من هي شيماء ترند مصر ( كليب مهرجان ارجعي ماتخافيش يوسف سوستة )

 صباح او مساء الخير حسب الوقت اللي بتقرأ فيه الموضوع ازيك ياصاحبي عامل ايه وحشتك مش كده ، انت كمان وحشتنى علشان كده رجعتلك النهاردة بترند جديد من ترند مصرنا الحبيبة واللي انتشر من حوالي خمس ايام على الفيسبوك الا وهو ترند شيمااااااااااء طب مين هي شيماء ترندم صر وايه سبب شهرة مهرجان الظاهرة يوسف سوستة كل هذا واكثر سنعرفه في هذا الموضوع اخي العزيز 


من حوالي خمس ايام يعنى بتاريخ 24/11/2021 نزل فيديو على قناة ElDonjwan Production - دنجوان برودكشن على يوتيوب لفيديو كليب تحت مسمى ( كليب مهرجان شيماء ارجعى ماتخفيش يوسف سوسته 2021 ) وكعادة المصريين بيحبوا يعملوا من اللاشيء شيء مهم . اتشير الفيديو على الفيسبوك لحد مابقي فيرال وفي خلال يومين بقي ترند وحتى كتابة وقت المقالة دى وصلت مشاهدات الفيديو لمليون و سبعومية الف مشاهدة وفي تزايد طب مين هي شيماااء وايه سبب شهرة الكليب ومين هو يوسف سوستة مؤدى المهرجان


   

من هي شيمااااء ترند مصر 



بيبدأ الكليب بيوسف سوستة وهو ماشي بيطوح وبيظهر علي وشه علامات الحزن وبيقول الشارع وفي الشاعر وفي الحواري ماشي انا مش داري من حبي فيكي بليل بقيت بقول مواويل شيماء شيماء شيماء حب رجوله جدعنه ضيعت عمري عشانها وانا لسه زي ما انا لوحدي واقف هناك  


وللوهلة الاولي وانت بتسمع التلوث ده بتفتكر ان شيماء دى انسانة عادى ربما تكون صديقة يوسف او جارته او خطيبته لكن الظن ده بيتلاشي لما بنلاحظ في احدى مشاهد الكليب يوسف بيدور على شيماء تحت العربية وهنا بيبتدى نوع من الشك ينشأ جواك ان يوسف اما عبيط ان شارب حاجة او ان شيماء دى من الزواحف 


ولكن بيفاجئنا يوسف في نهاية الكليب بعد رحلة بحث دامت اكتر من دقيقتين واربعة وعشرين ثانية وبيلاقي شيماء وبتطلع شيماء ( بطة ) ايوة بطة انت شوفت صح ومن موقعي هذا بحب اشكر يوسف سوستة وستوديو الدنجوان بروداكشن وجميع القائمين على انتاج هذا العمل الصارخ واحب اقولهم استاذ هانى شاكر لو لمحكوا هيمرجحكوا وشكرا 


معلومات عن كليب مهرجان ارجعي ماتخافيش 


يعتبر مهرجان شيماء هو العمل الأول لـيوسف سوستة على مستوى الأداء والكتابة حيث قام بتسجيل وغناء الكلمات قبل 8 أشهر، إلا أن الأغنية لم تحقق نجاحًا، حتى قرر منتج الأغنية دنجوان، تصويرها ونشرها.


واستغرق التصوير 4 ساعات بمنطقة دار السلام، بمساعدة المخرج محمد مختار، وانتشر مهرجان شيماء، على نحو واسع على جميع وسائل التواصل الاجتماعي على الرغم من الكلمات التي بدت غير مفهومة لكثير من الجماهير .




تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -