صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم التقنية وهو عن موقع rob7ak اللي انتشر مؤخرا على السوشيال ميديا وبنلاقيه في الفيسبوك على هيئة كومنت بيقول :
عاجل يا اصدقاء ربحت ايفون من موقع rob7ak انا ربحت هاتف ايفون 13 الجديد و2 من اصدقائي ربحو لتربح هاتف انت ايضا اكتب في جوجل rob7ak وادخل للموقع الاول الموقع له مصدقية ☑ من جوجل ونسبة الربح كبيرة أانا حبيت افيدكم اكتبو في جوجل rob7ak وادخلو اول موقع الهاتف يصلك مجانا حتى المنزل
ومن هنا بدأت الاستفسارات حول ما هو rob7akcom وهل فعلا تقدر من خلاله تربح ايفون 13 برو ماكس مجانا
وبعد ماقام عدد من فريق موقع سكرين ميكس اللي هو انا بس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة موقع rob7ak@com لربح ايفون 13 برو ماكس
في البداية ياصاحبي لو انت واحد من اللي خدوا الرسالة وحطوها في 15 كومنت فيؤسفنى اقولك انك كده خلاص مابقتش صاحبي . ليه تعمل كده ؟ صدقت فعلا انك تقدر تربح ايفون 13 برو ماكس ؟ .. ياخسارة ياصاحبي حقيقي ياخسارة بس ولايهمك انا سامحتك خلاص علشان الصحاب بيسامحوا بعض تعالي بقي اقولك حقيقية موقع rob7ak لربح ايفون 13 برو ماكس مجانا
 |
| ربح ايفون 13 برو ماكس مجانا |
حقيقة موقع rob7ak@com
شرح كيفية استخدام موقع rob7ak
rob7akcom او rob7ak او rob7ak@com او rob7ak جوجل كلها مسميات لموقع واحد مكون من صفحة واحدة مبرمجة بطريقة بسيطة جدا اول مابتدخل عالموقع بتظهرلك رسالة بتقولك : خصصت شركة آبل 10000 نسخة مجانا من الهاتف الجديد ايفون 13 برو ماكس، للحصول على هاتفك قبل نفاذ الكمية ما عليك سوى الإجابة عن الأسئلة التالية: وبعدها بيسألك سؤال بسيط
هل سبق لك أن امتلكت هاتف أيفون؟ ؟ وبيديك اختيارين
- نعم
- لا
وايا كان الاختيار اللي هتختاره هيحولك على صفحة تانية بيسألك فيها ويقولك ماذا يعجبك في هواتف الأيفون؟ ؟
وبيديك 3 اختيارات
- التصميم
- العرض
- الكاميرا
وايا كان الاختيار اللي هتختاره هيحولك على صفحة يقولك فيها ما هي اللغة التي تستخدم بها الهاتف ؟ ويديك اربع اختيارات
- العربية
- الانجليزية
- الفرنسية
- لغة اخري
وايا كان اختيارك فالموقع متبرمج انه يحولك على صفحة مكتوب فيها
تهانينا... مبروك هاتفك الجديد ايفون 13 برو ماكس
لا تفصلك الآن سوى خطوتين للتوصل بـهاتف ايفون 13 برو ماكس مجانا.
الخطوة 1 : انسخ الرسالة الموجودة في الاسفل وانشرها فى 15 تعليق فى الفيسبوك فى اماكن مختلفة -صفحات-جروبات
لقد ربحت ايفون 13 برو مجانا ، بسرعة ادخلوا اربحوا هواتف آيفون 13 من هذا الموقع في جوجل >> https://google.com/search?q=site:ar.rob7ak.com
إضغط هنا لنسخ الرسالة
اضغط هنا لنشر في الواتساب
الخطوة 2 :بعد الإنتهاء من نشرالرسالة قم بالضغط على زر الحصول على الهاتف لسماح لك بإدخال عنوان إستلام الهاتف، مع العلم لن تحصل على شيء في حال لم تنشر الرسالة
الحصول على الهاتف
موقع rob7ak لربح ايفون 13 برو ماكس
ولما بتضغط على الحصول على الهاتف بيظهرلك نافذة مكتوب فيها : المعذرة، أنت لم تنشر الرسالة في 15 مكان، من فضلك أنشرها. للسماح لك بإدخال عنوان إستلام الهاتف وسواء نشرت الرسالة او لا بعدها لما تضغط على اضغط هنا لنشر في الواتساب هيتفتحلك اعلانات CPA وهي دى مصدر ربح صاحب الموقع انما هل فعلا هتقدرتربح ايفون 13 برو ماكس ؟ اكيد لا ياصاحبي مافيش حاجة اسمها كده
وصدقنى مهما تنشر في التعليق على مواقع التواصل الاجتماعي هتبقي بتضيع وقت عالفاضي لان ببساطة ياصديقي حتى الان لايوجد بما يسمي ربح ايفون من جوجل وموقع rob7ak هو موقع غير صادق زيه زي كتير من المواقع .... وكل التطبيقات والمواقع اللي بتقدم خدمات زى دى هي مواقع غير صادقة والغرض من المواقع دى سرقة بياناتك واستخدامها وتقدر تقرأ المقالة دى علشان تعرف خطر استخدام المواقع اللي زى rob7ak.com - rob7ak - rob7ak @com ( كيفية حماية حسابك على الفيسبوك من الاختراق )
تعليقات المستخدمين في موقع rob7ak جوجل
 |
| تعليقات غير حقيقية من موقع rob7ak |
طبعا صاحب الموقع علشان يضيف جزء من المصداقية كده قالك اما اعمل شوية تعليقات وصور وهمية واضيفها علشان الناس تطمن وتنفذ المطلوب منها وبيتهألي باين جدا ان التعليقات الموجودة في الموقع كلها Fake
هل موقع rob7ak يسرق بياناتك ؟
جاتلنا كتير من الاسئلة بخصوص موقع cbb5com ولكن اكتر سؤال كان بيتسئلنا هو هل موقع rob7ak هكر ؟ وخليني اقولك ياصاحبي انه مش هكر ومايقدرش يخترق جهازك ولكن لما بتضغط على كلمة الحصول على الهاتف او اضغط هنا للنشرعلى واتساب الان بيتفتح معاك اعلان - الاعلان ده ممكن بنسبة كبيرة يخصم من رصيد موبايلك علشان كده حاول دايما تحمي نفسك وماتدخلش على المواقع اللي زي #rob7ak لان جزء كبير جدا منهم ان ماكنش كلهم بيطلب منك تحط بياناتك زي رقم التليفون وبيتم استخدامهم في الترويج لعروض CPA ويسحب رصيد منك زى خدمات العاب اونلاين فودافون
مواقع اخري غير صادقة
في مواقع كتير كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم و دى كل المقالات اللي تم كتابتها عن المواقع دى
- حقيقة موقع hbb3
- حقيقة موقع mbz3
- حقيقة موقع kk44
- حقيقة موقع mbb14
- حقيقة موقع vdd4
- حقيقة موقع wifix23
- حقيقة موقع 44bkk
- حقيقة موقع kek3
- حقيقة موقع bbx3
- حقيقة موقع yaa22
- حقيقة موقع 66vaa
- حقيقة موقع 3cbb
- حقيقة موقع hkr9
- حقيقة موقع bkk44
- حقيقة موقع iphonco
- حقيقة موقع 3bbx
- حقيقة موقع hkr3
- حقيقة موقع pubgg.ml
- حقيقة موقع cbb5
- حقيقة موقع gog6
- حقيقة موقع bbx4
- حقيقة موقع beb6
- حقيقة موقع beb6 en
- حقيقة موقع cbb3
- حقيقة موقع gog6 ar
- حقيقة موقع mbz9
- حقيقة موقع bbx22
- حقيقة موقع 7vbb
- حقيقة موقع vaa 66
- حقيقة موقع bmb9
- حقيقة موقع vbb7
- حقيقة موقع mbc13
- حقيقة موقع mb55
- حقيقة موقع biz4ap
وبس كده ياصحبي ده كل حاجة بخصووص موضوع النهاردة حقيقة موقع rob7ak . ارجو انك بعد ماقرأت الموضوع وعرفت حقيقة موقع rob7ak لربح ايفون 13 برو ماكس انك ماتصدقش الحاجات دى وماتمشيش وراها . ولو حبيت تشير الموضوع مع صحابك علشان تحذرهم هكون شاكر جدا يلا سلااااااااااااااااااااام