سيم
صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى كلمة سيم ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى لانك هتلاقي معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف يعنى ايه سيم تدخل قسم المعانى وتقرأ فيه شوية المهم علشان ماطولش عليك يلا بينا نعرف ما معنى سيم في السوشيال ميديا
 |
| سيم والله |
معنى سيم على الفيسبوك
كلمة سيم المنتشرة على السوشيال ميديا قد تحمل معنيين المعنى الاول وهو Same ومعاها ( نفس الشيء ) وبنلاحظها دايما في التعليقات لما يكون حد كاتب بوست بيقول فيه انا مخنوق ياجماعة وحاسس انى زهقان . بنلاقي في التعليقات حد معلق وبيقول ( سيم والله ياصاحبي ) والمقصود بسيم هنا هو وانا كمان ياصاحبي او انا زيك او انا نفس الشيء وده معنى كلمة Same . طب هل ليها معنى تانى ؟
معنى كلمة سيم المنتشرة على السوشيال ميديا
احيانا بيكون في معنا تانى لكلمة سيم وهو Theme ومعناها موضوع والمقصود بيها لما تقول لحد الكلام ده سيم بينا ( Theme ) فكأنك بتقوله خلي الموضوع بينى وبينك محدش يعرفه وبس كده ياصحبي ده كان كل حاجة بخصوص معنى كلمة same و theme ( سيم ) المنتشرة على السوشيال ميديا لو حابب تعرف معنى اي كلمة اكتبلنا في التعليقات وهنجاوبك على طول وماتنساش تاخد جولة في قسم المعانى زى ماتفقنا يلا سلام