حقيقة الربح من موقع white sands ( هل الربح من وايت ساندز حلال ام حرام ) كيف اربح من برنامج white sands

وايت ساندز 



صباح او مساء الخير حسب الوقت اللي بتقرأ فيه الموضوع . ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم التقنية  وهو الربح من برنامج white sands وهل موقع وايت ساندز صادق ام نصاب ؟ خصوصا بعد انتشاره في الايام الاخيرة وترويج عدد كبير من قنوات اليوتيوب للتطبيق طبعا علشان يربحوا من رابط الاحالة 


 علشان كده قرر فريق عمل سكرين ميكس اللي هو انا بس تقريبا تحميل التطبيق وتجربته وتجربة السحب منه . وانا جايلك النهاردة ياصديقي العزيز علشان اقعد معاك قعدة اخ مع اخوه صديق مع صديقه مواطن شريف مع مواطن شريف ونشوف كيفية الربح من برنامج white sands وهل white sands للربح حلال ام حرام 


طيب علشان ماطولش عليك اكتر من كده في المقدمة لو انت اول مرة تزورنا في سكرين ميكس ممكن بعد ماتخلص قراءة الموضوع ده  تاخد جولة سريعة في اقسام الموقع اللي هتلاقيها اسفل الموضوع لعل وعسي تلاقي حاجة بتدور عليها وقبل مانتكلم عن الربح من تطبيق white sands معلش انا عارف انى طولت عليك بس كنت عاوزك تاخد جولة في الموضوع ده بخصوص تطبيق Ai Marketing وكيفية الربح منه وهل الربح من Ai Marketing حلال ام حرام لان اغلب تطبيقات الربح من الانترنت قايمة على نفس المبادىء والاساسايات . 



وايت ساندس
لوحة التحكم من برنامج وايت ساندز



ما هو برنامج white sands 


حسب بعض المواقع فموقع الرمال البيضاء للربح هو برنامج تابع لشركة Omnicom والمفروض ان الشركة دى عبارة عن شبكة عالمية مترابطة من شركات الاتصالات التسويقية ، المختصة بعرض مجموعة من المنتجات مع بعض من أكتر البراندات المشهورة والناجحة في العالم، مع أفضل المواهب والإبداع والتكنولوجيا والابتكار .
وخلينى اقولك ياصديقي العزيز ان ده كلام انشا واي هبد ومافيش اثبات عليه لكن واجب علينا نذكر جميع الاراء وانت ليك حرية الاختيار في التصديق من عدمه . طيب احنا كده عرفنا اصل تطبيق وايت ساندس نيجي بقي للمهم وهو كيفية الربح من تطبيق وايت ساندز 


كيفية الربح من موقع وايت ساندز


الربح من white sands بيكون عن طريق تنفيذ المهام مقابل المقال . طيب المهام دى عبارة دى المهام دى ياصديقي عبارة عن :- 

  • تسجيل اعجابات لمنشور على الفيسبوك
  • تسجيل اعجابات لصفحات على الفيسبوك 
  • تسجيل اعجابات لفيديوهات على اليوتيوب 
  • مشاهدة فيديوهات على اليوتيوب وغيرها 

بمعنى ان التطبيق بيقولك بص ياحبيب اخوك انا هديك رابط صفحة تعمل عليها لايك من البروفايل بتاعك وبمجرد ماتعمل لايك انا هديك ( جنيه مصري على كل مهمة  ) وكل يوم ياعم هديك خمس مهمات يعنى في اليوم هتكسب خمسة جنيه وده مثال على نوعية المهمات الموجودة في وايت ساندز


white sands للربح
المهمات في موقع وايت ساندز 



شروط الاشتراك في برنامج white sands 


طبعا ياصديقي العزيز موقع وايت ساندز زيه زي اى موقع او تطبيق علشان تقدر تشترك وتربح منه لازم شوية شروط وخلينى اقولك ان الاشتراك في وايت ساندز بيكون نوعين اما عضوية عادية او عضوية VIP ( مميزة ) وطبعا مش محتاج اقولك ان العضوية العادية ملهاش لازمة وعلشان تقدر تكسب فعلا لازم تشترك في العضوية المميزة  VIP ، وبالنسبة لوايت ساندس فشروط الاشتراك فيه كالآتي : 

  1. لايجوز للمستخدم العادي ( العضوية العادية )  تسجيل حسابات متعددة لأداء مهام يومية مجانية، ومن يخالف ذلك يتم اغلاق حسابه .
  2. يمكن للمستخدم العادي فقط سحب 30 جنيه مصري ( يعنى علشان تسحب اكتر من مرة لازم ترقي العضوية للـ VIP )
  3. يمكن للعضويات الـ VIP سحب الاموال مرة واحدة في اليوم.
  4. جميع عضويات الـ VIP صالحة لمدة عام واحد وبعد كده هتحتاج انك تجدد الاشتراك
  5. المهمة اللي هتاخدها لازم تكملها للاخر وومنوع الغش او التزوير بأى شكل ممن الاشكال والا هتعرض حسابك للاغلاق بكل ماعليه من ارباح 

الربح من برنامج وايت ساندز ( خطوات التسجيل في برنامج وايت ساندز ) 


الشروط اللي فوق دى ياصاحبي كانت شروط التسجيل اما بخصوص خطوات التسجيل فهي سهلة وبسيطة

  1. رقم الهاتف المحمول
  2. ادخال رمز المشاركة وكتابة الرقم التالي: ( الرقم اللي بيكتب في الخانة دى هو كود الاحالة يعنى اى حد هتسجل من خلاله هيربح فلوس ) طبعا ياصاحبي انا مش مشترك في التطبيق او الموقع ده وقولك ليه في الاخر فللاسف الشديد مش هتقدر تشترك من خلالي بس كمل قراءة الموضوع  
  3. كتابة كلمة المرور 
  4. تكرار كلمة المرور 
  5. ثم كتابة الرمز الموجود في الصورة ( كود تحقق هو بيديبهولك علشان يتأكد انك مش روبوت ) 


حقيقة الربح من موقع white sands ( whitesands نصب ) 


طيب ياصديقي انت كده عرفت شروط التسجيل في الموقع وسجلت ونفذت المهمات وجمعتلك 30 جنيه مصري وعاوز تسحبهم هل تقدر تسحبهم ؟ اكيد طبعا هتقدر دول 30 جنيه ياصاحبي لازم يبعتهملك علشان تجيب بيهم سندوتش شاورما بس هل عالمدى البعيد الموقع هيكون صادق خصوصا انك علشان تقدر تربح منه فعليا لازم تشترك في عضويات الـ VIP اللي خلينى احطلك فيديو يشرحلك الموضوع بشكل افضل ، ده يوتيوبر محترم بيشرح موضوع العضويات الـ VIP وازاى تقر تكسب من خلالها في وايت ساندز ولكن اعرف المعلومة وماتسجلش في الموقع غير لما تقرأ المقال للاخر 








طيب ، اكيد بعد ماشوفت الفيديو للاخر فهمت ان الربح الفعلي بيكون من خلال عضويات الـ VIP والربح العادى ده مالوش لازمة يعنى من الاخر تطبيق او موقع او برنامج white Sands هو موقع استثمار زيه زي Ai Marketing وكل المواقع او التطبيقات الي قايمة على نفس الفكرة طيب هل الربح من خلال وايت ساندس حلال ام حرام ؟ 

هل الربح من White Sands حلال او حرام ؟ ( برنامج الرمال البيضاء حلال ام حرام )


صديقي العزيز انا شخص غير مؤهل للفتوى في امر زي ده ولكن انا ببحث وبدور وبحكم عقلي وبشوف هل اللي هعمله ده يتناسب مع تعاليم دينى ولا هيخالفه وهل في شبهة في الموضوع ولا هو حلال . المهم شوف الفيديو ده للشيخ وحيد عبد السلام بالي بيشرح فيه كل حاجة تخص white sand والربح منه وبعدها لك حرية الاختيار 






اكيد بعد ماشوفت الفيديو للاخر عرفت ان الربح من موقع white sand حرام ولايجوز شرعا نظرا للحاجات اللي ذكرها الشيخ علشان كده ياصاحبي انا ماحطتش اي روابط للموقع او روابط احالة زي كل المواقع وقنوات اليوتيوب مابتعمل ولكن خلينى انصحك نصيحة اخوية ادام التطبيق طلع حرام يبقي الله الغنى تجنبه ودور على طريقة تانية تربح منها تكون حلال او مافيهاش شبهة حرمانية .


وبس كده يااصحبي ده كان كل حاجة بخصوص الربح من موقع white sands وطريقة التسجيل وكيفية الربح وهل هو حرام ام لا . ماتنساش تاخد جولة في اقسام الموقع اللي هتلاقيها اسفل المقالة دى وهستنى ارائكم في التعليقات يلا سلااااااااااااااام .
تعليقات
6 تعليقات
إرسال تعليق
  • Mohamed Elsayed
    Mohamed Elsayed 27 ديسمبر 2021 في 11:55 م

    تم التسجيل في الموقع ورقيت الاشتراك الي VIP5 وحولت مبلغ ٦٠٠٠ جنيه على الرقم الموضح بالموقع ولم يتم ترقية الاشتراك ولا اي شيء، حسبي الله ونعم الوكيل عليهم نصابين ولا عارف اكلم مين وكلمت الدعم الفني على الموقع طلب سكرين شوت ارسلتله كل شي قفل الشات في وشي

    إرسال ردحذف
    • STARK
      STARK 28 ديسمبر 2021 في 4:47 ص

      ربنا يعوض عليك ياصاحبي حاول تاني معاهم وان شاء الله تسترد فلوسك

      حذف
      • الاستاذ سات
        الاستاذ سات 28 ديسمبر 2021 في 12:57 م

        حبيبي شوف الدعوه ال سجلت منها هو ال بيحل المشكله وهو البياخد منك الفوس ويرقيلك مش من الموقع انت للاسف سجلت في رابط عشوئي ياصاحبي لأنك لو سجلت في فريق كنت محصلش معاك كده ..اديني رقم واتس تبعك حبيبي وهشوف الوكيل للvipممكن يساعدك

        حذف
        • حسين 4 يناير 2022 في 1:29 ص

          اشتركت مثلك بمبلغ 6000 وبعدين وصل المبلغ متأخر بعد 4 أيام

          حذف
        • Unknown
          Unknown 6 يناير 2022 في 8:23 ص

          انا اشتركت بمبلغ6000 وعملت المهام لكن مفيش فلوس في المحفظه اشتركت يوم 2/1/2022 انا عايزة ارجع فلوسي

          إرسال ردحذف
          • Unknown
            Unknown 15 يناير 2022 في 1:51 م

            هو البرنامج قفل ولا لسه حد يفيدني

            إرسال ردحذف



            وضع القراءة :
            حجم الخط
            +
            16
            -
            تباعد السطور
            +
            2
            -