هواتف واندرويد
45

| خطير جدا | احذر موقع vbb7 ( حقيقة موقع vbb7 للحصول على 100 جيجا هدية ) vbb 7 تحميل

صورة
STARK
اخر تحديث :

vbb7

اللهم صل وسلم وبارك على سيدنا محمد وعلى آله وصحبه أجمعين وسلم تسليما كثيرا إلى يوم الدين ثم اما بعد ، صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم التقنية وهو عن موقع vbb7 اللي انتشر مؤخرا على السوشيال ميديا وبنلاقيه في الفيسبوك على هيئة كومنت بيقول :   اذا كنت تريد الحصول على 100 جيجا انترنت من جوجل  و 700 دقيقة دولية صالحة لمدة شهرين  -  اذهب الى جوجل واكتب فى البحث ◄  VBB7 وادخل الموقع الأول . الطريقة تعمل بنجاح  حتى الان √ .. ومن هنا بدأ التساؤولات حول  ما هو vbb7 وهل فعلا في حد يقدر يحصل على 100 جيجا هدية من خلال vbb7 ؟ وبعد ماقام عدد من فريق موقع سكرين ميكس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة موقع vbb7 للحصول على 100 جيجا هدية .. في الاول ياصاحبي لو انت واحد من اللي خدوا الرسالة وحطوها في 15 كومنت فيؤسفنى اقولك انك كده خلاص مابقتش صاحبي . ليه تعمل كده ؟ صدقت فعلا انك تاخد 100 جيجا بسهولة كده ؟ ..  ياخسارة ياصاحبي حقيقي ياخسارة بس ولايهمك انا سامحتك خلاص علشان الصحاب بيسامحوا بعض  تعالي معايا بقي اقولك حقيقية موقع vbb7 وطريقة عمله 



 
vbb7 - vbb7 موقع

حقيقة موقع vbb7


موقع vbb 7 او vbb7 او vbb7com   هو موقع من صفحة واحدة مبرمجة بطريقة بسيطة جدا اول مابتدخل عالموقع بتظهرلك رسالة بتقولك : الان من خلال vbb7 يمكنك الحصول على 100 جيجا هدية من جوجل بالأضافة الى 700 دقيقة دولية لكل الشبكات عن طريق موقعنا 7vbb وبيقولك سياسة الاستخدام 100 جيجا مرة واحدة وبيسألك اوافق ولا لااوافق 

vbb7
vbb7

وبعدها بيسألك ما هى المواقع التى تريد استخدام ال 100 جيجا بها وبيديك اربع اختيارات ؟

7vvb - جوجل 7vbb - vbb7 موقع - vbb 7 - google 7vbb
vbb7

  1. فيسبوك
  2. واتساب
  3. يوتيوب 
  4. جميع ماسبق + مواقع اخري 
وايا كان الاختيار اللي هتختاره هيحولك على صفحة تانية اضغط هنا لكتابة رقم الموبايل مصحوب بكود الدولة ولما تضغط عليها بيظهرلك نافذة تكتب فيها رقم تليفون بعدها بيقولك اضغط على الخطوة التالية 

vbb7
vbb7

 وبعد ماتكتب رقم الموبايل ياصاحبي وسواء كتبت رقم موبايلك او اى رقم عموما هتلاقيه بيقولك اضغط على الخطوة التالية ولما تضغط عليها هيحولك للصفحة المنشودة  اللي مكتوب فيها


تهانينا لقد حصلت على 100 جيجا مجانية + 700 دقيقة مجانا لكل الشبكات صالحة للاستخدام لمدة شهرين
تبقى لك خطوة اخيرة لتفعيل الهدية
(الخــطوة الاخيرة)
انسخ الرسالة الموجودة في الاسفل وانشرها فى 15 تعليق فى الفيسبوك فى اماكن مختلفة -صفحات-جروبات
نسخ الرسالة
   لو عايز طريقة تاخد منها 100 جيجا نت من جوجل و 700 دقيقة دولية لأى شبكة _ اكتب فى بحث جوجل  vbb7   وادخل اول موقع يظهرلك  وهتاخد 100 جيجا مرة وحدة بس     
قم بالضغط على زر تفعيل الهدية علما بأن لن يتم تفعيل الهدية بدون نشر الرسالة
↓↓↓↓
اضغط هنا لتفعيل الهدية
↑↑↑↑

احصل على 100 جيجا هدية لكل الشبكات vbb7


vbb7 نصاب - vbb 7 هكر - 7 vbb حرامي
vbb7 هكر



 وطبعا مهما تنشر في الرسالة وتضغط على ( اضغط هنا لتفعيل الهدية ) اما هيحولك على صفحة اعلان ودي مصدر ربح الموقع اوهيقولك انشر الرسالة لكن الاكيد انك عمرك ماهتاخد 100 جيجا او حتي ربع ميجا لان موقع vbb7 كله عبارة عن نصب في الاول والاخر خليني اقولك ياصاحبي وبكل ثقة انه حتي الان لايوجد على فيسبوك  مايسمي بالحصول على جيجات مجانية  وكل التطبيقات والمواقع اللي بتقدم خدمات زى دى هي مواقع غير صادقة والغرض من المواقع دى سرقة بياناتك واستخدامها وتقدر تقرأ المقالة دى علشان تعرف خطر استخدام المواقع اللي زى vbb7 او vbb 7.com  (  كيفية حماية حسابك على الفيسبوك من الاختراق ) طب موقع 7vbb بيستفاد ايه لما بيععمل كده  باختصار بسيط vbb7 لما بيعمل كده بيبقي مصدر ربحه عن طريق وضع اعلانات تظهر للمستخدم لكن الاعلانات دى بيكون جزء كبير منها ان ماكنش كلها اعلانات CPA وعلشان ماطولش عليك اعلانات الـ CPA دى لما انت بتنفذ اللي فيها بتخصم من رصيدك يوميا مبلغ مش اقل من 5 جنيه يعنى انت تبقي داخل علشان تكسب تلاقي نفسك بتخسر وبيتخصم منك 

تعليقات المستخدمين في موقع vbb7


| خطير جدا | احذر موقع vbb7 ( حقيقة موقع vbb7 للحصول على 100 جيجا هدية ) vbb 7 تحميل
تعليقات المستخدمين في موقع vbb7


طبعا صاحب الموقع علشان يضيف جزء من المصداقية كده قالك اما اعمل شوية تعليقات وصور وهمية واضيفها علشان الناس تطمن وتنفذ المطلوب منها وبيتهألي باين جدا ان التعليقات الموجودة في الموقع كلها Fake 

vbb7 هكر

جاتلنا كتير من الاسئلة بخصوص موقع vbb7 ولكن اكتر سؤال كان بيتسئلنا هو هل موقع vbb7 هكر وخليني اقولك ياصاحبي انه مش هكر ومايقدرش يخترق جهازك لكن يقدر يستخدم الرقم اللي انت حطيته ده في الترويج لعروض CPA ويسحب رصيد منك زى خدمات العاب اونلاين فودافون 

سبب انتشار موقع vbb7 

بطبيعة الحال الحاجة المجانية دايما بيبقا عليا اقبال اكتر من المدفوعة ودي النقطة اللي بيلعب عليها موقع vbb7 انه بيقولك لو عاوز تاخد 100 جيجا هدية ابحث في جوجل عن vbb7 فانت بتبحث وبتدخل وبتتبع الخطوات وفي الاخر مابتاخدش حاجة فهي دى فكرة vbb7 انه بيلعب على عاطفة امتلاك الشيء بدون مقابل عند المستخدم ولكن في الحقيقة كل ده كلام فاضي لان مافيش حاجة بدون مقابل ياصاحبي ومافيش حاجة اسمها تاخد 100 جيجا ببلاش وحتى ان كان فيه فده هيبقي فيه تحايل وسرقة على شركة الاتصالات اللي انتا تابع ليها وده حرام انا بس كل غرضي من المقالة دى انك مااتصدقش المواقع من نوعية vbb7 وماتخليش حد يضحك عليك 


مميزات وعيوب موقع vbb7

صديقي العزيز موقع vbb7 ليس له اي مميزات او عيوب يعنى هو لا هيضرك ولا هينفعك لان في مواقع زميلة عاملة شرح للموقع وكاتبة كلام غير صادق عن ان vbb7 له مميزات وعيوب وبصراحة انا بعتبرهم مضللين اكتر من موقع vbb7 نفسه فانا بس حبيت أأكد عليك المعلومة ان vbb7 مالووووووش لازززززززمة

رابط موقع vbb7

وطبعا بعد ماوصلت لنهاية المقالة تقدر تتأكد من كل كلمة قولتهالك وتدخل على موقع  vbb7 ( من هنا ) ولو لقيت الرابط مش شغال يبقي الدومين انتهي 

فيديو توضيحي اثناء استخدام موقع vbb7

مواقع اخري غير صادقة

في مواقع كتير كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم و دى كل المقالات اللي تم كتابتها عن المواقع دى 

وبس كده ياصحبي ده كل حاجة بخصووص موضوع النهاردة حقيقة موقع vbb7. ارجو انك بعد ماقرأت الموضوع وعرفت حقيقة موقع vbb7 للحصول على 100 جيجا هدية  انك ماتصدقش الحاجات دى وماتمشيش وراها . ولو حبيت تشير الموضوع مع صحابك علشان تحذرهم هكون شاكر جدا يلا سلااااااااااااااااااااام
تعديل المقال
الأقسام

مقالات قد تهمك

تعليقات