السبت، 24 أغسطس 2019

مراجعة فيلم الفيل الازرق 2 - نقد فيلم الفيل الازرق 2 - شرح فيلم الفيل الازرق 2

شاركه على :-

صباح او مساء الخير حسب الوقت اللي بتقرأ فيه المقال . في موضوع النهاردة هتكلم عن الجزء التانى لفيلم الفيل الازرق اللي كان اول جزء له سنة 2014 وحقق نجاح كبير وعمل ضجة وقتها وعلشاان كده تم عمل جزء تانى في 2019 وتم عرضه قبل ايام من عيد الاضحى المبارك وكالعادة بقي رقم واحد في شباك التذاكر والنهاردة هنعمل مراجعة بسيطة للفيلم بدون حرق للاحداث  ...


 الخوف دايما بيولد الرغبة في الفوضي والتخبط هتفضل واقف مش هتعمل حاجه لامته !! فلاتخافوا ولكن احذروا ...

مراجعة فيلم الفيل الازرق ٢ 


 الفيلم من بطولة:-

كريم عبد العزيز - هند صبري - اياد نصار - نيلي كريم
وللاسف خالد الصاوي ضيف شرف هو وتارا عماد

مشاهدة فيلم الفيل الازرق 2
البوستر الدعائي لفيلم الفيل الازرق 2

قصة فيلم الفيل الازرق 2

 يحيي بعد خمس سنين من احداث الجزء الاول خلاص اتجوز ملكة النكد وجاب زياد ولكن الحياة الزوجية المملة تدفعه لانه يرجع يشرب منكر وخمرا ويلعب قمار ومافيش نسوان لا مافيش في الجزء الاول بس . بيقابل فريدة صاحبة براند غارنية للعناية بالشعر  هند صبري ( اللي بتتورط في قتل بنتها وجوزها وبترفض تتكلم مع كل الناس معادا يحيي وبتبدا مراحل الاشتباك الدرامي في الظهور والمعاناه بس المرة دي مع اسرة يحيي

تحليل قصة فيلم الفيل الازرق 2


هو مافيش قصة جديدة للاسف هو استكمال لاحداث الجزء الاول +  نفس تهديد الجزء الاول ده محبط بصراحة لان خلاص احمد مراد حابب يعمل سلسلة افلام سير الاحداث فيها حلو رغم افتقارها لعنصر الغموض يعني مش زي الجزء الاول ممكن تتفرج علي الفيلم مرتين تلاتة عشان تفهم لكن المرة دي بقي الفيلم بسيط مش هتتعب خلايا مخك وانت بتشوفه والاهتمام هنا كان من ناحية الرعب علي حساب الغموض برده بصراحة هتلاقي بصمات لافلام اجنبية موجودة بس ده ميعبش الفيلم طالما بنطور في اللي بناخده

المؤثرات البصرية لفيلم الفيل الازرق 2


تجربة بصرية ممتعة لابعد الحدود استخدموا تقنيات تخلي عينك سعيدة بالمحتوي اللي بيتقدم لدرجة انك ممكن تاخد صور من الفيلم وتحطها background لتليفونك حاجة بصراحة متطورة بس انا بتكلم اننا في مصر هي بردة لسه في مرحلة بدائية للغرب
التمثيل

تحليل شخصيات فيلم الفيل الازرق 2



  • كريم عبد العزيز :- 


هو حاجه مستقرة علي رقم ١ بصراحة الراجل شغال علي نفسة جدا وواخد حقة ووقته في الفيلم تعابير وشه في كل حالاته سواء مرهق تعبان بيموت مجنون كلها مدهشة ووضحه اوي برافو


  • نيللي كريم


حاجه متوقعة من princess of Miserables حلوة في الدور بس مخدتش وقت كفاية للامانة


  • اخرة صبري ( هند صبري ) 


 خيبة امل خالد الصاوي ظهر ٣ دقايق بس بدورك كله في الفيلم وده راجع لبرودة تعبيرات وشك وحركات الجسم التقيلة لا مش شكل واحده ملبوسة خالص دي ممكن تبقي صداع انتفاخ اعراض حمل واللي اتمني تتغير عشان هشوف فيلم الكنز للاسف الشخصية باظت شوية وبالمناسبة انتي تخنتي جامد


تحليل تصوير فيلم الفيل الازرق 2 


التصوير كان موفق في حاجات هتستغرب اتصورت ازاي ومن اي زاوية بس تم استخدامه في لقطات قللت من شدة رعبها
المونتاج والمواثرات زي ما قولت تجربة الفيلم البصرية ممتعة لابعد الحدود والازياء حلوة جدا باستثناء ظهور شخصية نائل وتجسيدها بشكل رخيص كان ممكن يتشال عادي المشهد ده ومش هياثر علي حاجه

تحليل اخراج فيلم الفيل الازرق 2


مروان حامد  (الاصلين .تراب الماس.عمارة يعقوبيان.ابراهيم الابيض. الفيل الازرق الجزئين )
متوقعين ايه يعني لا واكتر كمان لانه بيستكمل قصة قديمة كمان وده تحدي كسبه وبدرجة ان تاليف احمد مراد بقه متأخر عن الاداء الاخراجي لمروان

| التقييم |


الجزء الاول افضل بلا شك بس في الناحية التقنية والبصرية في الجزء التاني حاجه متطورة وفي كل الاحوال هتتبسط وهيعجبك الفيلم ونهايته حلوة علي الرغم اني مش مصدق الفيلم انه بسيط كده وفي حاجات مش مفسرة ومشاهد هتخليك تتسائل ده بيعمل ايه هنا
الفيل الازرق 2    ((((( 8/10 )))))
سؤال وجودي مش المفروض كانوا جابوا شيخ وخلاص؟

Review By : Mohamed Esmael

شاركه على:-

الكاتب: verified_user

You Don't Know Me You Are About To

0 comments: