انشاء حساب gmail بدون رقم هاتف | كيفية عمل gmail بدون رقم هاتف والربح منه

الصفحة الرئيسية

انشاء حساب Gmail 




كيفية عمل gmail بدون رقم هاتف



صباح الخير ، في يوم من الايام في وقت من الاوقات في فترة من الفترات في سنة من السنين كنت قاعد بسكرول داون على الفيسبوك زيي زى اى مواطن  بيحب بلده ولقيت حد كاتب بوست في جروب تقنى بيسأل عن كيفية عمل gmail بدون رقم هاتف وكانت اغلب الردود F و Up فقولت في بالي كده ليه ياواد ياصاحب موقع سكرين ميكس ماتكتبش مقالة تعرف الناس فيها طريقة انشاء حساب gmail بدون هاتف وبس ياسيدى . انا جايلك النهاردة علشان اعرفك ازاى تقدر تعمل تخطي رقم الهاتف اثناء انشاء gmail جديد


وايه مميزات انه يبقي معاك جيميلات كتيرة وازاى تكسب منهم . فعاوزك تركز معايا كده وتجيب كوباية القهوة اللذيذة بتاعتك علشان الموضوع طويل شوية لانى مش بس هقولك طريقة واحدة لكيفية عمل gmail بدون هاتف لا ياصاحبي انا هقولك اربع طرق .. بس قبل ماتلكم عن الاربع طرق تعالي الاولي نعرف ماهو حساب gmail ومتى تم انشاء الخدمة وماهي استخداماتها وطبعا مش هنلاقي مكان افضل من موسوعة ويكيبيديا علشان الحشو ده جاهز ياصاحبي ؟ يلا بينا  



عمل gmail بدون رقم هاتف
جيميل بدون هاتف





كيفية عمل gmail بدون رقم هاتف ( 4 طرق )


طيب ياصاحبي زى ماتفقنا انى هقولك في الموضوع ده طرق لانشاء gmail بدون هاتف بس قبل ماقولك الاربع طرق  للامانة حابب انوه ان بعض الطرق ممكن تشتغل مع شخص وشخص لا وده راجع طبعا للدولة اللي انت بتعمل منها الجيميل بس باذن الله ايا كانت دولتك فأكيد في طريقتين عالاقل من الاربعة هيشتغلوا معاك لذلك وجب التنويه 

انشاء حساب gmail بدون رقم هاتف 


عمل gmail بدون رقم هاتف عن طريق المتصفح الخفي


الطريقة الاولي وتعتبر الطريقة الاكثر ضمانا انها تشتغل معاك من اى مكان في العالم بص ياصاحبي في الطريقة دى احنا بنعتمد على تنزيل متصفح SAMSUNG INTERNET BROWSER الاصدار رقم 11.1.2.2 واللي تقدر تحمله من هنا او من هنا  بعد ماتحمله هتفتح المتصفح في الوضع الخفي وتعمل حسابات زى مانت عاوز عن طريق انشاء حساب جيميل بالطريقة الطبيعية الفرق انه في الطريقة دى مش هيطلب منك رقم هاتف لعمل الجيميل بالطريقة دى تقدر تعمل لحد 50 حساب جيميل يوميا ونيجى للطريقة التانية

انشاء اكثر من حساب جيميل برقم هاتف واحد 


الطريقة دى معتمدة على انك تعمل حساب جيميل برقم هاتف عادى جدا وبعد ماتعمل الحساب هتفتح جوجل وتدخل على اعدادات حساب جوجل وتختار المعلومات الشخصية وتنزل تحت شوية وتختار رقم التليفون وتعمل حذف رقم الهاتف بالطريقة دى انتا ممكن تعمل اكتر من حساب باستخدام رقم هاتف واحد بس . نيجى بقي للطريقة التالتة 


إنشاء حساب gmail عن طريق مسح بيانات المتصفح 


في الطريقة بنعتمد على ان جوجل بتدى الحق لكل جهاز جديد انه يعمل gmail بدون رقم هاتف وطبعا ياصحبي انت جهازك مش جديد وعلشان تخليه جديد بتعمل تسجيل خروج من الايميل اللي انت مسجل بيه بعدها بتعمل مسح لجميع بيانات المتصفح وخد بالك لو في حاجة مهمة هتتمسح علشان ماترجعش تقول انا ماقولتش لا انا بقولك اهو كل حاجة بتتمسح  و يعتبر  العيب الوحيد للطريقة دى المهم بعد ماتعمل حذف لجميع بيانات المتصفح هتفتح من VPN جديد وبعدها هتعمل انشاء جيميل جديد عادى ومش هيطلب منك رقمم هاتف . نيجى بقي لاخر طريقة 


فتح gmail جديد بدون رقم هاتف عن طريق الارقام الوهمية 


في الطريقة دى بتعتمد على استخدام ارقام امريكية وهمية وظيفتها انك بتحطها في خانة رقم الهاتف وبيجيلك الرسالة اللي فيها الكود عليها واشهر مواقع استقبال الرسائل على ارقام امريكيية هو موقع ( Receive Sms ) 


طيب ياصاحبي بعد ماعرفت الطرق وجربتها واشتغل معاك اتنين او تلاتة هتقدر تستفيد ازاى من عدد الجيميلات اللي هتبقي ماك دى او هتعمل بيهم ايه ماهو اكيد ليهم هدف 

الربح من عمل حسابات gmail 


بص بصراحة هو في طرق كتير للربح من عمل الجيميلات ولكن قبل ماقولهوملك انا برىء منك امام الله لو كنت هتستخدمهم في الكسب بطرق غير شرعية . عموما اشهر الطرق للربح عن طريق الجيملات هو استخدامهم في مواقع ال CPA او بيعهم لاشخاص في جروبات الفيسبوك وانت ابحث ودور بقي  وشغل دماغك 


وبس كده ياصحبي ده كان كل حاجة بخصوص موضوع النهاردة كيفية عمل gmail بدون رقم هاتف لو استفدت من الموضوع ماتنساش تشيره مع صحابك يلا سلام 

google-playkhamsatmostaqltradent