| خطير | لاتدخل موقع vbb7 ( اختبار مصداقية vbb 7 للحصول على 100 جيجا هدية ) vbb7 تحميل
STARK
اخر تحديث :
vbb7
صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم التقنية وهو عن موقع 7vbb اللي انتشر مؤخرا على السوشيال ميديا وبنلاقيه في الفيسبوك على هيئة كومنت بيقول : لو عايز تحصل على 100 جيجا نت من جوجل لكل المواقع و 700 دقيقة تكلم بيهم أى شبكة فى العالم لمدة شهرين - اكتب فى بحث جوجل الكلمة دى VBB7 وادخل الموقع الاول ... ومن هنا بدأ التساؤولات حول ما هو vbb7 وهل فعلا في حد يقدر يديك 100 جيجا هدية و 700 دقيقة لكل الشبكات ؟ وبعد ماقام عدد من فريق موقع سكرين ميكس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة موقع vbb7 للحصول على 100 جيجا هدية و 700 دقيقة لكل الشبكات
في الاول ياصاحبي لو انت واحد من اللي خدوا الرسالة وحطوها في 15 كومنت فيؤسفنى اقولك انك كده خلاص مابقتش صاحبي . ليه تعمل كده ؟ صدقت فعلا انك تقدر تاخد 100 جيجا هدية بسهولة كده ؟ .. ياخسارة ياصاحبي حقيقي ياخسارة اتفضل ياباشا معايا اقولك حقيقية موقع vbb7
vbb7
حقيقة موقع google vbb7
موقع 7bvv او vbb7 او vbb7com او vbb 7 هو موقع من صفحة واحدة مبرمجة بطريقة بسيطة جدا اول مابتدخل عالموقع بتظهرلك رسالة بتقولك : الان من خلال 7vbbيمكنك الحصول على 100 جيجا هدية من جوجل بالأضافة الى 700 دقيقة دولية لكل الشبكات عن طريق موقعنا vbb7 وبيقولك سياسة الاستخدام 100 جيجا مرة واحدة وبيسألك اوافق ولا لااوافق
7vbb
وبعدها بيسألك ما هى المواقع التى تريد استخدام ال 100 جيجا بها وبيديك اربع اختيارات ؟
vbb7
فيسبوك
واتساب
يوتيوب
جميع ماسبق + مواقع اخري
وايا كان الاختيار اللي هتختاره هيحولك على صفحة تانية اضغط هنا لكتابة رقم الموبايل مصحوب بكود الدولة ولما تضغط عليها بيظهرلك نافذة تكتب فيها رقم تليفون بعدها بيقولك اضغط على الخطوة التالية
vbb7
وبعد ماتكتب رقم الموبايل ياصاحبي وسواء كتبت رقم موبايلك او اى رقم عموما هتلاقيه بيقولك اضغط على الخطوة التالية ولما تضغط عليها هيحولك للصفحة المنشودة اللي مكتوب فيها
تهانينا لقد حصلت على 100 جيجا مجانية + 700 دقيقة مجانا لكل الشبكات صالحة للاستخدام لمدة شهرين
تبقى لك خطوة اخيرة لتفعيل الهدية
(الخــطوة الاخيرة)
انسخ الرسالة الموجودة في الاسفل وانشرها فى 15 تعليق فى الفيسبوك فى اماكن مختلفة -صفحات-جروبات
نسخ الرسالة
لو عايز تحصل على 100 جيجا نت من جوجل لكل المواقع و 700 دقيقة تكلم بيهم أى شبكة فى العالم لمدة شهرين - اكتب فى بحث جوجل الكلمة دى VBB7 وادخل الموقع الاول
قم بالضغط على زر تفعيل الهدية علما بأن لن يتم تفعيل الهدية بدون نشر الرسالة
↓↓↓↓
اضغط هنا لتفعيل الهدية
↑↑↑↑
وطبعا مهما تنشر في الرسالة وتدخل عالموقع عمرك ماهتاخد 100 جيجا او حتي ربع ميجا لان موقع vbb7 كله عبارة عن نصب في الاول والاخر
احصل على 100 جيجا هدية لكل الشبكات vbb7
vbb7 هكر
خليني اقولك ياصاحبي وبكل ثقة انه حتي الان لايوجد على فيسبوك مايسمي بالحصول على جيجات مجانية وكل التطبيقات والمواقع اللي بتقدم خدمات زى دى هي مواقع غير صادقة والغرض من المواقع دى سرقة بياناتك واستخدامها وتقدر تقرأ المقالة دى علشان تعرف خطر استخدام المواقع اللي زى vbb7 او vbb 7.com ( كيفية حماية حسابك على الفيسبوك من الاختراق ) طب موقع vbb7 بيستفاد ايه لما بيععمل كده باختصار بسيط vbb7 لما بيعمل كده بيبقي مصدر ربحه عن طريق وضع اعلانات تظهر للمستخدم لكن الاعلانات دى بيكون جزء كبير منها ان ماكنش كلها اعلانات CPA وعلشان ماطولش عليك اعلانات الـ CPA دى لما انت بتنفذ اللي فيها بتخصم من رصيدك يوميا مبلغ مش اقل من 5 جنيه يعنى انت تبقي داخل علشان تكسب تلاقي نفسك بتخسر وبيتخصم منك
تعليقات المستخدمين في موقع vbb7
تعليقات المستخدمين في موقع vbb7
طبعا صاحب الموقع علشان يضيف جزء من المصداقية كده قالك اما اعمل شوية تعليقات وصور وهمية واضيفها علشان الناس تطمن وتنفذ المطلوب منها وبيتهألي باين جدا ان التعليقات الموجودة في الموقع كلها Fake
vbb7 هكر
جاتلنا كتير من الاسئلة بخصوص موقع 7vbb ولكن اكتر سؤال كان بيتسئلنا هو هل موقع vbb7 هكر وخليني اقولك ياصاحبي انه مش هكر ومايقدرش يخترق جهازك لكن يقدر يستخدم الرقم اللي انت حطيته ده في الترويج لعروض CPA ويسحب رصيد منك زى خدمات العاب اونلاين فودافون
سبب انتشار موقع vbb7
بطبيعة الحال الحاجة المجانية دايما بيبقا عليا اقبال اكتر من المدفوعة ودي النقطة اللي بيلعب عليها موقع vbb7 انه بيقولك لو عاوز تاخد 100 جيجا هديةابحث في جوجل عن vbb7 فانت بتبحث وبتدخل وبتتبع الخطوات وفي الاخر مابتاخدش حاجة فهي دى فكرة vbb7 انه بيلعب على عاطفة امتلاك الشيء بدون مقابل عند المستخدم ولكن في الحقيقة كل ده كلام فاضي لان مافيش حاجة بدون مقابل ياصاحبي ومافيش حاجة اسمها تاخد 100 جيجا ببلاش وحتى ان كان فيه فده هيبقي فيه تحايل وسرقة على شركة الاتصالات اللي انتا تابع ليها وده حرام انا بس كل غرضي من المقالة دى انك مااتصدقش المواقع من نوعية vbb7 وماتخليش حد يضحك عليك
مواقع اخري غير صادقة
في مواقع كتير كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم و دى كل المقالات اللي تم كتابتها عن المواقع دى
وبس كده ياصحبي ده كل حاجة بخصووص موضوع النهاردة حقيقة موقع vbb7 . ارجو انك بعد ماقرأت الموضوع وعرفتحقيقة الحصول على 100 جيجا هدية انك ماتصدقش الحاجات دى وماتمشيش وراها . لو استفدت من الموضوع ماتنساش تشيره مع صحابك يلا سلام .
.webp "7vbb - vbb7 - vbb7 google - vbb 7 تحميل - 7 vbb")
