| خطير | احذر موقع beb6 ( حقيقة موقع beb6.com للواي فاي ) beb 6

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم التقنية وهو عن موقع beb6 اللي انتشر مؤخرا على السوشيال ميديا وبنلاقيه في الفيسبوك على هيئة كومنت بيقول  :   

لو عايز تخترق* اى واى فاى وتحصل على الباسورد بتاعها بدون تطبيقات - ادخل ابحث جوجل واكتب → beb6 وادخل اول موقع - هتحط اسم شبكة الواى فاى ستظهر كلمة المرور.


ومن هنا بدأ التساؤولات حول  ما هو beb6 وهل فعلا في حد يقدر يعرف باسورد اى شبكة واي فاي قريبة منه  ؟
وبعد ماقام عدد من فريق موقع سكرين ميكس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة موقع beb6com لمعرفة باسورد أى واى فاى قريب منك 

في الاول ياصاحبي لو انت واحد من اللي خدوا الرسالة وحطوها في 15 كومنت فيؤسفنى اقولك انك كده خلاص مابقتش صاحبي . ليه تعمل كده ؟ صدقت فعلا انك تقدر تعرف باسورد اي واي فاي بسهولة كده ؟ ..  ياخسارة ياصاحبي حقيقي ياخسارة بس ولايهمك انا سامحتك خلاص علشان الصحاب بيسامحوا بعض  تعالي معايا بقي اقولك حقيقة موقع beb6

 
       
لو عايز تخترق* اى واى فاى وتحصل على الباسورد بتاعها بدون تطبيقات - ادخل ابحث جوجل واكتب → beb6 وادخل اول موقع - هتحط اسم شبكة الواى فاى ستظهر كلمة المرور.
beb6 




حقيقة موقع beb6


شرح كيفية استخدام موقع beb6 


موقع beb6 او beb6com او beb6@com اوbeb 6 هو موقع من صفحة واحدة مبرمجة بطريقة بسيطة جدا اول مابتدخل عالموقع بتظهرلك رسالة بتقولك : الان يمكنك معرفة باسورد أى شبكة واى فاى قريب منك عن طريق موقعنا beb6


ما هو نوع الشبكة ؟

  1. مخفية
  2. ظاهرة

وايا كان الاختيار اللي هتختاره هيحولك على صفحة تانية بيسألك فيها ويقولك ما مدى قوة الاشارة التى تظهرها الشبكة على هاتفك ؟
وبيديك 3 اختيارات



  1. ضعيف
  2. متوسط
  3. قوي

وبغض النظر عن اختيارك فبعدها هيقولك اضغط هنا لكتابة اسم شبكـة الواى فاى التى تريد معرفة الباسـورد خاص بها
 ياصاحبي وسواء كتبت اسم الشبكة او ماكتبتش هتضغط على الخطوة التالية هتلاقيه بيقولك اضغط على الخطوة التالية ولما تضغط عليها هيحولك للصفحة المنشودة اللي مكتوب فيها


تهانينا لقد تم التعرف على كلمة السر الخاص بالشبكة
تبقى لك خطوة اخيرة
(الخــطوة الاخيرة)
انسخ الرسالة الموجودة في الاسفل وانشرها فى 15 تعليق فى الفيسبوك فى اماكن مختلفة -صفحات-جروبات
نسخ الرسالة
  لو عايز تخترق اى شبكة wifi وتسرق منها نت بدون اى برامج  - افتح جوجل واكتب فى البحث beb6- هتدخل اول موقع يظهرلك فى البحث  
قم بالضغط على زر اظهار كلمة السر علما بأن لن تظهر كلمة السر بدون نشر الرسالة فى التعليقات
↓↓↓↓
اضغط هنا للحصول على كلمة السر
↑↑↑↑


 اعرف باسورد أى واى فاى قريب منك


ولما بتضغط على اضغط هنا للحصول على كلمة السر يبيظهرلك اشعار بيقولك فيه كلمة السر :3344**** المعذرة كلمة السر ناقصة , أنت لم تنشر  الرسالة فى 15 مكان مختلف على الفيسبوك ، من فضلك أنشرها فى اماكان مختلفة وليس نفس المكان  لتظهر كلمة السر كاملة 

وسواء نشرت الرسالة او لا المفروض انك لما بتضغط عليها تانى بيفتحلك اعلان CPA وهو ده مصدر ربح الموقع انما هل فعلا تقدر تعرف باسورد اي واى فاي قريب منك ؟ اكيد لا طبعا 

خليني اقولك ياصاحبي وبكل ثقة انه حتي الان لايوجد على فيسبوك  مايسمي بمعرفة باسورد أى واى فاى قريب منك وكل التطبيقات والمواقع اللي بتقدم خدمات زى دى هي مواقع غير صادقة والغرض من المواقع دى سرقة بياناتك واستخدامها وتقدر تقرأ المقالة دى علشان تعرف خطر استخدام المواقع اللي زى beb6 او beb6  (  كيفية حماية حسابك على الفيسبوك من الاختراق ) 


تعليقات المستخدمين في موقع beb6


  
If you want to HACK* any WIFI and get its password without apps - Go to google search and type→ beb6   then enter the first site - you will put the WiFi network name  . the password will appear.
beb6





طبعا صاحب الموقع علشان يضيف جزء من المصداقية كده قالك اما اعمل شوية تعليقات وصور وهمية واضيفها علشان الناس تطمن وتنفذ المطلوب منها وبيتهألي باين جدا ان التعليقات الموجودة في الموقع كلها Fake 

هل beb6 هكر ؟



جاتلنا كتير من الاسئلة بخصوص موقع beb6com ولكن اكتر سؤال كان بيتسئلنا هو هل موقع beb6 هكر وخليني اقولك ياصاحبي انه مش هكر ومايقدرش يخترق جهازك لكن يفضل انك ماتستخدمش نوعية المواقع دى من باب الامان والاحتياط 


مواقع اخري غير صادقة



في مواقع كتير كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم و دى كل المقالات اللي تم كتابتها عن المواقع دى 






وبس كده ياصحبي ده كل حاجة بخصووص موضوع النهاردة حقيقة موقع beb6 . ارجو انك بعد ماقرأت الموضوع وعرفت حقيقة معرفة باسورد أى واى فاى قريب منك  انك ماتصدقش الحاجات دى وماتمشيش وراها . لو استفدت من الموضوع ماتنساش تشيره مع صحابك يلا سلام .
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -