شرح موقع ai Marketing بالتفصيل الممل ( حقيقة الربح من ai Marketing ) ai Marketing نصاب

AI Marketing 





صباح الخير ، في يوم من الايام في وقت من الاوقات في فترة من الفترات في سنة من السنين تحديدا في 2018 ظهر على الساحة الالكترونية موقع ai Marketing والمعروف بالتسويق عن طريق الذكاء الاصطناعي وبدأت الناس تسأل عن حقيقة الربح من ai Marketing وهل ai Marketing حلال ام حرام هل ai Marketing نصاب زيه زي كتير من المواقع اللي قبله ولا بيدفع فعلا وقبل مااكتب الموضوع ده كان لابد انى اجرب علشان انقل الحقيقة بصدق اوعالاقل الحقيقة من وجهة نظري 
وفي موضوع النهاردة هحاول قدر الامكان اغطي كل الاسئلة اللي ممكن تيجي في بالك عن الربح من ai Marketing .



 الموضوع هيبقي طويل علشان كده عاوزك تركز معايا وتجيب كوباية الشاي الجميلة وتستعد للقراءة بس قبل ماقول اى حاجة لازم نكون متفقين على حاجة واحدة وهي ان دايما مواضيع الربح من الانترنت المتعلقة بالاستثمار بتحمل الكثير من الاراء لذلك وجب التنويه ان كل ماورد في هذا الموضوع هو مجرد رأي او تدوينة من ضمن الالاف التدوينات على الانترنت ولكنه رأي مدروس كويس من شخص فاهم في المجال ده لذلك وجب التنويه . يلا بينا 


AI Marketing ماهو
موقع ai marketing


مالمقصود بالذكاء الاصطناعي ( Artificial Intelligence  ) 



الذكاء الإصطناعي عبارة عن الأنظمة و الأجهزة التي تحاكي العقل البشري والتي تكون قادرة على تأدية مهام معقدة وتحليل البيانات  والهدف منه هو تعزيز القدرات البشرية بشكل كبير و ليس تعويض الإنسان , ومنه يتضح أن موقع AI MARKETING  يستعمل أحدث التكنولوجيا ووده طبعا وفقا لكلامه ولكن الحقيقة فين ؟ 


ما هو موقع ai Marketing ( شركة ai Marketing ) 



هو عبارة عن نشاط تجاري لاسترداد النقود والإعلان عبر الإنترنت و ربح المال عن طريق تمويل روبوت marketbot. الذي تم إنشاؤه في مايو 2017 للترويج للعديد من المنتجات المختلفة على جميع منصات التواصل الاجتماعي 



كيف يعمل ai Marketing ( شرح موقع ai Marketing ) 




التسويق بالذكاء الإصطناعي أو Artificial Intelligence  هو عبارة عن روبوت ذكي يقوم با انشاء حملات إعلانية مستهدفة بطريقة صحيحة تبعا لمعايير الاسهتداف على منصات التواصل الاجتماعي المختلفة مما يحقق لك أرباح كبيرة في مدة قصيرة . يعنى كل اللي بتعمله ياصاحبي انك بتعمل ايداع للفلوس وتسيب الروبوت يشتغل مع نفسه بس كده ؟ ايوة بس كده 


انت بتسجل مع ai marketing كمستخدم. مهمتك الوحيدة هي تمويل الروبوت من أجل الإعلان للشركات ولما المنتجات تتباع انت بتاخد نسبة  55٪ من الارباح التي تكسبها الشركة ، والشركة بتاخد نسبة 45٪. والشركة بتسمحلك بالاستثمار في الإعلانات بمتوسط ​​ربح يتراوح بين 25٪ و 35٪ من تمويلك يعنى مقابل كل دولار بتستثمره في الإعلان فـ انت قصاده  بتكسب بين 1.25٪ إلى 1.35٪. والشركة بتاخد نسبة الـ 45٪ المتبقية من الأموال


50 دولار هدية من الموقع 


بعد ماتسجل في ai Marketing الموقع بيديك 50 دولار هدية بس هما في الحقيقية مش هدية هما قرض علشان تستعملهم كتجربة لتقيم الموقع وكمان علشان تشوف عملية الترويج  واحتساب الارباح بتتم ازاى وبعدها المفروض انت بتعمل ايداع علشان يبدأ الاستخدام الفعلي للموقع واقل مبلغ للايداع هو 10 دولار وطبعا مش محتاج اقولك كل مالايداع زاد كل ما الارباح زادت واحسب انت بقي 



الربح من ai Marketing عن طريق الاحالة 




احدى طرق الربح في ai Marketing هي الربح عن طريق الاحالة بمعنى انك بتاخد عمولة على كل واحد بيسجل من خلالك علشان كده كل الناس اللي بتشكر في ai Marketing وبتحط روابط التسجيل لازم تكون عارف انه بيعمل كده مش حبا فيك لا ده علشان ياخد عمولة عليك 


السحب والايداع في  ai Marketing


طرق الايداع في AI Marketing 



  • MasterCard
  • Visa
  •  Mir Card
  • PerfectMoney
  • Payeer
  • Ethereum 
  • Yandex Money
  • QiWi
  • Alfa



طرق سحب الارباح من ai Marketing 



  1. payeer 
  2. Visa
  3. Master Card
  4. Bitcoin



اثبات دفع ai marketing 


في الحقيقة وعلشان اكون صريح لحد الان الموقع صادق وبيدفع ولكن لحد امتى ؟ شهر اتنين سنة اتنين ؟ مسيره في الاخر يتقفل زيه زي مواقع كتير كانت شغالة بنفس الاستراتيجية مع اختلاف الفكرة وتزويقها 


ai Marketing نصاب 


في شوية حاجات تخليك تفكر مليون مرة قبل ماتشتغل علي AI Marketing وتأتمنهم على فلوسك زي مثلا :- 


  • اصحاب الموقع اشخاص غير معروفين حتي الان 

رؤساء ai Marketing لم يظهروا للعلن، ما يعني أنه تتعامل مع أشخاص وهميين ومجهولي الهوية. وأن بيانات وأوراق تسجيل المشروع لم تعرض في أي مكان وكل اللي بيتقال مجرد بيانات مزورة .


  • الدفع بالعملات الرقمية 

طبعا كلنا عارفين ان عمليات الدفع عن طريق العملات الرقمية لايمكن تتبعها علشان كده بيستخدموها الاشخاص على الدارك ويب وده 

  • الموقع يستخدم خاصية التسويق الهرمي 

 النظام المعروف بـالـ Ponzi scheme يعنى علشان تكسب لازم تجيب صحابك وتاخد نسبة من أرباحهم. وصحابك يجيبوا صحابهم وصحابهم يجيبوا صحابهم وهكذا وده عامل مشترك بين 99% من مواقع ومشاريع النصب .


  • نسب ربح كبيرة 35% 

ربح هذا النسب من الأموال بدون القيام بأي عمل سوى شحن حسابك بدوره يشكل سبب كبير في الشك في مصداقية الموقع .


  • أرباح الروبوت قليلة 


 مقارنة بالمرة الأولى التي تستخدم فيها 50 دولار اللي  من رابط الدعوة الخاص بأحدهم. حيث تغريك الأرباح الأولى ما يدفعك بدون تفكير إلى شحن حسابك بمبالغ كبيرة.

  • الروبوت يقوم بحملات إعلانية

 الموقع بيقول أن الروبوت هو اللي بيعمل الحملات إعلانية. في حين ان ده اصلا  بيخالف معظم قوانين منصات الإعلان مثل (Google Ads و Facebook وغيرها ...) يعنى ماينفعش شركة كبيرة مثل جوجل أن تسيب روبوت هو اللي يعمل حملات إعلانية.  حتي الفيسبوك يقوم يوميا بيقفل ويحظر حسابات المسخدمسن الحقيقين فما بالك بروبوت.


  • المقاطع التحذيرية المنتشرة عاليوتيوب 

فيديوهات كتير عاليوتيوب بتقولك اشترك وده اثبات دفع وفديوهات اكتر بتقولك دول نصابين اين الحقيقة ؟ ( حكم عقلك ) 


الربح من ai Marketing حلال ام حرام ؟ 


انا مش اهل علم ولا مصدر فتوة او تشريع علشان اقولك AI Marketing حرام ولا حلال بس نصيحتى ليك قبل ماتشتغل لازم تسأل اهل العلم عن مدى حرماية ai Marketing وتشرح للي هتسأله كل حاجة بالتفصيل اوعي تقوله انه تسويق بالعمولة لانه مش تسويق بالعمولة خالص لا عرفه العملية بتتم ازاى وانه نوع من انواع الاستثمار اللي انت مش عارف فلوسك راحت فين



 وبيتعمل بيها ايه وعلى افتراض انهم صادقين وبيتم ترويج منتجات فعلات هل المنتجات دى منتجات حلال يعنى سلع استهلاكية زى الملابس والاكسسسورات ولا منتجات حرام زى الخمور والعياذ بالله فانت مش عارف فلازم لما تسأل توضح للشيخ او الشخص اللي بتسأله كل حاجة علشان يقدر يديك فتوة صحيح ويارايت لو هتسأل حد اسأل حد عنده علم باامور الربح من الانترنت 


نصيحتى ليك في النهاية 


لو عاوز رأيي بكل حيادية انا شايف انهم شوية نصابين زيهم زي ناس كتير جمعت مليارات يعنى هو دلوقتى هيديك ارباح وكل حاجة ولكن هيوصل عند مبلغ معين من الايداعات ويقفل الموقع وتصحي تانى يوم ماتلاقيش فلوسك زيها زي شركات كتير وبعدين عاوزك دايما تحط في اعتبارك حاجة واحدة وهي ان ( السماء لاتمطر اموالا ) يعنى ماتفتكرش انك بدوسة زرار هتكسب ملايين محدش هيديك فلوس الا اذا كان كسبان من وراك الضعف السؤال بقي شغل الفلوس دى في ايه علشان يديك ارباحك ؟



 طب ايه المنتجات اللي بيروجوها طيب ممكن توريني بتعملها ترويج ازاى اسألة كتير ملهاش حصر تخليك تشك في الشركة عالعوما انا حاولت قدر الامكان اكون علي الحياد وان الموضوع يكون عبارة عن اسئلة واجوبة مش بس شرح للشركة ولنظامها اللي موجود في موجودين في مواقع كتير بباختصار تقدر تقول ان المقالة دى ( دعوة للتفكر ) وبس كده انا خلصت لو حاسس انك استفدت من الموضوع وحبيت تشيره مع اصحابك فده شيء يسعدنى ويشرفنى جدا . يلا سلام .
google-playkhamsatmostaqltradent