صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم التقنية وهو عن موقع tbt3@com اللي انتشر مؤخرا على السوشيال ميديا وبنلاقيه في الفيسبوك على هيئة كومنت بيقول :
عايز تعرف مين زار البروفايل بتاعك على الفيسبوك وبيدخل عليه كل يوم ~ هتفتح جوجل وتكتب فى البحث tbt3 .com هتدخل اول موقع يظهرلك وتفعل الاشعارات
وبعد ماقام عدد من فريق موقع سكرين ميكس اللي هو انا بس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة موقع tbt3.com لمعرفة مين زار بروفايلك
في البداية ياصاحبي لو انت واحد من اللي خدوا الرسالة وحطوها في 15 كومنت فيؤسفنى اقولك انك كده خلاص مابقتش صاحبي . ليه تعمل كده ؟ صدقت فعلا انك تقدر تعرف مين زار بروفايلك بالسهولة دى ؟ .. ياخسارة ياصاحبي حقيقي ياخسارة بس ولايهمك انا سامحتك خلاص علشان الصحاب بيسامحوا بعض تعالي معايا بقي اقولك حقيقية موقع tbt3
 |
| tbt3com - tbt3.com - tbt3@com - tbt3 -3tbt |
حقيقة موقع tbt3com
شرح كيفية استخدام موقع tbt 3
tbt3.com او tbt3@com tbt#3com او 3tbt او tbt 3 كلها مسميات لموقع واحد مكون من صفحة واحدة مبرمجة بطريقة بسيطة جدا اول مابتدخل عالموقع بتظهرلك رسالة بتقولك :الان يمكنك معرفة من زار بروفايلك بدون برامج وبطريقة مضمونه جدا وحصرية عن طريق موقعنا tbt3.com المجانى وبيسألك سؤال بسيط
كيف تعرفت علينا ؟ وبيديك 4 اختيارات
- فيسبوك
- واتساب
- جوجل
- الاصدقاء
وايا كان الاختيار اللي هتختاره هيحولك على صفحة تانية بيسألك فيها ويقولك ماذا تفضل ان يظهر لك فى الاشعارات ؟
وبيديك 3 اختيارات
- اسم الزائر فقط
- اسم الزائر + وقت الزيارة
- اسم الزائر + وقت الزيارة + المدة التى قضاها في حسابك
وبغض النظر عن اختيارك فبعدها هيقولك اضغط هنا للتأكد انك انسان وليس ريبوت ولما تضغط هتظهرلك قايمة هيسألك فيها سؤال لطيف جدا وهو ( جمع كلمة بلد ) وصدقنى ايا كان اللي هتكتبه حتى لو كتبت محشي ورق عنب هيحولك على صفحة مكتوب فيها
تهانينا لقد تم تفعيل التطبيق بنجاح
تبقى لك خطوة اخيرة وسيبدء ظهور الاشعارات عند دخول أى شخص لحسابك
(الخــطوة الاخيرة)
انسخ الرسالة الموجودة في الاسفل وانشرها فى 15 تعليق فى الفيسبوك فى اماكن مختلفة -صفحات-جروبات
نسخ الرسالة
عايز تعرف مين زار البروفايل بتاعك على الفيسبوك وبيدخل عليه كل يوم ~ هتفتح جوجل وتكتب فى البحث tbt3 .com هتدخل اول موقع يظهرلك وتفعل الاشعارات
قم بالضغط على زر تفعيل الاشعارات علما بأن لن يتم ظهور الاشعارات بدون نشر الرسالة
↓↓↓↓↓↓↓↓
اضغط هنا لتفعيل الاشعارات الان
↑↑↑↑↑↑↑↑
موقع tbt3@com لمعرفة من زار بروفايلك
لما بتضغط على كلمة اضغط هنا لتفعيل الاشعارات بيقولك المعذرة، أنت لم تنشر الرسالة فى 15 تعليق مختلف على الفيسبوك ، من فضلك أنشرها فى اماكن مختلفة وليس نفس المكان لتفعيل الاشعارات الان . ولما تضغط عليها تانى بيحولك على صفحة تانية عبارة عن اعلان وهو ده مصدر ربح الموقع
وصدقنى مهما تنشر في التعليق على مواقع التواصل الاجتماعي مش هتقدر تعرف مين زار بروفايلك وهتبقي بتضيع وقت عالفاضي لان ببساطة ياصديقي حتى الان لايوجد على فيسبوك بما يسمي بمعرفة من زار بروفايلك وموقع tbt3com هو موقع غير صادق زيه زي كتير من المواقع وكل التطبيقات والمواقع اللي بتقدم خدمات زى دى هي مواقع غير صادقة والغرض من المواقع دى سرقة بياناتك واستخدامها وتقدر تقرأ المقالة دى علشان تعرف خطر استخدام المواقع اللي زى tbt3 - tbt 3 - tbt3com ( كيفية حماية حسابك على الفيسبوك من الاختراق )
تعليقات المستخدمين في موقع tbt3
 |
| تعليقات غير حقيقية وضعها صاحب الموقع |
طبعا صاحب الموقع علشان يضيف جزء من المصداقية كده قالك اما اعمل شوية تعليقات وصور وهمية واضيفها علشان الناس تطمن وتنفذ المطلوب منها وبيتهألي باين جدا ان التعليقات الموجودة في الموقع كلها Fake
tbt3 هكر
جاتلنا كتير من الاسئلة بخصوص موقع tbt3.com ولكن اكتر سؤال كان بيتسئلنا هو هل موقع tbt 3 هكر وخليني اقولك ياصاحبي انه مش هكر ومايقدرش يخترق جهازك ولكن حاول دايما تحمي نفسك وماتدخلش على المواقع اللي زي tbt#3 لان جزء كبير جدا منهم ان ماكنش كلهم بيطلب منك تحط بياناتك زي رقم التليفون وبيتم استخدامهم في الترويج لعروض CPA ويسحب رصيد منك زى خدمات العاب اونلاين فودافون
مواقع اخري غير صادقة
في مواقع كتير كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم و دى كل المقالات اللي تم كتابتها عن المواقع دى
- حقيقة موقع hbb3
- حقيقة موقع mbz3
- حقيقة موقع kk44
- حقيقة موقع mbb14
- حقيقة موقع vdd4
- حقيقة موقع wifix23
- حقيقة موقع 44bkk
- حقيقة موقع kek3
- حقيقة موقع bbx3
- حقيقة موقع yaa22
- حقيقة موقع 66vaa
- حقيقة موقع 3cbb
- حقيقة موقع hkr9
- حقيقة موقع bkk44
- حقيقة موقع iphonco
- حقيقة موقع 3bbx
- حقيقة موقع hkr3
- حقيقة موقع pubgg.ml
- حقيقة موقع cbb5
- حقيقة موقع gog6
- حقيقة موقع bbx4
- حقيقة موقع beb6
- حقيقة موقع beb6 en
- حقيقة موقع cbb3
- حقيقة موقع gog6 ar
- حقيقة موقع mbz9
- حقيقة موقع bbx22
- حقيقة موقع 7vbb
- حقيقة موقع vaa 66
- حقيقة موقع bmb9
- حقيقة موقع vbb7
- حقيقة موقع mbc13
- حقيقة موقع mb55
- حقيقة موقع biz4ap
وبس كده ياصحبي ده كل حاجة بخصووص موضوع النهاردة حقيقة موقع tbt3.com . ارجو انك بعد ماقرأت الموضوع وعرفت حقيقة معرفة مين زار بروفايلك انك ماتصدقش الحاجات دى وماتمشيش وراها . لو استفدت من الموضوع ماتنساش تشيره مع صحابك يلا سلام .