اوفر برايس
صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى كلمة اوفر برايس ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى عندنا لانك هتلاقي معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف يعنى ايه Over Price تدخل قسم المعانى وتقرأ فيه شوية المهم علشان ماطولش عليك يلا بينا نعرف ايه هي ظاهرة الاوفر برايس في السيارات
 |
| Over Price Car |
ماهو الاوفر برايس ؟
الاوفر برايس هو ظاهرة انتشرت مؤخرا في سوق السيارات المصرية بسبب قلة المعروض من السيارات والاوفر برايس عبارة عن مبلغ بيتم اضافته على سعر السيارة مقابل تسليم السيارة فورا بدل ماتستنى العربية على ماتنزل بالسعر الرسمي من الوكيل
يعنى باختصار كده وزي مابنقول عندنا في مصر ( شخلل علشان تعدي ) يعنى عايز تستلم العربية دلوقتى يبقي تدفع فوق سعرها الرقم اللي الموزع بيحدده واللي بيوصل احيانا في بعض السيارات لـ 20 الف جنيه يعنى لو عربية ب 250 الف علشان تستلمها فورا تدفع 270 الف والا تستنى بقي لما تنزل بسعرها الرسمي من الوكيل
ولكن في شهر نوفمبر عام 2021 قام جهاز حماية المستهلك بااصدار قرار رسمي لمواجهة ظاهرة الاوفر برايس دى وتقدر تراجع المقالة دى علشان تعرف اكتر عن القانون ده ( قانون حماية المستهلك بشأن ظاهرة الاوفر برايس ) وبس كده ياصاحبي ده كان كل حاجة بخصوص معنى كلمة اوفر برايس في السيارات ماتنساش تبقي تاخد جولة في قسم المعانى زى ماتفقنا ولو عجبك الموضوع شيره مع اصحابك يلا سلام