هواتف واندرويد
10

| خطيرجدا | احذر موقع hbb3 ( حقيقة موقع hbb3com للواي فاي ) hbb3.com

صورة
STARK
اخر تحديث :
صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم التقنية وهو عن موقع hbb3 اللي انتشر مؤخرا على السوشيال ميديا وبنلاقيه في الفيسبوك على هيئة كومنت بيقول  : 

   لو عايز تهكـر أى شبكة wifi وتسرق منها نت  . افتح جوجل واكتب فى البحث HBB3  هتدخل اول موقع يظهرلك فى البحث . هتحط اسم الشبكة هيظهرلك الباسورد

ومن هنا بدأ التساؤولات حول  ما هو hbb3 وهل فعلا في حد يقدر يعرف باسورد اى شبكة واي فاي قريبة منه  ؟
وبعد ماقام عدد من فريق موقع سكرين ميكس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة موقع hbb3com لمعرفة باسور أى واى فاى قريب منك 

في الاول ياصاحبي لو انت واحد من اللي خدوا الرسالة وحطوها في 15 كومنت فيؤسفنى اقولك انك كده خلاص مابقتش صاحبي . ليه تعمل كده ؟ صدقت فعلا انك تقدر تعرف باسورد اي واي فاي بسهولة كده ؟ ..  ياخسارة ياصاحبي حقيقي ياخسارة بس ولايهمك انا سامحتك خلاص علشان الصحاب بيسامحوا بعض  تعالي معايا بقي اقولك حقيقية موقع hbb 3

 
    
hbb3.com hbb3 hbb 3 hbb#3 3hbb
اضغط هنا لمعرفة باسور أى واى فاى قريب منك 



 



حقيقة موقع hbb3 facebook


شرح كيفية استخدام موقع hbb3 


موقع 3hbb او hbb3 او hbb3.com او hbb 3  هو موقع من صفحة واحدة مبرمجة بطريقة بسيطة جدا اول مابتدخل عالموقع بتظهرلك رسالة بتقولك : الان يمكنك معرفة باسورد أى شبكة واى فاى قريب منك عن طريق موقعنا hbb3.com


ما هو نوع الشبكة ؟

  1. مخفية
  2. ظاهرة

وايا كان الاختيار اللي هتختاره هيحولك على صفحة تانية بيسألك فيها ويقولك ما مدى قوة الاشارة التى تظهرها الشبكة على هاتفك ؟
وبيديك 3 اختيارات

  1. ضعيف
  2. متوسط
  3. قوي

وبغض النظر عن اختيارك فبعدها هيقولك اضغط هنا لكتابة اسم شبكـة الواى فاى التى تريد معرفة الباسـورد خاص بها
 ياصاحبي وسواء كتبت اسم الشبكة او ماكتبتش هتضغط على الخطوة التالية هتلاقيه بيقولك اضغط على الخطوة التالية ولما تضغط عليها هيحولك للصفحة المنشودة اللي مكتوب فيها


تهانينا لقد تم التعرف على كلمة السر الخاص بالشبكة
تبقى لك خطوة اخيرة يرجى تنفيذها لكى تحصل على كلمة السر
(الخــطوة الاخيرة)
انسخ الرسالة الموجودة في الاسفل وانشرها فى 15 مكان مختلف على الفيسبوك ( جروبات - تعليقات - صفحات )

نسخ الرسالة
   لو عايز تهكـر أى شبكة wifi وتسرق منها نت  . افتح جوجل واكتب فى البحث HBB3  هتدخل اول موقع يظهرلك فى البحث . هتحط اسم الشبكة هيظهرلك الباسورد
قم بالضغط على زر اظهار كلمة السر علما بأن لن تظهر كلمة السر بدون نشر الرسالة

↓↓↓↓↓↓↓↓
اضغط هنا للحصول على كلمة السر
↑↑↑↑↑↑↑↑


 وطبعا مهما تنشر في الرسالة وتدخل عالموقع عمرك ماهتعرف اي باسورد واي فاي لان باختصار موقع hbb3 كله عبارة عن نصب في الاول والاخر 

 اعرف باسورد أى واى فاى قريب منك


ولما بتضغط على اضغط هنا للحصول على كلمة السر يبيظهرلك اشعار بيقولك فيه كلمة السر :3344**** المعذرة كلمة السر ناقصة , أنت لم تنشر الرسالة فى 15 مكان مختلف على الفيسبوك ، من فضلك أنشرها فى اماكان مختلفة وليس نفس المكان  لتظهر كلمة السر كاملة وسواء نشرت الرسالة او لا المفروض انك لما بتضغط عليها تانى بيفتحلك اعلان CPA وهو ده مصدر ربح الموقع انما هل فعلا تقدر تعرف باسورد اي واى فاي قريب منك ؟ اكيد لا طبعا خليني اقولك ياصاحبي وبكل ثقة انه حتي الان لايوجد على فيسبوك  مايسمي بمعرفة باسورد أى واى فاى قريب منك وكل التطبيقات والمواقع اللي بتقدم خدمات زى دى هي مواقع غير صادقة والغرض من المواقع دى سرقة بياناتك واستخدامها وتقدر تقرأ المقالة دى علشان تعرف خطر استخدام المواقع اللي زى hbb3 او hbb3.com (  كيفية حماية حسابك على الفيسبوك من الاختراق ) 


تعليقات المستخدمين في موقع hbb3



  
الان من خلال موقع hbb3 يمكنك معرفة باسورد أى شبكة واى فاى قريب منك عن طريق موقعنا hbb3
حقيقة موقع hbb3com للواي فاي




طبعا صاحب الموقع علشان يضيف جزء من المصداقية كده قالك اما اعمل شوية تعليقات وصور وهمية واضيفها علشان الناس تطمن وتنفذ المطلوب منها وبيتهألي باين جدا ان التعليقات الموجودة في الموقع كلها Fake 

hbb3 هكر



جاتلنا كتير من الاسئلة بخصوص موقع hbb3 ولكن اكتر سؤال كان بيتسئلنا هو هل موقع hbb3 هكر وخليني اقولك ياصاحبي انه مش هكر ومايقدرش يخترق جهازك لكن يفضل انك ماتستخدمش نوعية المواقع دى من باب الامان والاحتياط 


مواقع اخري غير صادقة



في مواقع كتير كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم و دى كل المقالات اللي تم كتابتها عن المواقع دى 





وبس كده ياصحبي ده كل حاجة بخصووص موضوع النهاردة حقيقة موقع hbb3com . ارجو انك بعد ماقرأت الموضوع وعرفت حقيقة معرفة باسورد أى واى فاى قريب منك  انك ماتصدقش الحاجات دى وماتمشيش وراها . لو استفدت من الموضوع ماتنساش تشيره مع صحابك يلا سلام .
تعديل المقال
الأقسام

مقالات قد تهمك

تعليقات