mbb14
اللهم صل وسلم وبارك على سيدنا محمد وعلى آله وصحبه أجمعين وسلم تسليما كثيرا إلى يوم الدين ثم اما بعد . صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم التقنية وهو عن موقع mbb14 اللي انتشر مؤخرا على السوشيال ميديا وبنلاقيه في الفيسبوك على هيئة كومنت بيقول : لو مفلس و محتاج كارت شحن ٢٠٠ جنية رصيد لأى شبكة ꟷ افتح جوجل واكتب فى البحث الكلمه دى 4vdd وادخل اول موقع يظهرلك فى البحث هو الموقع الاصلى ꟷ هتاخد كارت شحن مرة وحدة بس
ومن هنا بدأ التساؤولات حول ما هو mbb14 وهل فعلا في حد يقدر ياخد رصيد مجانى ؟ وبعد ماقام عدد من فريق موقع سكرين ميكس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة موقع mbb14 لشحن 200 ج رصيد لاي شبكة مجانا في الاول ياصاحبي لو انت واحد من اللي خدوا الرسالة وحطوها في 15 كومنت فيؤسفنى اقولك انك كده خلاص مابقتش صاحبي . ليه تعمل كده ؟ صدقت فعلا انك تقدرتشحن 200 ج رصيد مجانا بسهولة كده ؟ .. ياخسارة ياصاحبي حقيقي ياخسارة بس ولايهمك انا سامحتك خلاص علشان الصحاب بيسامحوا بعض تعالي معايا بقي اقولك  |
| حقيقة موقع mbb14 لشحن 200 جنيه رصيد مجانا لاي شبكة |
حقيقة موقع mbb14
طريقة عمل موقع mbb 14
موقع mbb14 او 14 mbb او mbb 14 هو موقع من صفحة واحدة مبرمجة بطريقة بسيطة جدا اول مابتدخل عالموقع بتظهرلك رسالة بتقولك : هل شحنت من موقعنا 4vdd من قبل ؟ وبيديك اختيارين
- نعم
- لا
 |
| صورة من داخل موقع mbb14 |
وايا كان الاختيار اللي هتختاره هيحولك على صفحة تانية بيقولك فيها اختر الشبكة المستخدمة ؟ وبيديك 4 اختيارات
- فودافون
- اتصالات
- اورانج
- WE
 |
| صورة من موقع mbb14 |
و ايا كان اللي هتختاره هيقولك الشروط و الاحكام mbb14 : كارت شحن واحد فقط لكل خط - ويرجى عدم استخدام الموقع للشحن اكثر من مرة وهيديك اختيارين : موافق - لا اوافق
 |
| من داخل موقع mbb14 |
وبرده بغض النظر عن اختيارك هيحولك لصفحة بيقولك فيها اضغط هنا للتأكيد انك لست روبوت ولما تضغط هتظهرك نافذة بيسألك فيها سؤال قال يعنى اختبار وكده وبيقولك ↓↓↓↓↓↓↓↓ الرجاء اكتب (مفرد كلمة بلاد) ↓↓↓↓↓↓↓↓ وبرده ايا كان اللي هتكتبه بعدها هتضغط على كلمة الخطوة التالية هتلاقي في عداد ثوانى بيعد من 5 لحد 0 وبعدها هيحولك على اخر صفحة اللي هتلاقي مكتوب فيها
تهانينا تم توليد كود الشحن 200ج جاهز للشحن
لم يتبقى لك سوى خطوة اخيرة يرجى تنفيذها لأستلام رقم كارت الشحن
(الخــطوة الاخيرة)
انسخ الرسالة الموجودة في الاسفل وانشرها فى 15 تعليق فى الفيسبوك فى اماكن مختلفة- تعليقات - صفحات - جروبات
نسخ الرسالة
لو مفلس و محتاج كارت شحن ٢٠٠ جنية رصيد لأى شبكة ꟷ افتح جوجل واكتب فى البحث الكلمه دى 4vdd وادخل اول موقع يظهرلك فى البحث هو الموقع الاصلى ꟷ هتاخد كارت شحن مرة وحدة بس
الرجاء بعد الإنتهاء من نشر الرسالة بنجاح اضغط على الحصول على رقم كود الشحن
الحصول على كود الشحن
 |
| صورة من موقع mbb14 |
حقيقة موقع mbb14 للحصول على كارت شحن
ولما تضغط على كلمة الحصول على كود الشحن هتلاقي نافذة ظهرت مكتوب فيها كود الشحن هو : [4**3 5457 2335 9154] -------المعذرة الكود الشحن ناقص رقمين ولن تستطيع الشحن، أنت لم تنشر الرساله 15 مرة فى 10 مكان مختلف على الفيسبوك , يرجى نشرها فى اماكن مختلفة وليس نفس المكان للحصول على كود الشحن كامل ولو جيت دوست تانى على كلمة الحصول على كود الشحن مرة كمان هتلاقيه حولك على اعلان او رابط موقع اخر وهو ده مصدر ربح الموقع انما هل فعلا تقدر تشحن 200 رصيد مجانا من خلال موقع mbb14 فالاجابة هي لا ياصاحبي لانه بااختصار موقع غير صادق وهدفه كله الربح من خلال عرض الاعلانات لما بتضغط على كلمة الحصول على كود الشحن . كمل معايا باقي المقالة للاخر علشان تعرف ازاى تحمي نفسك من المواقع اللي زى دى بعد كده
mbb14 لشحن 200 جنيه رصيد مجانا لاي شبكة
خليني اقولك ياصاحبي وبكل ثقة انه حتي الان لايوجد على فيسبوك مايسمي بشحن رصيد مجانا وكل التطبيقات والمواقع اللي بتقدم خدمات زى دى هي مواقع غير صادقة والغرض من المواقع دى سرقة بياناتك واستخدامها وتقدر تقرأ المقالة دى علشان تعرف خطر استخدام المواقع اللي زى mbb14 او 14mbb ( كيفية حماية حسابك على الفيسبوك من الاختراق )
تعليقات المستخدمين في موقع mbb14
 |
| mbb14 - mbb14.com - mbb 14 |
طبعا صاحب الموقع علشان يضيف جزء من المصداقية كده قالك اما اعمل شوية تعليقات وصور وهمية واضيفها علشان الناس تطمن وتنفذ المطلوب منها وبيتهألي باين جدا ان التعليقات الموجودة في الموقع كلها Fake
mbb14 هكر
جاتلنا كتير من الاسئلة بخصوص موقع mbb14 ولكن اكتر سؤال كان بيتسئلنا هو هل موقع mbb14 هكر وخليني اقولك ياصاحبي انه مش هكر ومايقدرش يخترق جهازك لكن يفضل انك ماتستخدمش نوعية المواقع دى من باب الامان والاحتياط
سبب انتشار موقع mbb14
بطبيعة الحال الحاجة اللي فيها ربح اي شيء مجانا بيبقا عليا اقبال كبيرلانها بتثيرعند الانسان غريزة التملك والسيطرة والفحخر بأنه قدر يحصل مجانا على شيء بفلوس ودي النقطة اللي بيلعب عليها موقع mbb14 انه بيقولك لو مفلس و محتاج كارت شحن ٢٠٠ جنية رصيد لأى شبكة ꟷ افتح جوجل واكتب فى البحث الكلمه دى mbb14 وادخل اول موقع يظهرلك فى البحث هو الموقع الاصلى ꟷ هتاخد كارت شحن مرة وحدة بس فانت علشان ترضي فضولك بتبحث وبتدخل وبتتبع الخطوات وفي الاخر مابتوصلش لحاجة حاجة و في الحقيقة كل ده كلام فاضي لان مافيش حاجة اسمها احصل على رصيد مجانا لان شركة كبيرة زى فودافون واتصالات واورنج وغيرهم اكيد مش هتسيب ثغرة زي دى مفتوحة علشان يجي موقع بربع جنيه يكتشفها علشان كده مااتصدقش المواقع من نوعية mbb14 وماتخليش حد يضحك عليك
مميزات وعيوب موقع mbb14
صديقي العزيز موقع mbb14 ليس له اي مميزات او عيوب يعنى هو لا هيضرك ولا هينفعك لان في مواقع زميلة عاملة شرح للموقع وكاتبة كلام غير صادق عن ان mbb14 له مميزات وعيوب وبصراحة انا بعتبرهم مضللين اكتر من موقع mbb14 نفسه فانا بس حبيت أأكد عليك المعلومة ان mbb14 مالووووووش لازززززززمة
رابط موقع mbb14
وطبعا بعد ماوصلت لنهاية المقالة تقدر تتأكد من كل كلمة قولتهالك وتدخل على موقع mbb14 ( من هنا ) ولو لقيت الرابط مش شغال يبقي الدومين انتهي
مواقع اخري غير صادقة
في مواقع كتير كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم و دى كل المقالات اللي تم كتابتها عن المواقع دى
- حقيقة موقع hbb3
- حقيقة موقع mbz3
- حقيقة موقع kk44
- حقيقة موقع mbb14
- حقيقة موقع vdd4
- حقيقة موقع wifix23
- حقيقة موقع 44bkk
- حقيقة موقع kek3
- حقيقة موقع bbx3
- حقيقة موقع yaa22
- حقيقة موقع 66vaa
- حقيقة موقع 3cbb
- حقيقة موقع hkr9
- حقيقة موقع bkk44
- حقيقة موقع iphonco
- حقيقة موقع 3bbx
- حقيقة موقع hkr3
- حقيقة موقع pubgg.ml
- حقيقة موقع cbb5
- حقيقة موقع gog6
- حقيقة موقع bbx4
- حقيقة موقع beb6
- حقيقة موقع beb6 en
- حقيقة موقع cbb3
- حقيقة موقع gog6 ar
- حقيقة موقع mbz9
- حقيقة موقع bbx22
- حقيقة موقع 7vbb
- حقيقة موقع vaa 66
- حقيقة موقع bmb9
- حقيقة موقع vbb7
- حقيقة موقع mbc13
- حقيقة موقع mb55
- حقيقة موقع biz4ap
وبس كده ياصحبي ده كل حاجة بخصووص موضوع النهاردة حقيقة موقع mbb14 . ارجو انك بعد ماقرأت الموضوع وعرفت حقيقة موقع mbb14 لشحن 200 ج رصيد مجانا انك ماتصدقش الحاجات دى وماتمشيش وراها . ولو حبيت تشير الموضوع مع صحابك علشان تحذرهم هكون شاكر جدا ليك يلا سلااااااااااااااااااااام