حل مشكلة الأرباح معرَّضة للخطر أنت بحاجة إلى إصلاح بعض المشاكل في ملف ads.txt

Ads.Txt






الحل النهائي لمشكلة الارباح معرضة للخطر في جوجل ادسنس 





صباح الخير ، في يوم من الايام في وقت من الاوقات في فتة من الفترات في سنة من السنين تحديد في بداية 2021  كنت بفتح حسابي  على جوجل ادسنس واذ فجأة الاقي اشعار بيقول ( الأرباح معرَّضة للخطر - أنت بحاجة إلى إصلاح بعض المشاكل في ملف ads.txt لتجنُّب خسارة كبيرة في أرباحك ) وطبعا اول ماشوفت الرسالة قلبي وقع في رجلي وقولت بس .. فلوس راحت ياصابر 
وبدأ رحلة البحث في جوجل عن حل للمشكلة وادخل من موقع لموقع ومواقع تشيلنى ومواقع تحطنى وتقريبا شوفت جميع المقالات والفديدوهات الخاصة بمشكلة الارباح معرضة للخطر



وجربتهم كلهم وانتظرت لمدة 3 شهور ان الاشعار يروح ومافيش فايدة لحد ماقرأت مقالة في احدى المواقع الاجنبية وقولت اما اجرب مش هخسر حاجة وفعلا جربت وبعد تلات ايام بالظبط انتهت المشكلة واختفي اشعار مشكلة الارباح معرضة للخطر في ادسنس ، وكالعادة قولت لازم اشارك جمهوري الحبيب اللي اكيد بتواجهه المشكلة دى فعاوزك كده ياصاحبي تركز معايا وتجيب القهوة بتاعتك وتستمتع بالشرح اللي مش هياخد خمس دقايق 





الحل النهائي لمشكلة الأرباح معرَّضة للخطر وانشاء ملف ads.txt بطريقة صحيحة إليك الحل بنسبة 100%
Ads txt بلوجر




سبب مشكلة الارباح معرضة للخطر في ادسنس 




كل حاجة في الدنيا ليها حل بس علشان اعرف الحل لازم الاول اعرف السبب واكيد الاشعار ده ظهرلك بسبب خطأ انت عملته بدون قصد طب ايه هي الاسباب اللي بتؤدى لظهور مشكلة الارباح في خطر . في الحقيقة هو سبب واحد بس وعلاجه بسيطة وسيبك من الهبد بتاع الاخوة الزملا اللي كلهم بينسخوا من بعض 


سبب مشكلة الارباح معرضة للخطر هو ان الموقع بتاعك مابيفتحش بجميع امتداداته هتيجي تسألنى تطلع ايهه الامتدادات دى ياصاحب موقع سكرين ميكس فأرد عليك بكل بساطة واقولك اياصاحبي الامتدادات دى اللي هي : 


  1. HTTP 
  2. HTTPS 
  3. WWW
  4. بدون WWW

بس كده ؟ اة ولله بس كده . سبب بسيط جدا ولكنه نادرا لما يجي علي بال حد كل الحكاية ياصاحبي ان الموقع لازم يكون بيفتح بالامتدادات دى كلها والا بوتات جوجل لما تدخل علشان تقرا ملف ads.txt  بتاعك سواء كان ووردبريس او بلوجر مش هتعرف تدخل فبالتالي انت عندك مشكلة ف احد الامتدادات ولازم تحلها 



حل مشكلة الارباح معرضة للخطر انت بحاجة الى اصلاح بعض المشاكل 



اغلب الناس اللي بتقابلهم المشكلة دى بيبقي بسبب ان الدومين بتاعهم مابيفتحش من غير www فانت كل اللي هتعمله اول حاجة هتدخل علي  بلوجر وتدخل علي الاعدادات بعدين اعدادات النشر بعدين نطاق اعادة اتوجيه وتتأكد ان الدومين معموله اعادة توجيه علشان يشتغل ب www وبدون  www بعد كده تفتح حساب جودادي او نيم شيب او اى كان الشركة اللي الدومين متسجل عليها وتدخل علي اعدادات Dns بعدين تدخل علي اعادة التوجيه ( Forwarding )  




وتختار https والناحية التانية هتحط رابط موقعك + www  علشان يبقي بالشكل ده  ( www eXample.com )  واختار امر اعادة التوجيه 301 واعمل حفظ واصبر ساعة او اقل واتأكد ان الدومين بقي بيفتح من غير www  بعدين ابدأ ضيف كود ads.txt من  تاني ف المدونة وانتظر من ٣ ايام لاسبوع وباذن الله هتلاقي رسالة الارباح معرضة للخطر اختفت




ملحوظة :- 

الحل ده ينفع لبلوجر و وردبريس لانه مش متعلق بالمنصة اللي عليها الموقع هو متعلق بالدومين ذات نفسه والمفروض ان اول ماتشتري اي دومين بتعمله اعادة توجيه علشان يشتغل بـ WWW وبدون WWW علشان ماتقابلكش اى نوع من المشاكل دى في المستقبل 


وبس كده يااصحبي ده كان حلجة بخصوص موضوع حل مشكلة الارباح معرضة للخطر في حساب ادسنس لو استفدت بالموضوع وحبيت تشيره مع اصحابك فـده شيء يسعدنى ويشرفنى جدا يلا سلام 

تعليقات