قصة حي الشيخ جراح وحقيقية مايحدث فيه الان

الصفحة الرئيسية

فلسسطين 




صباح الخير في يوم من الايام في وقت من الاوقات في فترة من الفترات في سنة من السنين تحديدا سنة 2021  صحينا على هاشتاج هز السوشيال ميديا لاول مرة من فترة طويلة وانتشر انتشار فيروسي في وقت قليل لحد ماتصدر جميع صحف العالم هاشتاج #انقذوا_حي_الشيخ_جراح  طب إيه قصة حي الشيخ جَرّاح وايه اللي بيحصل هناك قررنا النهاردة نحكيلكم ملخص على السريع للي مش فاهم علشان يعرف الكارثة اللي احنا بنعيشها ؟



قصة حي الشيخ جراح
انقذوا حي الشيخ جراح



حي الشيخ جراح 


لما حصلت النكبة سنة ٤٨ ، اتهجرت ٢٨ أسرة من مُدنهم وبيوتهم فاتفقت الأردن مع وكالة اللاجئين الأونروا إنهم يملكوا أرض موجودة في شمال بيت المقدس اسمها حي الشيخ جَراح للـ ٢٨ اسرة دولواتفقوا معاهم إنهم هيسلموهم عقود ملكية الأراضي بعد ٣ سنين عشان يحطوها في عين أي حد يفكر انه ممكن يتعرضلهم في يوم من الأيام ! طيب هل ده حصل ؟ 


للأسف الشديد لا ماحصلش، والموضوع فضل نايم كذا سنة كعادة العرب وزى ماحنا عارفين تبات نار تصبح رماد ، لحد ما حصلت النكسة سنة ٦٧ وموضوع تسليم العقود اتعقد أكتر، ومن وقتها والصها**ينة بيحاولوا بكل الطرق إنهم يثبتوا إن أهالي الشيخ جَراح مستولين على الأرض وقاعدين فيها بدون وجه حق وإن الأرض دي من حقهم هما بما إنهم أصحاب الأرض !! ( لفظ إعتراضي ) !!

وفي سنة ٢٠٠٨/٢٠٠٩ صدر قرار من محكمة إسرا..ئي..لية على أسرة اسمها الكرد ، الاسرة دى كانت واحدة من ضمن الـ ٢٨ أسرة ، إن بيتها يتقسم بالنص، نص للأسرة دي والنص التاني لصهي..وني مستو..طن يعيش معاهم ! انت متخيل يااصاحبي !! عمرك شوفت سرقة عينى علينك كده ؟ 

عارف يعني إيه حد يسرق بيتك ويدخل ويخرج معاك من نفس الباب ؟ وإنك ماتأمنش على أهل بيتك في وجوده وفي غيابك دماغك تودي وتجيب ! وممكن يوصل بيه الأمر إنه يضربك أو يضرب حد منهم .. تخيل بقى إن حال أسرة أو عائلة الكرد كانت أهون من عائلة الغاوي وعائلة حنون اللي حُكم عليهم بالطرد من بيوتهم وتمليكها لصها**ينة مستو..طنين طيب الكلام ده كان سنة ٢٠٠٨/٢٠٠٩  طب دلوقتي إيه اللي بيحصل ؟

دلوقتي سنة ٢٠٢١ ناويين يطردوا الـ 28 أسرة كلهم واللي وصل عددهم ل٥٠٠ شخص من بيوتهم في الشارع ويسَكِنوا البيوت للمستو..طنين الصها..ينة ! 

فهمت ليه دلوقتي الدنيا مقلوبة بسبب حي الشيخ جَراح ؟ عرفت الكارثة اللي وصلنالها وللاسف الشديد لانملك في ايدينا شيء سوي الدعاء وان صوتنا يبقي مسموع للعالم كله على السوشيال ميديا يمكن الحجر يتحرك . شير على اوسع نطاق وعرف الناس الحقيقة 


#انقذوا_حي_الشيخ_جراح
#savesheikhjarrah
#هذا_بيتي
google-playkhamsatmostaqltradent