الجمعة، 17 مايو 2019

المقابلة الاخيرة لكيفين فيج Kevin Feige منتج ورئيس ستوديوهات مارفل

شاركه على :-



  1. س:- في اي حاجة بتندم عليها في الـ MCU؟ و لو في حاجة تقدر ترجع و تغيرها هتكون ايه ؟ 



Kevin Feige : كنت بهزر قبل كدا علي حواجب ثور في الجزء الأول و اننا صبغناها اصفر بس الحقيقة ان الحجات دي و التفاصيل الصغيرة لحد endgame الحجات المثالية و الي مش مثالية الي وصلتنا لتجربة endgame عشان كدا مش هغير حاجة



  1. س:- ايه اصعب قرار حاولت تقنع بيه رؤساء مارفل او ديزني في آخر 11 سنة و ايه اكتر قرار حاربت عشانه؟ 


Kevin Feige : في محادثات و مناقشات كتير بتحصل قبل اي فيلم ميتعمل و في الغالب بيكون تعاون رائع, بس اول لما كنا لسه بنبدأ اكتر اتنين من العشر سنين الي فاتوا كانوا اننا نعمل كاست ل روبرت داوني جونيور و قرار اننا نعمل Captain America: The First Avenger فيلم في فترة الحربة العالمية الثانية



  1. س:- من كل الشخصيات في الـ MCU ايه الـ story arc المفضل بالنسبالك ؟


Tony Stak اول حد بيجي في بالي



  1. س:- انا بفتقد الـ One-shots و كانت حاجة حلوة لاستكشاف عالم مارفل من الشخصيات الهامشية ممكن يرجعوا ؟


Kevin Feige : احنا هنعمل كتير جدد لانهم طريقة حلوة في استكشاف الـ MCU




  1. س:- كابتن أمريكا لما شال ميولنير في Endgame كان أكثر اللحظات اللي الناس سقفت فيها, هل كان هو Worthy في اللحظة دي ولا كان Worthy من زمن زي Avengers: Age of Ultron مثلا ؟


Kevin Feige : احنا نعتقد انه كان Worthy وكان محترم ثور في Age of Ultron




  1. س:- فكرت ترجع الـ One-shots؟ كانت طريقة عظيمة عشان لاستكشاف الـ MCU و نجمع معلومات اكتر عن الشخصيات "الصغيرة" في الـ MCU 


Kevin Feige : اتفق معاك تمام الـ One-shots كانت طريقة تجسيد شخصيات تانية, و حاجة مثيرة جدا ان احنا عندنا مسلسلات Disney+ الي نقدر نعمل كده مع شخصيات كلنا بنحبها



  1. س:- من امتى كان مخطط للبلوت بتاعة infinity war/endgame؟ و امتي قررتوا تعملوها على جزئين؟ 


Kevin Feige : احنا بدأنا نناقش ازاي نعمل الكوميكس بتاعة the Infinity Gauntlet
بعد فيلم افينجرز الاول, و قررنا من 5 سنين انهم يكونا جزئين و بدأنا نتكلم في تفاصيل القصة أثناء إنتاج Civil War مع Chris Markus and Stephen McFeely, Joe and Anthony Russo




  1. س:- ستان لي كان عارف اد ايه عن endgame قبل موته ؟ و كان في نسخة شافها قبل مايموت؟


Kevin Feige : ستان كان حابب انه يستنى يشوف النسخة النهائية من الفيلم في العرض الاول ليه, للاسف مقدرش يشوف الفيلم لكنه عرف القصة كلها يوم مجه تصوير الـ cameo بتاعه




  1. س:- انت بتنتج افلام لمارفل من 2000 قبل حتي بدأ الـ MCU, ايه الي اتعلمته من الافلام دي الي ساعدك تصنع النسخة دي من الـ MCU؟


Kevin Feige : Respect the source material.
Hire passionate filmmakers regardless of how much money their last movie made.
Hire the best cast regardless of their current marquee value.







  1. س:- من فترة فاتت قلت انك اجتمعت مع مارك رفلو و سألته هو كان عايز اي من The Hulk و بد كدا عملت اللى كان عايزه في Ragnarok, Infinity war and Endgame فبعد الأفلام دي نزلت ممكن تقولنا معلومات عن ايه الي مارك رفلو كان عايزه من هالك ؟


Kevin Feige : من سنين فاتت اجتمعنا من رفلو عشان نناقش طرق هالك ممكن يتطور فيها في الافلام الجاية, كان عنده افكار كتير رائعة بعضها الي شفتوه في ثور راجناروك و انفينيتي ور و اندجيم و بعضها هيبقى رائع ان نشوفها في يوم من الايام




  1. س:- تفتكر فيه قصص في الكوميكس "غير قابلة للتصوير" ؟


Kevin Feige : كل حاجة قابلة للتصوير الايام دي الفكرة في إيجاد اكتر قصص الشخصيات الرنانة لتحويلها لفيلم او مسلسل



  1. س:- انتاج الافلام دي غير طريقة استمتاعك بالكوميكس ؟


Kevin Feige : لا انا لسة بقرأ كوميكس اسبوعيا زي اي فان



  1. س:- ايه الشخصية الي لسة مظهرتش في الـ MCU و الي نفسك تقدمها ؟


Kevin Feige : هتعرفوا قريب



  1. س:- ايه القصة المفضلة لديك في الكوميكس ؟ وليه؟


Kevin Feige : في كتير جدا و مقدرش اذكرهم كلهم , معظمهم اتعملوا افلام لكن الي بيجي في بالي Jim Starlin's Infinity Gauntlet



  1. س:- ايه الي خلاكوا تبدأوا بـ Iron Man ؟


Kevin Feige : توني ستارك شخصية عظيمة و فريدة من نوعها كاول فيلم لينا لانه كان مختلف عن اي شخصية كوميكس ثانية تحولت لفيلم قبله


  1. س:- في اي خطط مستقبلة في تجسيد الـ " the Ten Rings " من ايرون مان الاول او " Mandarin " الحقيقي ؟


Kevin Feige : Yes








  1. س:- في مشهد مفضل ليك في اي من أفلام الـ MCU كلها ؟ 


Kevin Feige : كتير جدا لكن  شغلي في الـ MCU كان بيبني للحظة "on your left" في endgame




  1. س:- مخططين الـ MCU اد ايه قدام ؟


Kevin Feige : في الغالب عندنا خطة مفصلة لـ 5 سنين قدام لكن عندنا خطة عامة تمتد اكبر بكتير جدا جدا جدا




  1. س:- بعد ايرون مان 1, أمتي أدركت أن السلسلة هتبقي حاجة كبيرة مش بس مجرد فيلم سوبر هيروز واحد؟ 


Kevin Feige : في الأسبوع الافتتاحي للجزء الأول من افينجرز




  1. س:- ايه فيلمك المفضل لـ DC ؟ 


Kevin Feige : Richard Donner's Superman 1




  1. س:- ايه اكتر ممثل حاربت عشانه بقوة ؟


Kevin Feige : Robert Downey Jr


شاركه على:-

الكاتب: verified_user

You Don't Know Me You Are About To

0 comments: