جيشك حلبة
صباح الخير ، في يوم من الايام في وقت من الاوقات في فترة من الفترات في سنة من السنين تحديدا في 2020 اثناء تأديتى الخدمة العسكرية لبلدى الحبيبة مصر ام الدنيا وفي بدايات مركز التدريب لقيت احد العساكر القديمة بيقولى مالك ياصاحبي مضايق نفسك ليه ده انت لسه جيشك حلبة وبصراحة كانت اول مرة اسمع الكلمة فلما سألته يعنى ايه جيشك حلبة قالي اة انت مستجد بقي وهتقرفنا
ولكنى اصريت اعرف معنى كلمة جيشك حلبة دى وفضلت وراه لحد ماقالي وانا جايلك النهاردة ياصاحبي علشان اقولك شوية مصطلحات في الجيش لازم تعرفها زى جيشك حلبة و عسكري سيكا وكاحول وغيرهم بس ياصاحبي قبل ماقولك المصطلحات دى لو انت داخل جيش قريب لازم تاخد جولة في الموضوع ده هيفديك جدا ( مستلزمات المجند في مركز التدريب ) المهم علشان ماطولش تعالي اقولك يعنى ايه جيشك حلبة
 |
| جيشك حلبة ياعسكري |
معنى جيشك حلبة
المقصود بجيشك حلبة ياصاحبي هو ان جيشك لسه طويل وانك لسه في الاول ودي بتتقال للعساكر المستجدة اللي هما لسه داخلين جيش جديد يعنى لما يجي يسأل عن حاجة بتلاقي عسكري قديم رخم يقوله " بتسأل ليه ياصاحبي ده انت لسه جيشك حلبة " اللي هو انت لسه بدري عليك ماتسألش
اصل كلمة جيشك حلبة
يعود المصطلح لعصور ما قبل الثورة، حيث أن الحلبة يصنع منها مشروب سائل ساخن وبالقاع تتجمع بذور الحلبة ، وهذا تشبيه بليغ بأن التقيل في الاخر يا معلم وانت لسه بتشرب في المشروب الساخن ولم تصل للثقيل بعد وده هبد بصراحة ولكن هو ده المعنى للاسف اللي بيتقال لما تسأل وبس كده يااصحبي ده كان كل حاجة بخصوص موضوع جيشك حلبة وتقدر تعرف يعنى ايه سيكا في الجيش من هنا ( معنى كلمة سيكا في الجيش ) ولو عوزت تعرف معانى كلمات كتير بتقبلك على السوشيال ميديا يوميا فانت كده محتاج جولة سريعة في قسم المعانى ولو حاسس انك استفدت وحبيت تشير الموضوع ده مع صحابك فده شيء يسعدني ويشرفنى جدا.. يلا سلام .