Club House
تطبيق كلوب هاوس للاندرويد
 |
| تطبيق Club house |
ماهو كلوب هاوس
تطبيق club house ياصاحبي عبارة عن تطبيق مراسلة صوتي بمعنى ان التواصل فيه بيكون عن طريق الصوت فقط وليس الكتابة او الفيديو ويمكن ده اللي بيميزه . ظهر التطبيق في بدايات شهر 2 عام 2021 على متجر آبل و تخطت تحميلاته 10 مليون تحميلة في اول شهر وده بسبب انضمام مشاهير العالم لتجربته زي ايلون ماسك مؤسس شركة تسلا و مارك زوكربيرج مؤسس فيسبوك وغيرهم من المشاهير
الغرض من تطبيق club house
الغرض من تطبيق كلوب هاوس اول ماظهر كان انه يبقي عبارة عن تجمع للاشخاص المهتمة بالبيزنس وكان بيتعمل غرف دردشة بيتجمع فيها كل المهتمين بالبيزنس بمختلف اناعه وبيتكلموا بالساعات وفعلا كانت فكرة مميزة ولكن الان كلوب هاوس بقي بيتم استخدامه لاغراض اخري لايجوز ذكرها في هذا الموضوع خصوصا بعد انضمام فئة كبيرة من الاندر ايدج عليه
مميزات تطبيق club house
- الانضمام لكلوب هاوس بيكون عن طريق دعوة من احد مستخدمي التطبيق
- سهل الاستخدام
- التواصل عن طريق الصوت فقط
- المحادثات اللي تتم عليه بتتمتع بدرجة كبيرة من التشفيرة والامان
كيفية الانضمام الى تطبيق كلوب هاوس
تطبيق كلوب هاوس بيدى عدد من الدعوات لمستخدميه ومحدش يقدر ينضم للتطبيق الا من خلال الدعوات دي بمعنى لو انا عاوز انضم للتطبيق لازم يكون حد من صحابي او معارفي مستخدم للتطبيق ومعاه دعوات ومن خلالها انا بقدر انضم للتطبيق
تطبيق club house للايفون
تطبيق club house للاندرويد
حتي وقت كتابة الموضوع ده مافيش نسخة رسمية على متجر جوجل بلاي لتطبيق club house ولكن بعد عدد من عمليات البحث اللي قام بيها فريق سكرين ميكس وفي الحقيقة كانوا عمليتين بس احنا بنحب نأفور لقينا نسخة لتحميل تطبيق club house للاندرويد وتقدر تحملها : من هنا
المعلومات الرسمية عن تطبيق كلوب هاوس
- التقييم : 4.8
- التصنيف : تواصل اجتماعي
- حجم التطبيق : 75 ميجا
- عمر المستخدم المسموح به : +17
- لغة التطبيق : الانجليزية
- الشركة المنتجة : Alpha Exploration Co.
وبس كده ياصاحبي ده كان كل حاجة بخصوص تطبيق كلوب هاوس ولو انت واحد المهتمين بعالم تطبيقات المراسلة فبقترح عليك تاخد جولة سريعة في قسم البرامج و التطبيقيات في الموقع عندنا يلا سلام