حقيقة موقع biz4ap لمعرفة باسورد الواي فاي

طريقة معرفة باسورد الواي فاي



حقيقة موقع biz4ap 




صباح الخير ، في يوم من الايام في وقت من الاوقات في فترة من الفترات في سنة من السنين كنا قاعدين عالفيسبوك متجمعين لقينا كومنت منتشر جدا على وناس كتير بتشيره الكومنت بيقول : 

   الحق يا يسطا الطريقة دى تقدر تفتح نت من أى شبكة واى فاى  ومش معاك الباسورد ! ركز معايا > اول حاجه هتفتح  جوجل وتكتب فى البحث( BIZ4AP ) هتدخل اول موقع فقط تحط اسم الشبكة هيظهرلك الباسورد  

ومن هنا بدأ التساؤولات حول ماهو موقع biz4ap  وهل فعلا تقدر تعرف باسورد الواي فاي من خلاله ؟ . 
وبعد ماقام عدد من فريق موقع سكرين ميكس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة موقع biz4ap لمعرفة كلمة سر الواي فاي  . 

في الاول ياصاحبي لو انت واحد من اللي خدوا الرسالة وحطوها في 15 كومنت فيؤسفنى اقولك انك كده خلاص مابقتش صاحبي . ليه تعمل كده ؟ عقلك كان فين ياابراهيم صدقت انك تقدر تخترق الواي فاي بجد يامستر روبوت . ياخسارة ياصاحبي حقيقي ياخسارة اتفضل ياباشا معايا اقولك حقيقية موقع biz4ap علشان ماتقعش في الغلط ده تانى بعد كده


  
  

الان يمكنك معرفة باسورد أى شبكة واى فاى قريب منك عن طريق موقعنا biz4ap المجانى

 


حقيقة موقع biz4ap  facebook



موقع biz4ap هو موقع من صفحة واحدة مبرمجة بطريقة بسيطة جدا اول مابتدخل عالموقع بتظهرلك رسالة بتقولك الان يمكنك معرفة باسورد أى شبكة واى فاى قريب منك عن طريق موقعنا biz4ap المجانى وبعدها بيسألك سؤال وبيقولك ما هو نوع شبكة الواى فاى التى تريد معرفة الباسورد الخاص بها ؟ وبيديك اختيارين

  1. مخفية
  2. ظاهرة


ولما بتضغط على اى واحدة فيهم بيظهرلك سؤال تانى بيقولك ما مدى قوة الاشارة التى تظهرها الشبكة على هاتفك ؟ وبيديك تلات اختيارات



  1. ضعيف
  2. متوسط
  3. قوي


وبعدها بيقولك اضغط هنا لكتابة اسم شبكة الواي فاي التى تريد معرفة باسورد خاص بها بعدين بتضغط على ايقونة الخطوة التالية بعدها بيقولك :

الان يمكنك معرفة باسورد أى شبكة واى فاى قريب منك عن طريق موقعنا biz4ap المجانى

تهانينا لقد تم التعرف على كلمة السر الخاص بالشبكة
تبقى لك خطوة اخيرة
(الخــطوة الاخيرة)
انسخ الرسالة الموجودة في الاسفل وانشرها فى 15 تعليق فى الفيسبوك فى اماكن مختلفة -صفحات-جروبات

نسخ الرسالة
   الحق يا يسطا الطريقة دى تقدر تفتح نت من أى شبكة واى فاى  ومش معاك الباسورد ! ركز معايا > اول حاجه هتفتح  جوجل وتكتب فى البحث( BIZ4AP ) هتدخل اول موقع فقط تحط اسم الشبكة هيظهرلك الباسورد 
قم بالضغط على زر اظهار كلمة السر علما بأن لن تظهر كلمة السر بدون نشر الرسالة فى التعليقات


↓↓↓↓↓↓↓↓
اضغط هنا للحصول على كلمة السر
↑↑↑↑↑↑↑↑



وطبعا ياصاحبي انت بتاخد الرسالة بكل حسن نية وبتنشرها في 15 تعليق على امل انك تعرف باسورد الواي فاي ولكن في الحقيقة موقع biz4ap هو موقع غير صادق وبعد تجربة جميع الاختيارات وعمل اكتر 8 تجارب اكتشفنا ان كل جميع الاختيارات هتؤدى في الاخر لنفس النتيجة وهي ظهور  نفس الرسالة وبالتالي فالموقع غير صادق . طيب هل في حاجة فعلا اسمها اعرف طريقة معرفة باسورد الواي فاي

طريقة معرفة باسورد الواي فاي


خليني اقولك ياصاحبي وبكل ثقة ان ايوة في برامج بتقدر تعرف من خلالها باسورد واى فاى اى شبكة ولكن البرامج دى بتبقي مدفوعة وبتشتغل عن طريق رووت ولازم اللي يستخدمها يكون شخص فاهم برمجة لان مش اى حد يقدر يستخدمها

تعليقات المستخدمين في موقع biz4ap 

طبعا صاحب الموقع علشان يضيف جزء من المصداقية كده قالك اما اعمل شوية تعليقات وصور وهمية واضيفها علشان الناس تطمن وتنفذ المطلوب منها وبيتهألي باين جدا ان التعليقات الموجودة في الموقع كلها Fake 

مواقع اخري غير صادقة


في حوالي 10 مواقع كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم وده ودى كل المقالات الل يتم كتابتها عن المواقع دى 



وبس كده ياصحبي ده كل حاجة بخصووص موضوع النهاردة حقيقة موقع biz4ap . ارجو انك بعد ماقرأت الموضوع وعرفت ان علشان تعرف باسورد واى فاى فده شيء صعب جدا انك ماتصدقش الحاجات دى وماتمشيش وراها ..  لو استفدت من الموضوع ماتنساش تشيره مع صحابك يلا سلام .


   الحق يا يسطا الطريقة دى تقدر تفتح نت من أى شبكة واى فاى  ومش معاك الباسورد ! ركز معايا > اول حاجه هتفتح  جوجل وتكتب فى البحث( BIZ4AP ) هتدخل اول موقع فقط تحط اسم الشبكة هيظهرلك الباسورد 
google-playkhamsatmostaqltradent