشخصي فده الطبيعى من الكاست لكن اللي كان مفاجأة بالنسبالي هي سكاريت جوهانسون ( Black Widow ) و كريس هيمسوورث ( Thor ) اللي اتقن الدور بشكل غير طبيعى يعنى لحظات كتير كنت بضحك من تصرفاته وفي لحظات اكتر كنت متعاطف معاه وهعيط ومش هنسي برضه رودى اللي هوا ( War Machine ) تقريبا اغلب دوره في الفيلم عبارة عن افيهات وافيهات مش مملة خالص بالعكس كل ماهيتكلم هتضحك


والاسطورة روبرت داونى جونيور ( Iron Man ) بعيدا عن انى بعشق تمثيله وبحب كل افلامه الا انه فى الفيلم ده وصل لمرحلة الكمال من التمثيل والابداع ومافتكرش ان في مستوي يقدر يقدمه بعد اللي قدمه في الفيلم ده وهتلاحظوا ده جدا خصوصا في نهاية الفيلم

الفيلم بيستخدم تقنية جديدة من الجرافيك ظهرت في اخر مشهد في الفيلم ( مش هحرق ) واللي لاقت استحسان واعجاب كتير من الجماهير + طبعا عظمة الاخراج للاخوين روسو اللي مش فاهم لحد دلوقتى ازاى قدروا يعملوا كل ده في تلات ساعات بس وبالعظمة دى ومن غير ماتحس بأى ملل

احداث الفيلم ماقدرش اقول عليها سريعة او بطيئة بس هي معمولة بشكل حلو اووى يعنى بيعملوا Skip لبعض التفاصيل علشان يدى مساحة لمشاهد اكتر علي سبيل المثال مشهد انقاذ تونى ستارك لم يتعدى 10 ثوانى وكان مقنع الى حد ما في حين انه لو كان طول فيه كان هيجى علي حساب مشاهد تانية علشان كده انا عاجبنى جدا اختيارهم للتفاصيل اللي مادققوش فيها علشان الوقت

فكرة السفر بالزمن في الفيلم ده كانت حلوة جدا بعكس افلام كتير للاسف مش هقدر اتكلم من غير مااحرق بس كل اللي اقدر اقوله للناس اللي كانت حاسة بملل من الناحية دى احب اقولك هتنبسط جدا لان يعتبر ده اساس الفيلم ومعمول بشكل حلو اوى







نهاية الفيلم : نهاية الفيلم ياجماعة كل اللي اقدر اقوله ( الكلمات لوصفها لم تخترع بعد ) مش ببالغ والله بس فعلا النهاية ملحمية ومتنفذة بشكل اكتر من رائع بحيث ان كل سوبر هيرو ظهر في العشر سنين اللي فاتوا له دور في النهاية دى ! متخيل كم السوبر هيروز اللي في اخر ربع ساعة

والمعركة اللي المفروض كل واحد بيستخدم فيها قوته الكاملة سواء ثانوس او الافنجرز والتقلبات اللي في المعركة اللي هتخليك تعيط وفجأة تقوم تسقف . انا اسف مش هقدر اتكلم من غير مااحرق بس كل اللى اقدر اقوله ان دى افضل نهاية شوفتها في عالم السوبر هيروز ومش هبالغ لو قولت انها من افضل عشر نهايات افلام في التاريخ

بخوص المشهد اللي بعد تتر النهاية فـيؤسفنى اقولك ان مافيش مشهد بعد تتر النهاية يعنى تقدر تقفل الفيلم علطول بعد اخر مشهد
بالمناسبة ده مش اخر فيلم في ال MCU لان اخر فيلم في ال MCU  هو Spider Man Far From Home المهم ان بعد مالفيلم

انا شايف اني مهما اتكلمت مش هقدر اوفي للفيلم حق من غير حرق علشان كده هعمل مراجعة تانية للفيلم وهيبقي فيها حرق .. ارجو من كل اللي اتفرج عالفيلم يقول رأيه في الكومنتات ويقول ايه السلبيات وايه الايجابيات في الفيلم
الكلمات المفتاحية :

avengers end game trailer,avengers end game official trailer,avengers end game imdb,
avengers end game 2019,
avengers end game teaser trailer,
فيلم avengers end game,
تریلر فیلم avengers end game,
شرح فيلم Avengers End Game,
تفسير تريلر فيلم Avengers End Game,
نظريات فيلم Avengers End Game,
توقعات فيلم Avengers End Game,
كابتن امريكا,ايرون مان,افنجرز4,شرح تريلر فيلم Avengers End Game,
نهاية فيلم Avengers infinty war,
شرح تريلير فيلم Avengers End Game فيلم جامد,

شاركه على:-

الكاتب: verified_user

You Don't Know Me You Are About To

هناك تعليق واحد:

  1. بالنسبة للتضحية فأنا بوافقك بالرأي عن كابتن اميركا وتوقعاتي انو توني ستارك هو الي حيقتل ثانوس اما بالنسبة للرجل النملة فأعتقد انو حيدلهم على طريقة يجيبو فيها ايرون مان من الفضاء زي ما اجا هو من البعد الكمي وما اظن انو ايرون مان رح يصمم بدلة زي ما عمل بفلم ايرون مان من وما بعرف بس بصراحة اشك بأنو لوكي اخو ثور مات وحاس انو رح يظهر بالفلم

    ردحذف