صباح او مساء الخير حسب الوقت اللي بتقرأ فيه الموضوع ، في مضووع النهاردة هتكلم عن اكتر مشكلة بتقابل الناس في الفترة دى وهي بطء الانترنت .. في البداية لازم كلنا نبقي عارفين ان المشكلة عالمية مش بس في مصر وده راجع للضغط على السيرفرات بسبب حظر التجوال وان اغلب الناس في بيوتها بسبب ازمة فيروس كورونا اللي بيمر بيها العالم علشان كده خلينا متفقين علي النقط اللي هتكلم عنها دى
1 - كلنا عندنا مشكلة واضحة فى الانترنت خلال الايام اللى فاتت بسبب إنك مثلا عندنا Resource والحاجة عندنا أكبر من الـ capacity فا بيحصل مشكلة البطئ لانه فى فقد كتير فى البيانات حصل لان الناس كلها أو أغلبها فى البيت وكله بيستخدم الانترنت .
2 - دى خطوات ممكن تساعدك فى حل جزء من المشكلة وهى إنك تغير الـ DNS و الـ MTU علشان تغير الـ DNS هتلاقي الشرح فى الصور تحت وانا شارح ع رواتر D-link ودى أفضل DNS حالياً
Primary DNS : 208.67.222.222
Secondary DNS : 208.67.220.220
Or
Primary DNS : 1.1.1.1
Secondary DNS : 1.0.0.1
Or
Primary DNS : 8.8.8.8
Secondary DNS : 8.8.4.4
طريقة حل مشكلة بطء الانترنت بالصور
 | |
|
 |
| خطوات حل مشكلة بطء الانترنت |
 | |
|
 | |
|
 | |
|
تغيير الـ MTU
- عشان تعرف أفضل MTU بالنسبة ليك هتحتاج تفتح الـ command prompt تقدر تسيرش عليها وتكتب الامر دة وتدوس إنتر ping www.google.com –f -l 1420
- تغير رقم (1420) بحيث انك تزود أو تنقص لحد ما تلاحظ ان كل الـ Packets بتوصل بدون أى loss ودى هتعرفها لما تكتب الامر اللى فوق دة ع ال command prompt لو محصلش معاك اى loss فى Packets استخدم الـ MTU ع جهازك وطريقة تغير الـ MTU تحت ف الصور
3 - ممكن تقلل بردو من جودة الفيديوهات اللى بتتفرج عليها أو تحاول تستخدم الانترنت فى وقت متأخر بردو على مايكون الضغط على السيرفرات خف شوية
4 - حابب أوضح إن الـ DNS مش بيسرع النت ولا هيخليك تحمل بشكل أسرع بس بيحسن من الصول للمواقع ودة هيوفر معاك من ثانية ل 3 أو 4 ثوانى لان ال Domain Name System وظيفتة انه يوصل الكمبيوتر بتاعك بالسيرفر مثال بسيط
لو عايز تخش ع موقع فيسبوك هتكتب فى شريط العنوان (Facebook.com) بس فى الاصل انت داخل على DNS فيسبوك اللى هو (185.60.216.35) لو انت كتبته بردو ف المتصفح هوديك ع موقع فيس بوك بردو بس عشان انت مش هتقدر تحفظ المواقع علي شكل أرقام فا المتصفح بيعتمد ع الـ DNS عشان يحول الاسم اللى انت كتبته ل IP حقيقي وعشان سهوله استخدام النت يعنى ممكن تعتبر الـ DNS زى دليل التليفون
5 - الـ MTU اختصار لـ (Maximum Transmission Unit) وهى وحدة الارسال القصوى والـ MTU هو أكبر حجم للـ Packet تقدر ترسالها ومعروف ان اي data بيتم ارسالها من جهاز الكمبيوتر علي الانترنت بيتم تقسيمها اولا إلي packets وكل packet بيكون له حجم (يقاس بالـ byte) فالو كان حجم الـ packet أكبر من الـ Maximum اللى بيتم تحديدها في الراوتر في خانة ال MTU فا الـ packet بيتم تقسيمها مرة تانية عشان تكون مناسبة للارسال و لو كان كم الـ data المرسلة كبيرة وكل الـ packet أكبر من الحجم المحدد بيتم تقسيمها مرة تانية ودة بيقلل من سرعة الارسال وبيسبب بطئ في الشبكة.
الكلمات المفتاحية : بطء الانترنت اليوم , مشكلة بطئ الانترنت , حل مشكلة بطئ الانترنت للاندرويد , حل مشكلة بطئ الانترنت في الاندرويد , حل مشكلة بطئ الانترنت على الهاتف , حل مشكلة بطئ الانترنت , مشكلة في بطئ الانترنت , بطء شبكة الانترنت , لماذا الانترنت بطئ رغم أن سرعته عالية , بطء الانترنت تي داتا , بطء خدمة الانترنت , الانترنت بطئ جدا , انترنت بطئ جدا , بطئ تصفح الانترنت , حل مشكلة بطئ الانترنت بدون برامج