حقيقة موقع freefire 2021.com | شحن جواهر فري فاير مجانا 2021

شحن Free Fire مجانا



جواهر فري فاير مجانا




صباح الخير ، في يوم من الايام في وقت من الاوقات في فترة من الفترات في سنة من السنين كنا قاعدين عالفيسبوك متجمعين لقينا موقع انتشرانتشار فيروسي على السوشيال ميديا وهو موقع freefire 2021.com لشحن جواهر فري فاير مجانا وبعد مانزلنا رابط الموقع على صفحتنا في فيسبوك وجمعنا اراء الناس . قررنا النهاردة نكتبلكم موضوع عن حقيقة موقع freefire 2021.com وهل فعلا تقدر من خلاله  تحصل على جواهر فري فاير مجانية يلا بينا 



جواهر فري فاير مجانا
Free Fire 






شرح موقع freefire 2021.com 



موقع freefire 2021.com هو موقع من صفحة واحدة برمجة بسيطة فكرته قايمة على شحن لعبة فري فاير في البداية انت بتدخل على الموقع وبعد مابتدخل عليه بيجيبلك ايقونة خضرا مكتوب فيها ( ابدأ الشحن الان ) لما بتضغط عليها بينزلك اتوماتيك لاخر الصفحة وبيسألك هل أنت هنا من أجل شحن جواهر فري فاير بالمجان ؟ وبيديك اجابة واحدة بس وهي ( نعم ) بعد مابتضغط عليها بيقولك انتظر...


وبعدها بيسألك سؤال بيقولك هل تلعب فري فاير يوميا ؟ وبيديك اختيارين 

  • نعم 
  • لا 

والضغط على اى اختيار منهم مش هيفرق لانه كده كده هيحولك لنفس السؤال بغض النظر عن الاجابة اللي هتختارها والسؤال هو كم عدد جواهر فري فاير لديك ؟ وبيديك اربع اختيارات 

  1. اقل من 50
  2. 50-100
  3. 100-500
  4. أكثر من 500

وبغض النظر عن الاجابة اللي هتختارها مش مهمة لانه برضه هيحولك على نفس الصفحة اللي بيطلب فيها منك تشترك في قناة اليوتيوب الخاصة بالموقع وبيقولك يجب عليك متابعة احد القنوات اختر قناة من القنوات وقم بمتابعتها و تفعيل الجرس وبعدها جايبلك ايقونة خضرا مكتوب فيها ( تم الاشتراك )  وطبعا انت هتضغط عليها سواء اشتركت او لا برده مش هتفرق لانه هيحولك لنفس الصفحة 


بعدها بيقولك أدخل اسمك في اللعبة أو الأيدي وبيديك خانة فاضية تكتب فيها الاسم وبعد مابتكتب الاسم بيقولك اختار نوع الجهاز 

  • Android
  • Iphone

وطبعا ياصاحبي مابقتش محتاج اقولك ايا كان الاسم اللي هتكتبه والاختيار اللي هتختاره فهو مالوش لازمة لانه هيحولك لنفس الصفحة اللي بيقولك فيها ممتاز! أنت الأن مأهل للخطوة الأخيرة. وبعدها بيديك ايقونة خضرا مكتوب فيها ( الخطوة الاخيرة ) علشان تضغط عليها والمفروض تستلم جايزتك وهي فعلا الخطوة الاخيرة بعد مابتضغط على الايقونة اللي فيها الخطوة الاخيرة 


بيحولك لاخر صفحة وهي دى اللي فيها الغرض من الموقع كله . الصفحة عبارة عن 3 عروض ( CPA ) انت بتختار عرض منهم علشان تكمله 

طيب انت بتستفيد ايه ؟ .. ولا حاجة بل بالعكس انت بتخسر كمان لان في عروض الـ CPA دى انت بتكتب فيها رقم موبايلك وبيخصموا منك من 3 لـ 5 ج رصيد يوميا في المقابل صاحب الموقع بيكسب من دولار لـ 2 دولار على كل شخص بينفذ العرض ده 


انا ماعنديش مشكلة انه يكسب من الطريقة دى هي طريقة ذكية وكل حاجة ولكن ده فعلا لو كان هيشحنلك جواهر فريب باير مجانا لكن انا كملت عرض من العروض دى علشان اختبر الموقع وللاسف طلع موقع غير صادق كل غرضه الاستفادة بدون الافادة 

ماهي عروض CPA 


كلمة CPA هي اختصار لـ Cost Per Action وهو عبـارة عن الدفع لكل اجراء يتم في الموقع من خلال الزائر .. طبعا مواقع ال CPA كتيرة وعلى راسهم كليك بانك و CPa Build الفكرة من المواقع دي قايمة عن الترويج لالعاب او منتجات او اقتراحات او تنزيل تطبيقات وعلى كل شخص بينفذ العرض انت بتكسب مبلغ مادى بيبدأ من نصف دولار الي ماشاء الله . طبعا بما ان اغلب العروض دى الربح منها قايم عن طريق الغش والاحتيال على الزائر فانا بصراحة ياصاحبي مابرشحهاش خالص ليك لان الرزق اللي جاي منها مشكوك في امره 


هل موقع freefire 2021.com آمن ام يسرق بيانات 


موقع freefire 2021.com موقع امن ولايسرق اى بيانات لانك اصلا مابتدخلش بيانات علشان يسرقها . زى ماوضحنا فكرة الموقع قايمة على النصب والاحتيال على الزائر يعنى من ناحية سرقة البيانات مافيش سرقة البيانات ام من ناحية سرقة الرصيد فموجود سرقة رصيدك على الموبايل بدون ماتاخد بالك بعد ماتكمل العرض 


هل موقع freefire 2021.com صادق ؟ 


لو هو فعلا كان صادق كان طلب منك رقم تليفون او ايميل للتواصل معاك علشان بعد ماتنفذ العرض يشحنلك الجواهر لكن للاسف هو كل همه انه يكسب بدون مايساعد الشخص اللي ساعده يكسب علشان كده هو موقع غير صادق حتي ال ID اللي بيطلب منك انك تكتبه هو كده كده مابيهتمش بيه اصلا  


تعليقات الاعضاء في موقع freefire 2021.com


طبعا علشان يحسسك بالامان فموقع freefire 2021.com جايبلك بعض تجارب الاعضاء اللي جربوا الخدمة ومبسوطين منها واللي اصلا هي تجارب وهمة تم وضعها من خلال صاحب الموقع 


محمد رمضان في لعبة فري فاير 


الجدير بالذكر ان الفنان محمد رمضان تم التعاقد معاهه من خلال وعمل شخصية مخصصة شبيهة له تحت اسم مارو وبكده هيكون محمد رمضان اول شخصية عربية تنضم للعبة فري فاير واعلنت المنصة ان اللاعبين ممكن يبدأو اللعبة بشخصية محمد رمضان اعتبارا من يوم 16 ابريل عام 2021  وقال رمضان يسعدني أن أعلن تعاوني مع الشركة العالمية جارينا ولعبة فري فاير، الحمد لله أنا الشخصية العربية الأولى في اللعبة الأكثر تحميلاً على مستوى العالم في سنة ٢٠١٩ و٢٠٢٠


 إنه لشرف كبير أن أكون جزءًا من عائلة فري فاير بإطلاق شخصيتي الخاصة (مارو) وتابع رمضان "مجهود كبير تم بذله من الشركة لتكون الشخصية بهذه الدقة العالية، والتي أشعر بالفخر بها، وكان من المذهل رؤيتها مباشرة لأول مرة في برج خليفة، ولا أطيق الانتظار لتجربتها بنفسي والفوز فيها، تمنياتي لكم بالمكسب الدائم بشخصيتي في فري فاير".

مواقع اخري غير صادقة 


في حوالي 7 مواقع كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم وده ودى كل المقالات الل يتم كتابتها عن المواقع دى 



معلومات عن لعبة فري فاير 



لعبة فري فاير هي لعبة الحرب والقنص الأكثر شهرتا في الدول العربية و المتاحة على جميع الأجهزة الكمبيوتر و المحمولة مثل لأندرويد و الأيفون. هاده اللعبة الرائعة تم تطويرها من طرف 111dots Studio فهي من نوع Battle Royale و تسمى ب Garena Free Fire و لقد تم انشائها في عام 2017 بشهر ديسمبر.

 Garena هي الشركة التي قامت بتشر اللعبة للعالمية و لكن لقت اقبال خيالي في دول العربية و دول الخليج أكثر من الدول الأخرى و هذا ما أدى بالشركة الى رفع نصخة بالعربية بسبب تفاعل الرهيب للعرب مع فريفاير. لقد تم نشأ اللعبة بهدف المغامرات عبر النت, حيت يمكن الاسترخاء و لعب لعبة فريفير سواء عن طريق Android أم iOS



وبس كده يااصحبي ده كان كل حاجة بخصوص حقيقة موقع freefire 2021.com وغيره من المواقع الغير الصادقة ارجو منك انك تاخد حذرك في التعامل مع اى موقع بيقدملك خدمة مجانية وخليك دايما عارف ان السماء لاتمطر اموالا ... لو استفدت من الموضوع وحابب تفيد غيرك ماتنساش تشيره مع صحابك يلا سلام 
google-playkhamsatmostaqltradent