معنى كيبوب ( ما معنى ارمي كيبوب ) ما هو الكيبوب K-Pop

الصفحة الرئيسية

 

K-POP





صباح الخير . في يوم من الايام في وقت من الاوقات في فترة من الفترات في سنة من السنين  كنت بتصفح موقع صديقي العزيز BTS TODAY وجه في بالي اكتب موضوع عن معنى كلمة كيبوب لان لقيت ناس كتير بتسأل ماهو الكيبوب و ما معنى ارمي كيبوب خصوصا بعد الانتشار الكبير لارمي Bts مؤخرا على السوشيال ميديا





 بس قبل ماقولك معلومات عن الكيبوب ومين هم فرق الكيبوب حابب اقترح عليك تاخد جولة سريعة في قسم المعانى اللي من خلاله تقدر تعرف معانى لاشهر الكلمات الموجودة في حياتنا اليومية بشكل عام وعلى السوشيال ميديا بشكل خاص المهم علشان ماطولش عليك يلا بينا نعرف ماهو الـ K-POP 







من هي أول فرقة كيبوب في العالم
من هم الكيبوب




معنى كلمة K-Pop



K-Pop هو اختصار لكلمة Korean Popular Music واللي معناها الموسيقي الشعبية الكورية او البوب الكوري وهو نوع من انواع الموسيقي القادم من كوريا وبيعتبر من افضل انواع الموسيقي الاسيوية ونوع الموسيقي او الفن ده مش مقتصر على البوب بس لا ده كمان بيجمع انواع متنوعة من الموسيقي زى الهيب هوب والروك والجاز والـ R&B


بداية الكيبوب 


 البوب الكوري كانت بدايته في الخمسينات وكانت عبارة عن مجموعات غناء نسائية وكانت فكرة الاساطير الكورية اندرو سيسترز ورونيت. ومع الوقت اتطورت شكل موسيقي البوب الكوري لحد ماوصل للتسعينات الا ان البداية الحقيقية للشهرة العالمية للكيبوب كانت  يوم 15 يوليو 2012 بعد اصدار المغني الكوري ساي اغنية غانغنام ستايل والتي انتشرت بسرعة الصاروخ وحققت اعلى نسب مشاهدة في اليوتيوب ومازالت متصدرة حتى وقتنا هذا 


كيبوب BTS و EXO


وفي عام 2015 كان النجاح الساحق للكيبوب او البوب الكوري بسبب فرقة  BTS و EXO  وده بعد اصدار اغنية بلود سويت اند تيرز لبي تي اس واغنية مونستر لاكسو واللي حققت شعبية كبيرة جدا في امريكا وجميع انجاء العالم 



سبب شهرة فرق الكيبوب 


السبب في شهرة الكيبوب بعد نوعية الموسيقي اللي بيقدموها يرجع للميزانية العملاقة اللي بتبدأ من 100 الف دولار امريكي حتى نصف مليار دولار امريكا واللي بتتصرف على الفيديو كليب لاغنية مدتها 
خمس دقايق



عوامل ساعدت على زيادة شعبية K-Pop



  • المزج المتناسق بين الغناء والرقص وده لان كل حركة بيعملوها بتكون متناسبة مع الايقاع 
  • استخدامهم المتميز للازياء والالوان والمكياج 
  • التناسق في جميع الرقصات التى يتم تأديتها 
  • اتقانهم لعدد من اللغات المختلفة لزيادة الانتشار الاوصول الي اكبر عدد من الجماهير
  • انتشار الدراما الكورية بشكل كبير في الوطن العربي وزيادة محبيها ومتابعيها 



من هن الفاندوم 



الفاندوم هم المشجعين والمحبين لفرق الكيبوب زى مثلا فرقة BTS عندم ( BTS ARmy ) وفرقة EXO عندهم ( الاكسوالز ) وفرقة بلاك بينك عندهم ( البلينكس ) وهكذا .. وبس كده ياصاحبي ده كان كل حاجة بخصوص معنى كيبوب وبدأية نشأتهم وسبب شهرتهم . لو الموضوع عجبك وحبيت تشيره مع صحابك الكيبويبين فـ ده شيء يسعدني ويشرفنى جدا وماتنساش تبقي تاخد جولة في قسم المعانى يلا سلام .
google-playkhamsatmostaqltradent