صباح او مساء الخير حسب الوقت اللي بتقرأ فيه المقال , مقال النهاردة تابع لقسم | تطوير المواقع | وهتكلم فيه عن شوية حاجات زي : ايه هو ملف روبوتس وايه اهميته وايه اضراره وايه هو افضل ملف روبوتس وازاى تضيفه لمدونات بلوجر ..
 |
| Robots.Txt |
ماهو ملف روبوتس Robots.txt
ملف الروبوتس باختصار شديد هو الملف المسؤول عن ارشفة او منع ارشفة الموقع او اجزاء من الموقع زى اقسام الموقع والصفحات الثابتة والتعليقات وغيرها من الصفحات
اهمية ملف روبوتس Robots.txt
اهمية ملف الروبوتس تكمن في وظيفته زى ماقولنا ان هو المسؤول عن ارشفة صفحات الموقع . يعنى من خلال تقدر تمنع ارشفة صفحات معينة زى اقسام الموقع ( التسميات ) والتعليقات وغيرها من الصفحات اللي ارشفتها بتضر بسيو الموقع
ماهو افضل ملف روبوتس Robots.txt
السؤال ده من الاسئلة اللي ملهاش اجابة ثابتة لان كل مستخدم بيضيف ملف روبوتس يتناسب مع احتياجاته وخصائص موقعه . بس بعد تجربة سنين لعدد من ملفات الروبوتس الموجودة على الانترنت لقيت ان افضل ملف روبوتس هو الملف الطبيعي اللي بلوجر بتقدمهولك
User-agent: Mediapartners-Google
Disallow: User-agent: *
Disallow: /search
Allow: / Sitemap: http://www.example.com/sitemap.xml
كل اللي هتعمله انك هتضيف رابط موقعك مكان الرابط المتظلل بالاسود وبس كده . ميزة الملف انه بيسرع عملية الارشفة لو انتا مظبطه مع علامات رؤوس مخصصة لبرامج الروبوت وبعد تجربتى له لاكتر من سنتين انا شايف انه افضل بكتير جدا من الملفات الموجودة على الانترنت
لان الموجودين على الانترنت بيبقي كل مستخدم عامل ملف يناسب موقعه هو وفي نفس الوقت ممكن يضر موقعك فانتا كل اللي عليك علشان تضمن اسرع ارشفة هتدخل على الاعدادات ومنها اختار تفضيلات البحث وخلى الاختيارات زى اللي في الصورة دى
ولو كنت بتعانى من بطؤ في الارشفة هتلاحظ تحسن ملحوظ جدا هيبدأ يظهر بعد حوالي 4 ايام او اسبوع وهتبقي أرشفة مواضيعك على جوجل ارشفة لحظية يعنى بمجرد مابعت الموضوع للارشفة من Google Search Console هيتأرشف في ثوانى .
لو حابب تعرف ملف الروبوتس المستخدم حاليا لموقعك بعد رابط الموقع ضيف /robot.txt بالشكل ده ..
www.iscreenmix.com/robots.txt ده ملف الروبوتس اللي انا بسخدمه كل اللي عليك انك هتبدل رابط موقعي برابط موقعك
وتشوف الملف اللي انتا بتستخدمه .
هكون سعيد بالرد على استفسارتكم من خلال التعليقات
الكلمات المفتاحية : ملف روبوتس robots.txt بلوجر - ملف روبوتس - ملف روبوتس بلوجر- ملف روبوت - ملف روبوتس robots.txt -افضل ملف روبوتس - انشاء ملف روبوتس- ملف الروبوت