يعنى ايه
0

ما معنى اوت فيت ؟ ( معنى اوت فت نسائي ) outfit معنى

صورة
STARK
اخر تحديث :

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى اوت فيت المنتشرة علي السوشيال ميديا ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى واللي هتلاقي فيه معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف يعنى ايه اوتفت تدخل قسم المعانى وتقرأ فيه شوية المهم علشان ماطولش عليك يلا بينا نعرف معنى الاوتفيت



 

اوت فيت - اوتفت - الاوتفيت - الاوت فيت - الاوتفت


معنى اوت فيت

 ( outfit ) الاوتفت ياصديقي العزيز هو الملابس اللي انت لابسها ايوة زي مابقولك كده والله الطقم اللي انت بتبقي لابسه وانت خارج بقي اسمه اوت فيت ومش بس كده ده اتعمل جروبات على الفيسبوك كل الغرض منها ان الناس تصور صورة لنفسها قبل ماتخرج من البيت وتنزلها عالجروب وتكتب عليها تقييم للاوتفيت ياشباب ... طول عمرنا بنقول عليه طقم او هدوم او لبس او ملابس ولكن مافيش حاجة بتبقي علي حالها دلوقتى بقي اسمه out fit يعنى لما حد يقولك ايه رأيك في الاوت فيت بتاعي فالمقصود بيه ايه رأيك في الطقم بتاعي ايه رأيك في اللبس بتاعي .. حتى اللبس صعبتوه علينا ! يلا الحمدلله محدش بينام من غير عشا انا فاكر زمان ياصاحبي واحنا في ابتدائي لما كان الواحد يجيب لبس العيد ويلبسه وينزل بيه الساعة 7 الصبح كان بيحس انه كينج الكنوج تخيل بقي لو كنا وقتها بنقول على لبس العيد اوت فت ^_- الحمدلله ان الدنيا اتغيرت واللبس بقي اسمه اوت فيت والطعمية بقت جرين برجر وواخدانا على فين بعد كده يادنيا . يلا مش مهم وبس كده يااصحبي ده كان كل حاجة بخصوص معنى كلمة اوتفت لمنتشرةعلى الفيسبوك . لو في كلمة او مصطلح حابب تعرف معناه اكتبلنا في التعليقات وماتنساش تاخد جولة في قسم المعانى زى ماتفنا يلا سلاااااااااااااااااااام


تعديل المقال

تابعنا على جوجل نيوز

قم بمتابعة موقعنا على جوجل نيوز للحصول على اخر الاخبار والمشاركات والتحديثات ..

متابعة
الأقسام

مقالات قد تهمك

تعليقات