افضل موقع لتحويل صيغة الصور

الصفحة الرئيسية

تحويل صيغة الصورة 




افضل موقع للتعديل على صيغ الصور 



صباح الخير ، في يوم من الايام في وقت من الاوقات في فترة من الفترات في سنة من السنين تحديدا من اسبوعين كنت شغال على موضوع جديد من موضوعات سكرين ميكس وقابلتنى صورة عجبتنى جدا ولكن صيغة الصورة كانت غير مدعومة وطبعا كان لازم احولها لصيغة مدعومة علشان اقدر ارفعها على الموقع ومن هنا بدأت رحلة البحث عن موقع لتحويل صيغة الصورة 


وبعد استمرار عملية البحث لاكثر من 6 ساعات لقيت موقع مميز جدا في تغيير صيغة الصور وقولت لازم ياواد ياصاحب موقع سكرين ميكس تشاركه مع اصحابك لان اكيد كتير مننا بيحتاج يعدل صيغية الصورة والمواقع كتير وفي منها صادق وغير صادق ولكن الموقع اللي انا جايبهلكم ده بصراحة ابهرنى جدا لاني لاقيت فيه مميزات كتير مختلفة عن كل الموقع اهمها هو تحسين جودة الصورة في حالة لو كانت جودة الصورة ضعيفة 





تحويل الصور إلى JPG
تحويل صيغة الصورة 



موقع Squoosh 

مش هكون ببالغ لو قولت ان موقع Squoosh هو افضل موقع لتحويل صيغة الصور وده بشهادتى طبعا وطالما قولتلك بشهادتى ياصاحبي فانت مش محتاج تراجع ورايا اكيد وتقدر تدخل لموقع Squoosh  : من هنا 
طبعا انت اكيد بتقول دلوقتى ليه موقع Squoosh افضل موقع لتغيير صيغة الصورة وممكن برضه تكون فاكر ان ده اعلان مدفوع والعياذ بالله وعلشان كده تعالي اقولك ليه ليه موقع Squoosh افضل موقع لتحويل صيغ الصور 


مميزات موقع Squoosh 


  • سهولة التعامل معاه ودي اهم حاجة
  • تحويل الصور إلى PNG
  • تحويل الصور إلى JPG
  • تحويل الصور الي Avig
  • تحويل الصور الي Browser JPG 
  • تحويل الصور الي Browser PNG 
  • تحويل الصور الي JPG Xl ( Beta ) 
  • تحويل الصور الي MOZ JPG
  • تحويل الصور الي OXI PNG 
  • تحويل الصور الي WebP V2 & Webp
  • التحكم في جودة الصورة 
  • التحكم في ابعاد الصورة 
  • التحكم في حجم الصورة 
  • التحكم في تدوير الصورة 
  • موقع Squoosh له تطبيق تقدر تحمله على موبايلك وتستخدمه في تحويل صيغ الصور
  • مميزات اخري مش هقولها 

طبعا هتقولي طب ايه اللي بيعمله زيادة عن المواقع المشهورة التانية هقولك بص على اخر خمس مميزات وياسيدى علشان ماتزعلش في موقع تانى انا كنت بستخدمه زمان قبل مالاقي الموقع هو موقع كويس برضه وله فضل عليا ويعتبر رقم اتنين عندى في تحويل صيغة الصورة وتقدر تدخله :  من هنا 


وبس كده ياصحبي ده كان كل حاجة بخصوص موضوع افضل موقع لتعديل صيغ الصور لو حاسس انك لقدر الله استفدت من الموضوع وحبيت تشيره مع صحابك هكون شاكر جدا . يلا سلام 
google-playkhamsatmostaqltradent