إلغاء التصويت على الفيس بوك
وغالبا كل بوستات الجروب كده ومانصحش حد ينضم للجروب ده بصراحة المهم ان من خلال متابعتي للجروب في اوائل فترة انشائه ولحد النهاردة اكتر سؤال بيتسأل على الجروب هو كيفية الفاء التصويت او ( الغي الفوت ازاى ياشباب ) علشان كده انا جايلك النهاردة ياصاحبي علشان اقولك تلغي الفوت ازاى قبل ماحد ياخد باله من اصحابك جاهز ؟ . يلا بينا
 |
| إلغاء التصويت في الفيس بوك |
ازالة التصويت في الفيسبوك
كل اللي هتعمله ياصاحبي انك هتروح على البروفايل بتاعك بعدين تجيب اعدادات الملف الشخصي اللي هتوصلها عن طريق التلات نقط اللي بتلاقيها جنب كلمة اضافة الي القصة هتضغط على التلات نقط ( ... ) دول هتظهرلك قايمة تختار منها سجل النشاطات ومن سجل النشاطات هتختار ادارة التفاعلات هتلاقي التصويت اللي انت اختارته هتعلم عليه وتضغط على التلات نقط اللي جنبه ( ... ) هيقولك ازالة التصويت ولا زيارة الملف الشخصي للشخص اللي انت لامؤاخذة صوتله هتختار ازالة التصويت هتيشال علطول
او
ممكن لما تدخل سجل النشاطات قبل ماتدخل على ادارة التفاعلات تدخل على عرض سجل النشاطات هتلاقيها في اخر الصفحة هيجيبلك كل الحاجات اللي انت عملتها لايكس وكومنتس وكده اللي منهم التصويت .. فهي هي نفس النتيجة الاولي وهتمشي باقي الخطوات عادى يعنى هتختار التصويت وتعمله ازالة .
وبس كده ياصاحبي ده كان كل حاجة بخصوص موضوع ازالة الفوت على الفيسبوك لو حاسس انك استفدت وحابب تشير الموضوع مع صحابك فده شيء يسعدني ويشرفنى جدا ... يلا سلام
اة نسيت معلش لو انت عامل الفيسبوك انجلش فاكيد هتعرف تتعامل صح ؟ معلش ياصاحبي اصلي جاى من الغيط فتلاقينى في الانجليزى مش قد كده ههه بهزر يلا سلام
تابعنا على جوجل نيوز