معنى nostalgia ( معني كلمة نوستالجيا بالعربي )

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى كلمة نوستالجيا ولو انت اول مرة تزورنا في سكرين ميكس يبقي اسمحلي انصحك واقولك انك لازم تاخد جولة سريعة في قسم المعانى عندنا 


لانك هتلاقي معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك نصيحة اخوية بعد ماتعرف يعنى ايه nostalgia  تدخل قسم المعانى وتقرأ فيه شوية المهم علشان ماطولش عليك يلا بينا نعرف nostalgia معنى


nostalgia
معنى nostalgia بالعربي



معنى نوستالجيا بالانجليزي 



النوستالجيا ياصديقي العزيز هي الحنين الي الماضي يعنى لو انت مواليد التسعينات فالنوستالجيا بتاعتك هي انك تقعد تفتكر الحاجات الي كنت بتعملها وانت صغير على سبيل المثال وليس الحصر انك تسمع اغانى سبيستون القديمة عهد الاصدقاء وانا اخي وسابق ولاحق وتقعد تسترجع ذكرياتك مع الاغانى 


طبعا النوستالجيا بتختلف من شخص للتانى اكيد يعنى مثلا لو شخص من مواليد الستينات والخمسينات هتلاقي النوستالجيا بتاعته انه يقعد يسمع ام كلثوم او فيروز مع احتساء كوب القهوة في السابعة صباحا في شرفة المنزل 

بشكل عام النوستالجيا هي استرجاع الذكريات والعودة والحنين للماضي وطبعا زى ما استاذ عمرو دياب قال مابلاش نتكلم في الماضي . الماضي ده كان كله جراح ومادمت بحبك انا راضي هندور ليه علي شيء راح 

وبس كده ياصاحبي ده كان كل حاجة بخصوص معنى كلمة نوستالجيا ماتنساش تبقي تاخد جولة في قسم المعانى زى ماتفقنا يلا سلام . 
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -