تحميل برنامج google meet للكمبيوتر مجانا 2021 مع الشرح وكيفية الاسخدام

الصفحة الرئيسية

Google Meet




في يوم من الايام في وقت من الاوقات في فترة من الفترات كنا قاعدين في امان الله ومرة واحدة سمعنا عن ظهور فيروس خطير في الصين اسمه  فيروس كورونا مع الوقت انتشر فيروس كورونا لحد مابقي كارثة عالمية بتهدد البشرية ومازال حتى الان ! وكان من ضمن اضرار الفيروس ده هو ان الناس مابقتش تخرج من بيتها علشان تروح شغلها


 ومن هنا بدأت فكرة الاجتماعات الاونلاين تنتشر وطبعا تطبيقات وبرامج كتير تقدر من خلالها تكلم ناس في جميع انحاء العالم بجودة عالية ومن ضمن البرامج دى برنامج google meet وفي موضوعنا النهاردة هنتكلم عن تحميل برنامج google meet للكمبيوتر و كيفية استخدام google meet وكل حاجة تخص google meet بشكل عام . في البداية حابب اوضح ان في مفهوم خاطيء عن برنامج google meet 






ماهو برنامج google meet ( المفهوم الخاطيء عن google meet ) 


بعض الناس بتكون فاكرة ان google meet عبارة عن تطبيق او برنامج لكن في الحقيقي هو موقع عادي وهو احدي خدمات شركة جوجل اللي بتقدمها لملايين الطلاب والموظفين  للتحكم وادارة المحتوى عن بعد عن طريق عمل الاجتماعات  


تحميل برنامج google meet للكمبيوتر 2021


  • تقدر تدخل لموقع google meet بشكل مباشر من خلال الكمبيوتر ( من هنا


كيفية استخدام google meet ( شرح google meet ) 



google meet تسجيل الدخول



كل اللي هتحتاجه في الخطوة دى ان يكون  عندك حساب على جوجل . بعدين هتضغط  على تسجيل دخول زي زى الصورة بالظبط 



gmail meet
تسجيل الدخول الي google meet



تحويل برنامج google meet الي اللغة العربية 



لو لغة حساب جوجل الخاص بيك هي اللغة الانجليزية ولكنك عاوز تستخدم google meet باللغة العربية فاول حاجة هتعملها علشان تغير اللغة هتضغط على صورة حسابك وتختار من النافذة اللي قدامك Manage your google account وتدخل عليها بعدها هتلاقي قايمة على يسار الشاشة فيها Data & personalisation ادخل عليها واختار Languages بعدها اختار اللغة العربية وبكده هيكون معاك برنامج  googl meet عربي زى اللي في الصورة فوق بعد كده هنيجي لاهم حاجة وهي كيفية استخدام google meet  او ازاى تعمل اجتماع على جوجل مييت


عمل اجتماع على google meet 


google meet تحميل
بدء اجتماع جديد في google meet 



لو عاوز تبدأ اجتماع حالا هتضغط على اجتماع جديد هيظهرلك تلات اختيارات هتختار المناسب ليك 
 
  • انشاء اجتماع لوقت لاحق 
  • بدأ اجتماع فوري 
  • الجدولة في تقويم جوجل

اما لو كنت عاوز تنضم لاجتماع فلازم يكون معاك رابط او رمز الاجتماع وتدخله في المربع المكتوب فيه ادخال رمز او رابط اللي جنب المربع الاخضر


google meet تحميل للكمبيوتر
الانضمام الى اجتماع على google meet




بعد انشاء او الانضمام لاجتماع على google meet هيحتاج البرنامج منك الاذن باستخدام الميكروفون والكاميرا علشان تقدر تشارك بصوتك وصورتك في الاجتماع فهتضغط على Allow اللي هتظهرلك بشكل اشعار في اعلى الشاشة وبكده تبدأ تستخدم البرنامج بشكل طبيعي . ونيجي للخطوة اللى بعد كده وهو دعوة الاشخاص للاجتماع 

 

meet google تنزيل
اعطاء الاذن باستخدام الميكروفون والكاميرا



دعوة الاشخاص لعمل اجتماع على google meet 



تعتبر خطوة دعوة الاشخاص هي اهم خطوة لاستخدام برنامج google meet لانك لو ماعملتهاش هتقعد تكلم نفسك ههه بهزر .. المهم في دعوة الاشخاص هيكون متاح ليك طريقتين الاولي وهي الضغط على زر دعوة اشخاص اخرين الموجود في القايمة اللي بتظهرلك لما تعمل بدء اجتماع جديد لما تضغط على دعوة اشخاص اخرين بتظهرلك نافذة تكتب فيها البريد الاكلتروني الخاص بالشخص اللي عاوز تعمله دعوة 

google meet
دعوة الاشخاص لبدء اجتماع على google meet




الطريقة التانية وهي استخدام رابط الدعوة وفي الطريقة دى هتضغط على كلمة تفاصيل الاجتماع هيظهرلك نافذة هتختار منها نسخ تفاصيل الاجتماع وبعد ماتعممل نسخ للرابط ده هتبعته للاشخاص اللي انت عاوز تدعوهم للاجتماع 




تنزيل برنامج google meet
دعوة الاشخاص لبدء اجتماع على google meet




ملحوظة مهمة بخصوص النقطة دى محدش يقدر ينضم للاجتماع الا لما انت تأكد انضمامه وبيكون بالشكل ده 





تنزيل google meet
يريد شخص ما الانضمام الي اجتماع




اعدادات برنامج google meet 


برنامج goole meet بيوفر مجموعة من الاعدادات والادوات لمستخدميه لسهولة التواصل والتحكم عن بعد  .. الاعدادات اللي بيوفرها google meet عبارة عن :-

 
  1. لوح المعلومات 
  2. تنسيق الشاشة 
  3. ملىء الشاشة 
  4. تفعيل الشرح 
  5. الابلاغ عن مشكلة 
  6. الابلاغ عن اساءة استخدام
  7. تحديد المشاكل وحلها 
  8. الاعدادات 


وتقدر توصل للاعدادات دى وتختار المناسب ليك من خلال الضغط على التلات نقط الموجودة اسفل يسار الشاشة بالشكل ده 


كيفية استخدام google meet
اعدادات برنامج google meet





شرح اعدادات برنامج google meet 


  • تفعيل لوح المعلومات وده عامل زي السبورة البيضاء الي تقدر من خلالها تشرح حاجة وتظهر لجميع اعضاء الاجتماع في صورة رابط مع مرفقات الاجتماع .
  • تفعيل وضع الشرح واللي من خلاله تقدر تحول النص اللي بتتكلم ببه للغة الانجليزية ، وللاسف الميزة دى متاحة فقط للغة الانجليزية وغير متاحة  للـ اللغة العربية .
  • التحكم في التنسيق ووضع ملىء الشاشة.
  • التحكم في اعدادات الكاميرا والمايكروفون وزيادة الجودة والدقة


كيفية جدولة اجتماع على google meet 


من المميزات الجميللة اللى بيقدمها برنامج googl meet هي جدولة الاجتماعات واللي من خلالها تقدر تختار الاعدادات المناسبة لاجتماع في المستقبل وتجدوله للتشغيل في التاريخ والوقت اللي بتختاره زي الصورة 




جدولة الاجتماعات في google meet




مميزات وعيوب برنامج google meet 



طبعا زي اى حاجة في الدنيا ليها مميزات وعيوب فبرنامج google meet بالرغم من ان مميزاته كتيرة الا ان برده الناس لازم تطلع فيه عيوب هو كده الشجرة المثمرة يقذفها الناس بالحجارة 



مميزات برنامج googl meet 



  1. لا يحتاج إلى برامج اخرى مُلحقة لتحميله لانه عبارة عن موقع زي ماوضحنا
  2. عقد احتماع مرئي مدته 60 دقيقة
  3. 100 مشارك في المكالمة الواحدة
  4. دمج خدمة جوجل ميت في برنامج البريد الاجتماعي gmail
  5. امكانية جدولة الاجتماع في تقويم جوجل
  6. تفعيل ميزة ازالة الضوضاء
  7. امكانية تقسيم الشاشة حتى 16 مشترك
  8. ارسال المرفقات اثناء الاجتماع 
  9. استخدام المحادثة النصية عبر الاجتماع 


عيوب برنامج google meet 


عيب برنامج google meet الوحيد اللي اشتكي منه المستخدمين حتي الان هو عدم وجود خاصية الدردشة الفردية 



تحديثات google meet 



ضمن التحديثات اللي تمت على برنامج google meet في الفترة الاخيرة هي تحديث الشعار الموضح بالصورة 



google meet تسجيل الدخول
شعار google meet 




وبس كده ياصاحبي ده كان كل حاجة بخصوص تحميل برنامج google meet 2021 ماتنساش تبقي تاخد جولة في قسم البرامج في الموقع عندنا ولو عجبك الموضوع واستفدت منه شيره مع صحابك يمكن حد يستفيد يلا سلام 
google-playkhamsatmostaqltradent