معنى صياحك طرب ( يعنى ايه صياحك طرب ؟ ) صياحكم طرب

معنى كلمة صياحكم طرب





  صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى كلمة صياحك طرب  ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى 


لانك هتلاقي معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف يعنى ايه صياحك طرب تدخل قسم المعانى وتقرأ فيه شوية المهم علشان ماطولش عليك يلا بينا نعرف معنى واصل كلمة صياحك طرب 






صياحكم طرب
معنى كلمة صياحك طرب






ترجمة صياحك طرب على جوجل 



لو انت واحد من الناس اللي بتحب تستخدم ترجمة جوجل وجيت تترجم كلمة ( صياحك طرب ) على جوجل هيجيبلك معنى حرفي للكلمة وهو ( Shriek glee )  ولكن مش هو المقصود لان كلمة صياحك طرب بتتقال في مواقف معينة طب يعنى ايه صياحك طرب ؟ 


معنى كلمة صياحك طرب 



تعالوا نقسم الكلمة لمقطعين علشان نعرف معناها وامتى نستخدمها . المقطع الاول هو  ( صياح )  ومعنى صياح في اللغة العربية هو  اطلاق صرخات متتالية بصوت مرتفع او الغناء بصوت مرتفع او التكلم بصوت مرتفع زي مابنقول بالمصري كده ( الزعيق )
اما بالنسبة للمقطع التانى وهو ( طرب ) فالمقصود بالطرب هو الحاجة اللي بتمزجك او بتسلطنك يعنى تخليك قاعد رايق ومبسوط 


كده عرفنا معنى صياح لوحدها ومعنى طرب لوحدها طيب المقصود بكلمة صياحك طرب فعليا هو لما تعمل حاجة تضايق شخص او تستفزه والشخص ده يضايق  ويعلى صوته او يزعق فانت تبقي مبسوط وتقوله ( صياحك طرب ) اللي هو صوتك العالي بيطربنى كنوع من التعبير الاستفزازى علشان تضايق اللي الشخص ده


وطبعا بنشوف الكلمة دى يوميا على السوشيال ميديا بين الشباب في البوستات والتعليقات لما حد مثلا يستفز واحد صاحبه وصاحبه يضايق ويشتمه فيقوله ( صياحك طرب ياسطي ) وبس كده ياصاحبي ده كان كل حاجة بخصوص معنى كلمة صياحك طرب المنتشرة على السوشيال ميديا ماتنساش تبقي تاخد جولة في قسم المعانى زي ماتفقنا يلا سلام . 


تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -