| خطير | احذر موقع cbb3 ( حقيقة موقع cbb3 لقراءة رسائل الواتساب بدون علم صاحبها ) cbb 3

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم التقنية وهو عن موقع cbb3 اللي انتشر مؤخرا على السوشيال ميديا وبنلاقيه في الفيسبوك على هيئة كومنت بيقول  : 

  انا لقيت موقع جامد حرفيا هيخليك تشوف رسائل أى شخص على الواتساب من خلال رقمة `` افتح جوجل واكتب ف البحث CBB3   وادخل اول موقع ꜛ هيطلب منك رقم الموبايل المرتبط بالواتساب و هيعرض لك رسائل الواتساب كلها√      

ومن هنا بدأت الاستفسارات حول  ما هو cbb3 وهل فعلا تقدر من خلاله تقرأ رسائل الواتساب بدون علم صاحبها

وبعد ماقام عدد من فريق موقع سكرين ميكس  اللي هو انا بس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة موقع cbb3 لقراءة رسائل الواتساب 

في البداية ياصاحبي لو انت واحد من اللي خدوا الرسالة وحطوها في 15 كومنت فيؤسفنى اقولك انك كده خلاص مابقتش صاحبي . ليه تعمل كده ؟  صدقت فعلا انك تقدر تقرأ رسايل الواتساب بدون علم صاحبها ؟ ..  ياخسارة ياصاحبي حقيقي ياخسارة بس ولايهمك انا سامحتك خلاص علشان الصحاب بيسامحوا بعض  تعالي معايا بقي اقولك حقيقية موقع cbb3

   

    

cbb3

حقيقة موقع cbb3

شرح كيفية استخدام موقع cbb3

cbb3 او cbb3com او cbb 3 او cbb3@com  كلها مسميات لموقع واحد مكون من صفحة واحدة مبرمجة بطريقة بسيطة جدا اول مابتدخل عالموقع بتظهرلك رسالة بتقولك : الان يمكنك قراءة رسائل أى شخص على الوتساب عن طريق رقم الموبايل بدون معرفة صاحبها من خلال موقعنا cbb3 وبعدها بيسألك سؤال بسيط 

هل الرقم من جهات الاتصال الخاصة بك ؟ وبيديك اختيارين 

1. نعم
2. لا

وايا كان الاختيار اللي هتختاره هيحولك على صفحة تانية بيسألك فيها ويقولك حدد مدة الرسائل المطلوب عرضها ؟

  وبيديك 3 اختيارات

1. رسائل اخر شهر
2. رسائل اخر 6 شهور
3. جميع الرسائل منذ انشاء الحساب

وايا كان الاختيار اللي هتختاره هيحولك على صفحة يقولك فيها قم بنسخ رقم الموبايل المرتبط بالواتساب المراد قراءة رسائله وضعه بالاسفل

←←←ضع رقم الموبايل هنا →→→

وسواء كتبت رقم الموبايل او او كتبت محشي ورق عنب او كتبت اى حاجة عموما فالموقع متبرمج انه يحولك على صفحة مكتوب فيها 

تهانينا لقد تم الوصول رسائل الواتســـاب بنجاح

تبقى لك خطوةاخيرة يجب تنفيذها لكى نعرض لك الرسائل المطلوبة

(الخــطوة الاخيرة)

اضغط مشاركة في الاسفل وشاركها فى 5 مجموعات مختلفة - علي واتس اب

مشـــــــــــاركــــــــة

قم بالضغط على زر عرض رسائل الواتسـاب الان علما بأن لن تظهر لك الرسائل بدون نشر الرسالة فى المجموعات

↓↓↓↓

عــرض رســائــل الواتسـاب الان

تنزيل cbb3 لقراء رسائل الواتساب بدون علم صاحبها 

  

ولما بتضغط على عرض رسائل واتساب الان بيظهرلك نافذة مكتوب فيها  المعذرة : لن نعرض لك الرسائل حتى تقوم بنشر الرساله فى 5 مجموعات مختلفه على الواتساب وسواء شاركت الرابط او لا بعدها لما تضغط على عرض رسائل الواتساب هيتفتحلك اعلانات وهي دى مصدر ربح صاحب الموقع انما هل فعلا هتقدر تقرأ رسائل الواتساب بتاعة شخص اخر ؟ اكيد لا ياصاحبي مافيش حاجة اسمها كده  

 

وصدقنى مهما تنشر في التعليق على مواقع التواصل الاجتماعي مش هتقدر تقرأ رسايل الواتساب وهتبقي بتضيع وقت عالفاضي لان ببساطة ياصديقي حتى الان لايوجد على واتساب بما يسمي بقراء رسائل الواتساب بدون علم صاحبها  وموقع cbb3 هو موقع غير صادق زيه زي كتير من المواقع وكل التطبيقات والمواقع اللي بتقدم خدمات زى دى هي مواقع غير صادقة والغرض من المواقع دى سرقة بياناتك واستخدامها وتقدر تقرأ المقالة دى علشان تعرف خطر استخدام المواقع اللي زى cbb3 او cbb3com او cbb 3 او cbb3@com  (  كيفية حماية حسابك على الفيسبوك من الاختراق ) 

 

تعليقات المستخدمين في موقع cbb3 جوجل

   

cbb3

طبعا صاحب الموقع علشان يضيف جزء من المصداقية كده قالك اما اعمل شوية تعليقات وصور وهمية واضيفها علشان الناس تطمن وتنفذ المطلوب منها وبيتهألي باين جدا ان التعليقات الموجودة في الموقع كلها Fake 

هل cbb3 يسرق بياناتك ؟

جاتلنا كتير من الاسئلة بخصوص موقع cbb3 ولكن اكتر سؤال كان بيتسئلنا هو هل موقع cbb3 هكر ؟ وخليني اقولك ياصاحبي انه مش هكر ومايقدرش يخترق جهازك ولكن لما بتضغط على كلمة عرض رسائل الواتساب الان بيتفتح معاك اعلان - الاعالن ده ممكن بنسبة كبيرة يخصم من رصيد موبايلك  علشان كده حاول دايما تحمي نفسك وماتدخلش على المواقع اللي زي cbb3 com لان جزء كبير جدا منهم ان ماكنش كلهم بيطلب منك تحط بياناتك زي رقم التليفون وبيتم استخدامهم في الترويج لعروض CPA ويسحب رصيد منك زى خدمات العاب اونلاين فودافون 

مواقع اخري غير صادقة

في مواقع كتير كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم و دى كل المقالات اللي تم كتابتها عن المواقع دى 

• حقيقة موقع bkk44 
• حقيقة موقع gog6
• حقيقة موقع pubgg.ml
• حقيقة موقع bbx4
• حقيقة موقع yaa22
• حقيقة موقع vdd4
• حقيقة موقع hkr3
• حقيقة موقع beb6
• حقيقة موقع bbx22 
• حقيقة موقع va66 لمعرفة مين زار بروفايلك 
• حقيقة موقع mps70 لشحن جيجات مجانا 
• حقيقة موقع cbb5 لقراءة رسائل واتساب 
• حقيقة موقع hbb3 للحصول على m4 تلجي في ببجي 
• حقيقة موقع rob7ak لربح ايفون 13 مجانا 
• حقيقة موقع tbt3 لمعرفة مين زار بروفايلك
• حقيقة موقع nbb2 لقراءة رسائل الواتساب بدون علم صاحبها 
• حقيقة موقع bbx3 لمعرفة مين زار بروفايلك 
• حقيقة موقع cbb3 لقراءة رسائل الماسنجر
• حقيقة موقع mbb14 لشحن 200 لشحن 200 ج رصيد مجانا لكل الشبكات 
• حقيقة موقع  mbz3 لمعرفة باسورد اي واي فاي
• حقيقة موقع White Sands للربح من الانترنت
• حقيقة موقع Ai Marketing لربح الالاف الدولارات 
• حقيقة موقع mbc55
• حقيقة موقع mbz 9 لمعرفة كلمة سر وايميل اي اكاونت
• حقيقة موقع bmb9 لمعرفة من زار بروفايلك
• حقيقة موقع vbb7 للحصول على 100 جيجا هدية
• حقيقة موقع mbc2020
• حقيقة موقع rob7ak لربح ايفون 12 برو ماكس مجانا 
• حقيقة موقع mbc45
• حقيقة موقع mbc13 لمعرفة كلمة سر وايميل الفيسبوك
• حقيقة موقع mbc600
• حقيقة موقع mbc900
• حقيقة موقع freefire 2021.com
• حقيقة موقع biz4ap لمعرفة باسورد الواي فاي 

وبس كده ياصحبي ده كل حاجة بخصووص موضوع النهاردة حقيقة موقع cbb3 . ارجو انك بعد ماقرأت الموضوع وعرفت حقيقة موقع cbb3.com لقراءة رسائل الواتساب انك ماتصدقش الحاجات دى وماتمشيش وراها . ولو حبيت تشير الموضوع مع صحابك علشان تحذرهم هكون شاكر جدا يلا سلااااااااااااااااااااام