هواتف واندرويد
71

| خـطـيـر جدا | حقيقة موقع cbb5 لقراءة رسائل الواتساب بدون علم صاحبها - cbb5 whatsapp

صورة
STARK
اخر تحديث :

cbb5

اللهم صل وسلم وبارك على سيدنا محمد وعلى آله وصحبه أجمعين وسلم تسليما كثيرا إلى يوم الدين ثم اما بعد ، صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم التقنية وهو عن موقع cbb5 اللي انتشر مؤخرا على السوشيال ميديا وبنلاقيه في الفيسبوك على هيئة كومنت بيقول  : هيوجد موقع يجعلك تراقب رسائل أى شخص على الواتساب من خلال رقمة فقط , اذهب الى جوجل واكتب فى البحث cbb5 وادخل الموقع الأول فقط هو الموقع الاصلى   ꜛ سوف يطلب رقم الموبايل الذى تريد قراءة  رسائله و سوف يعرض لك  جميع رسائل الواتساب √ ومن هنا بدأت الاستفسارات حول  cbb5 whatsap وهل فعلا تقدر من خلاله تقرأ رسائل الواتساب بدون علم صاحبه وبعد ماقام عدد من فريق موقع سكرين ميكس  اللي هو انا بس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة cbb5 لقراءة رسائل الواتساب في البداية ياصاحبي لو انت واحد من اللي خدوا الرسالة وحطوها في 15 كومنت فيؤسفنى اقولك انك كده خلاص مابقتش صاحبي . ليه تعمل كده ؟  صدقت فعلا انك تقدر تقرأ رسايل الواتساب بدون علم صاحبها ؟ ..  ياخسارة ياصاحبي حقيقي ياخسارة بس ولايهمك انا سامحتك خلاص علشان الصحاب بيسامحوا بعض  تعالي معايا بقي اقولك حقيقية cbb5

     
cbb5 - cbb5 حقيقة
cbb5

حقيقة cbb5

ودلوقتى هنقولك طريقة عمل موقع cbb5 بالخطوات والصور ركز كويس اوي مع الشرح والكلام اللي اللي جاى 

طريقة عمل موقع cbb5

cbb5 او cbb5com او cbb 5 او cbb5 whatsapp كلها مسميات لموقع واحد مكون من صفحة واحدة مبرمجة بطريقة بسيطة جدا اول مابتدخل عالموقع بتظهرلك رسالة بتقولك : الان يمكنك قراءة رسائل أى شخص على الوتساب عن طريق رقم الموبايل بدون معرفة صاحبها من خلال موقعنا cbb5 وبعدها بيسألك سؤال بسيط 

cbb5 whatsapp - cbb5com
cbb5



هل الرقم من جهات الاتصال الخاصة بك ؟ وبيديك اختيارين 

  1. نعم
  2. لا

وايا كان الاختيار اللي هتختاره هيحولك على صفحة تانية بيسألك فيها ويقولك حدد مدة الرسائل المطلوب عرضها ؟
  وبيديك 3 اختيارات

www.cbb5*com - cbb5com
cbb5

  1. رسائل اخر شهر
  2. رسائل اخر 6 شهور
  3. جميع الرسائل منذ انشاء الحساب

وايا كان الاختيار اللي هتختاره هيحولك على صفحة يقولك فيها قم بنسخ رقم الموبايل المرتبط بالواتساب المراد قراءة رسائله وضعه بالاسفل

←←←ضع رقم الموبايل هنا →→→

موقع cbb5 - c b b 5
cbb5


وسواء كتبت رقم الموبايل او او كتبت محشي ورق عنب او كتبت اى حاجة عموما فالموقع متبرمج انه يحولك على صفحة مكتوب فيها 


تهانينا لقد تم الوصول رسائل الواتســـاب بنجاح
تبقى لك خطوةاخيرة يجب تنفيذها لكى نعرض لك الرسائل المطلوبة
(الخــطوة الاخيرة)
انسخ الرسالة الموجودة في الاسفل وانشرها فى 15 مكان مختلف على الفيسبوك ( جروبات - تعليقات - صفحات )
نسخ الرسالة
  هناك موقع يجعلك تراقب رسائل أى شخص على الواتساب من خلال رقمة ~ اذهب الى جوجل واكتب ف البحث cbb5 وادخل الموقع الاول _ سوف يطلب منك رقم الموبايل الذى تريد قراءة رسائله و سوف يعرض لك جميع رسائل الواتساب √    
قم بالضغط على زر عرض رسائل الواتسـاب الان علما بأن لن تظهر لك الرسائل بدون نشر الرسالة
↓↓↓↓↓↓↓↓
عــرض رســائــل الواتسـاب الان
↑↑↑↑↑↑↑↑


تنزيل cbb5 لقراءة رسائل الواتساب بدون علم صاحبها 

ولما بتضغط على عرض رسائل واتساب الان بيظهرلك نافذة مكتوب فيها  المعذرة : لن نعرض لك الرسائل حتى تقوم بنشر الرساله فى 5 مجموعات مختلفه على الواتساب وسواء شاركت الرابط او لا بعدها لما تضغط على عرض رسائل الواتساب هيتفتحلك اعلانات CPA وهي دى مصدر ربح صاحب الموقع انما هل فعلا هتقدر تقرأ رسائل الواتساب بتاعة شخص اخر ؟ اكيد لا ياصاحبي مافيش حاجة اسمها كده وصدقنى مهما تنشر في التعليق على مواقع التواصل الاجتماعي مش هتقدر تقرأ رسايل الواتساب وهتبقي بتضيع وقت عالفاضي لان ببساطة ياصديقي حتى الان لايوجد على واتساب بما يسمي بقراء رسائل الواتساب بدون علم صاحبها  وموقع cbb5 هو موقع غير صادق زيه زي كتير من المواقع وكل التطبيقات والمواقع اللي بتقدم خدمات زى دى هي مواقع غير صادقة والغرض من المواقع دى سرقة بياناتك واستخدامها وتقدر تقرأ المقالة دى علشان تعرف خطر استخدام المواقع اللي زى cbb5 او cbb5com او cbb 5 او cb5  (  كيفية حماية حسابك على الفيسبوك من الاختراق ) 

تعليقات المستخدمين في موقع cbb5 whatsapp

   
cbb5
cbb5


طبعا صاحب الموقع علشان يضيف جزء من المصداقية كده قالك اما اعمل شوية تعليقات وصور وهمية واضيفها علشان الناس تطمن وتنفذ المطلوب منها وبيتهألي باين جدا ان التعليقات الموجودة في الموقع كلها Fake 

هل cbb5 يسرق بياناتك ؟

جاتلنا كتير من الاسئلة بخصوص موقع cbb5 ولكن اكتر سؤال كان بيتسئلنا هو هل موقع cbb5 هكر ؟ وخليني اقولك ياصاحبي انه مش هكر ومايقدرش يخترق جهازك ولكن لما بتضغط على كلمة عرض رسائل الواتساب الان بيتفتح معاك اعلان - الاعلان ده ممكن بنسبة كبيرة يخصم من رصيد موبايلك  علشان كده حاول دايما تحمي نفسك وماتدخلش على المواقع اللي زي cbb5 لان جزء كبير جدا منهم ان ماكنش كلهم بيطلب منك تحط بياناتك زي رقم التليفون وبيتم استخدامهم في الترويج لعروض CPA ويسحب رصيد منك زى خدمات العاب اونلاين فودافون 

سبب انتشار موقع cbb5

بطبيعة الحال الحاجة فيها تجسس دايما بيبقا عليا اقبال كبيرلانها بتثير الفضول اللي جواك وخصوصا لما يبقي تجسس بدون مقابل ودي النقطة اللي بيلعب عليها موقع cbb5 انه بيقولك لو عاوز تقرأ رسايل الواتساب لاي رقم ابحث في جوجل عن cbb5 فانت علشان ترضي فضولك بتبحث وبتدخل وبتتبع الخطوات وفي الاخر مابتوصلش لحاجة حاجة فهي دى فكرة cbb5 انه بيلعب على عاطفة امتلاك الشيء والفضول عند المستخدم ولكن في الحقيقة كل ده كلام فاضي لان مافيش حاجة اسمها اقرأ رسايل واتساب لر رقم لان شركة كبيرة زى واتساب اكيد مش هتسيب ثغرة زي دى مفتوحة علشان يجي موقع بربع جنيه يكتشفها علشان كده مااتصدقش المواقع من نوعية cbb5 وماتخليش حد يضحك عليك

مميزات وعيوب موقع cbb5

صديقي العزيز موقع cbb5 ليس له اي مميزات او عيوب يعنى هو لا هيضرك ولا هينفعك لان في مواقع زميلة عاملة شرح للموقع وكاتبة كلام غير صادق عن ان cbb5 له مميزات وعيوب وبصراحة انا بعتبرهم مضللين اكتر من موقع cbb5 نفسه فانا بس حبيت أأكد عليك المعلومة ان cbb5 مالووووووش لازززززززمة

رابط موقع cbb5

وطبعا بعد ماوصلت لنهاية المقالة تقدر تتأكد من كل كلمة قولتهالك وتدخل على موقع  cbb5 ( من هنا ) ولو لقيت الرابط مش شغال يبقي الدومين انتهي 

فيديو توضيحي اثناء استخدام موقع cbb5


مواقع لقراءة رسائل الواتساب مثل cbb5

دي ياصديقي العزيز قائمة بكل المواقع اللي شبه cbb5 وبتقدم نفس الخدمة المضحكة بتاعة قراءة رسائل الواتساب بدون علم صاحبها 

الصفحة الرسمية لموقع cbb5 على فيسبوك 

للوصول الي الصفحة الرسمية لموقع cbb5 على فيسبوك ← اضغط هنا 

اسئلة المتابعين بخصوص موقع cbb5

  • س : ماهو موقع cbb5؟
ج : موقع mbz3 ياصديقي العزيز هو احد مواقع النصب المشهورة على السوشيال ميديا حيث يثدم الموقع خدمة مزيفة وهي معرفة باسورد اي شبكة واى فاى  
  • س : هل يمكن التجسس على الواتس اب من خلال رقم الهاتف؟
ج : لا .. والطريقة الوحيدة اللي ممكن من خلالها هي ان يكون معاك تليفون الشخص اللي عاوز تتجسس عليه لكن كونك تتجسس عليه من غير علمه مستحيل  
  • س : هل موقع cbb3 حقيقي ام لا؟
ج : لا ياصديقي موقع cbb5 غير حقيقي 
  • س : كيف يمكن قراءة الرسائل المحذوفة من الواتس اب؟؟
ج : اقرأ المقالة دي ياصاحبي ( طريقة استرجاع رسائل واتساب المحذوفة ) 

مواقع اخري غير صادقة

في مواقع كتير كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم و دى كل المقالات اللي تم كتابتها عن المواقع دى 

وبس كده ياصحبي ده كل حاجة بخصووص موضوع النهاردة حقيقة cbb5. ارجو انك بعد ماقرأت الموضوع وعرفت حقيقة موقع cbb5 لقراءة رسائل الواتساب انك ماتصدقش الحاجات دى وماتمشيش وراها . ولو حبيت تشير الموضوع مع صحابك علشان تحذرهم هكون شاكر جدا يلا سلااااااااااااااااااااام
تعديل المقال
الأقسام

مقالات قد تهمك

تعليقات