| خطير | احذر موقع mpc14 لشحن 200 جنيه رصيد ( mbc14 حقيقة ام نصب )

اشحن 200 جنيه رصيد مجانا لأى شبكة - اضغط هنا mbc14 





حقيقة موقع mpc14




صباح الخير ، في يوم من الايام في وقت من الاوقات في فترة من الفترات في سنة من السنين كنا قاعدين عالفيسبوك متجمعين لقينا كومنت منتشر جدا على الفيسبوك وناس كتير بتشيره الكومنت بيقول : لو انت مفلس و عايز كارت شحن ب ٢٠٠ ج رصيد لأى شبكة ~ ابحث فى جوجل عن الكلمه دى mbb14 وادخل اول موقع - هتاخد كارت شحن مرة وحدة بس
ومن هنا بدأ التساؤولات حول  ما هو mbc14 وهل فعلا في حد يقدر يشحن 200 جنيه رصيد مجانا ؟ . 
وبعد ماقام عدد من فريق موقع سكرين ميكس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة موقع mbc14 لشحن 200 جنيه رصيد . 

في الاول ياصاحبي لو انت واحد من اللي خدوا الرسالة وحطوها في 15 كومنت فيؤسفنى اقولك انك كده خلاص مابقتش صاحبي . ليه تعمل كده ؟  صدقت فعلا انك تقدر تششحن رصيد ببلاش . ياخسارة ياصاحبي حقيقي ياخسارة اتفضل ياباشا معايا اقولك حقيقية موقع mpc14


 
 
mbc14. 14mbc mbc14 mbs14 mpc14. دلوقتى تقدر تشحن ب 200 جنيه رصيد لأى شبكة لفترة محدودة من موقعنا المجانى mbc14. هل شحنت من موقعنا من قبل ؟ نعم لا ...
موقع mbc14



حقيقة موقع mpc14 facebook


شرح كيفية استخدام موقع mpc14


موقع mpc14 هو موقع من صفحة واحدة مبرمجة بطريقة بسيطة جدا اول مابتدخل عالموقع بتظهرلك رسالة بتقولك : هل شحنت من موقعنا من قبل ؟ وبيديك اختيارين


  1. نعم 
  2. لا 


وسواء اختارت او نعم او لا هيحولك على نفس الصفحة اللي بيسألك فيها اختر الشبكة المستخدمة ؟ وبيديك اربع اختيارات



  1. اورانج
  2. اتصالات 
  3. فودافون 
  4. WE


وبعدها بيقولك الشروط و الاحكام : كارت شحن واحد فقط لكل خط - ويرجى عدم استخدام الموقع للشحن اكثر من مرة ( قال يعنى حقيقي ) وايا كان اختيارك هيجولك على صفحة يقولك اضغط هنا للتأكيد انك لست روبوت وبعد ماتضغط هيظهر سؤال يقولك مفرد كلمة بلاد هتكتب بلد وتضغط الخطوة التالية هيحولك على صفحة مكتوب فيها 


تهانينا تم توليد كود الشحن 200ج جاهز للشحن
لم يتبقى لك سوى خطوة اخيرة يرجى تنفيذها لأستلام رقم كارت الشحن
(الخــطوة الاخيرة)
انسخ الرسالة الموجودة في الاسفل وانشرها فى 15 تعليق فى الفيسبوك فى اماكن مختلفة- تعليقات - صفحات - جروبات

نسخ الرسالة 
كارت الشحن دا [2070 1087 2603 7612] ب200جنية رصيد شحنته دلوقتى حالا من موقع بيستخرج اكواد شحن عشوائية كتير -الموقع حتى الان شغال لكل الشبكات -  افتح جوجل واكتب فى البحث   mpc14  وادخل اول موقع يظهرلك
الرجاء بعد الإنتهاء من نشر الرسالة بنجاح اضغط على الحصول على رقم كود الشحن

الحصول على كود الشحن





ولما بتضغط على الحصول على كود الشحن بيظهرلك اشعار مكتوب فيه كود الشحن هو : [9**1 2341 3891 7112] -------المعذرة الكود الشحن ناقص رقمين ولن تستطيع الشحن، أنت لم تنشر الرساله 15 مرة فى اماكن مختلفة فى الفيسبوك , يرجى نشرها فى اماكن مختلفة للحصول على كود الشحن كامل

وطبعا مهما تنشر في الرسالة وتدخل عالموقع علشان الرقمين الناقصين هيظهرك نفس الاختيارات ونفس كل حاجة من اول جديد لان الموضوع كله عبارة عن نصب في الاول والاخر 

اشحن 200 جنيه رصيد لاي شبكة مجانا


خليني اقولك ياصاحبي وبكل ثقة انه حتي الان لايوجد على فيسبوك مايسمي بشحن رصيد مجانا  وكل التطبيقات والمواقع اللي بتقدم خدمات زى دى هي مواقع غير صادقة والغرض من المواقع دى سرقة بياناتك واستخدامها وتقدر تقرأ المقالة دى علشان تعرف خطر استخدام المواقع اللي زى mbc14 ( كيفية حماية حسابك على الفيسبوك من الاختراق ) 

تعليقات المستخدمين في موقع mpc14


طبعا صاحب الموقع علشان يضيف جزء من المصداقية كده قالك اما اعمل شوية تعليقات وصور وهمية واضيفها علشان الناس تطمن وتنفذ المطلوب منها وبيتهألي باين جدا ان التعليقات الموجودة في الموقع كلها Fake 

mbc 14 هكر



جاتلنا كتير من الاسئلة بخصوص موقع mbc 14 ولكن اكتر سؤال كان بيتسئلنا هو هل موقع mbc14 هكر وخليني اقولك ياصاحبي انه مش هكر ومايقدرش يخترق جهازك لكن يقدر يستخدم الرقم اللي انت حطيته ده في الترويج لعروض CPA ويسحب رصيد منك زى خدمات العاب اونلاين فودافون 

مواقع اخري غير صادقة



في مواقع كتير كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم و دى كل المقالات اللي تم كتابتها عن المواقع دى 







وبس كده ياصحبي ده كل حاجة بخصووص موضوع النهاردة حقيقة موقع mpc14  . ارجو انك بعد ماقرأت الموضوع وعرفت حقيقة شحن 200 رصيد مجانا  انك ماتصدقش الحاجات دى وماتمشيش وراها . لو استفدت من الموضوع ماتنساش تشيره مع صحابك يلا سلام .



 كارت الشحن دا [2070 1087 2603 7612] ب200جنية رصيد شحنته دلوقتى حالا من موقع بيستخرج اكواد شحن عشوائية كتير -الموقع حتى الان شغال لكل الشبكات -  افتح جوجل واكتب فى البحث   mbc14.com   وادخل اول موقع يظهرلك

تعليقات
19 تعليقًا
إرسال تعليق
  • Unknown
    Unknown 11 نوفمبر 2021 في 1:31 م

    شكرا جدا

    إرسال ردحذف
    • Unknown
      Unknown 11 نوفمبر 2021 في 1:38 م

      دي حقيقة . انا جربته ومخدتش اي حاجة لا رصيد ولا غيره

      إرسال ردحذف
      • Unknown
        Unknown 17 نوفمبر 2021 في 7:43 ص

        شكرا شكرا على الموضوع

        إرسال ردحذف
        • STARK
          STARK 17 نوفمبر 2021 في 3:53 م

          العفو ياشباب <3

          إرسال ردحذف
          • Unknown
            Unknown 24 نوفمبر 2021 في 12:13 ص

            يعني كدا حسابي اخترق

            إرسال ردحذف
            • STARK
              STARK 24 نوفمبر 2021 في 4:41 م

              لا مافيش اختراق ولا حاجة الموقوع اصلا مش حقيقي ومالوش فايدة او ضرر

              حذف
            • Unknown
              Unknown 1 ديسمبر 2021 في 4:56 م

              شكراً انت والله إبن حلال

              إرسال ردحذف
              • STARK
                STARK 2 ديسمبر 2021 في 3:09 ص

                حبيبي ياغالي تسلم

                حذف
              • Unknown
                Unknown 4 ديسمبر 2021 في 1:58 م

                شكرا ليك فعلا ده اللي حصل وما اختش حاجه

                إرسال ردحذف
                • STARK
                  STARK 4 ديسمبر 2021 في 5:57 م

                  العفو ياغالي للاسف هما بيضحكوا على الناس

                  حذف
                • mazen
                  mazen 4 ديسمبر 2021 في 9:56 م

                  احا انا مختش حاجه بعد نص ساعه بشر

                  إرسال ردحذف
                  • STARK
                    STARK 5 ديسمبر 2021 في 12:58 ص

                    ربنا يعوض عليك ياصاحبي

                    حذف
                  • Unknown
                    Unknown 23 ديسمبر 2021 في 12:34 ص

                    أزال أحد مشرفي المدونة هذا التعليق.

                    إرسال ردحذف
                    • Unknown
                      Unknown 9 يناير 2022 في 3:02 ص

                      انت فعلآ انسان محترم كنت عارف انها نصباية ولعب عيال بس انت أكدت وجهة نظري شكرا لحضرتك

                      إرسال ردحذف
                      • STARK
                        STARK 14 يناير 2022 في 8:52 م

                        العفو شكرا لردك ^_^

                        حذف
                      • Unknown
                        Unknown 25 فبراير 2022 في 7:37 م

                        طيب واللي عمل الخطوات دي كلها وفعلا كلامك صح ماخدش حاجه يتجنب اي مشكله هتحصله بعد كده ازاي زي سرقه الرصيد زي ما حضرتك بتقول ايه الحل

                        إرسال ردحذف
                        • STARK
                          STARK 26 فبراير 2022 في 9:34 م

                          كلم خدمة عملاء الخط بتاعك وخليهم يلغوا اى خدمات من علي الخط غير اللي انت عاوزها

                          حذف
                        • Unknown
                          Unknown 31 مارس 2022 في 1:07 ص

                          معلمات مقنعه وصريحه

                          إرسال ردحذف
                          • Unknown
                            Unknown 7 أبريل 2022 في 2:53 م

                            حقيقي انا عملتو وما ادانيش اي حاجه نصب

                            إرسال ردحذف



                            وضع القراءة :
                            حجم الخط
                            +
                            16
                            -
                            تباعد السطور
                            +
                            2
                            -