| خطير | احذر موقع iphonco ( حقيقة موقع iphonco.com لاستبدل هاتفك القديم بهاتف ايفون جديد ) iphonco

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم التقنية وهو عن موقع iphonco اللي انتشر مؤخرا على السوشيال ميديا وبنلاقيه في الفيسبوك على هيئة كومنت بيقول  : 


شركة ابل تقوم بإستبدال هاتفك القديم أياً كان نوعة بهاتف ايفون جديد🤩 مجانا √👌 اذا كنت تريد الحصول علي هاتف ايفون مجانا اكتب فى جوجل 🔎 iphonco 🔍وادخل الموقع الاول  ,, قم بملأ طلب وسيأتيك مندوب ابل بهاتف حتي باب المنزل ∞


ومن هنا بدأ التساؤولات حول  ما هو iphonco وهل فعلا تقدر تبدل هاتفك القديم بهاتف ايفون جديد  ؟
وبعد ماقام عدد من فريق موقع سكرين ميكس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة موقع iphonco لاستبدل هاتفك القديم بهاتف ايفون جديد 

في الاول ياصاحبي لو انت واحد من اللي خدوا الرسالة وحطوها في 15 كومنت فيؤسفنى اقولك انك كده خلاص مابقتش صاحبي . ليه تعمل كده ؟  صدقت فعلا انك تقدر تبدل موبايلك القديم بموبايل ايفون بسهولة كده ؟ ..  ياخسارة ياصاحبي حقيقي ياخسارة اتفضل ياباشا معايا اقولك حقيقية موقع iphonco


 
    
iphonco
iphonco




حقيقة موقع iphonco اربح ايفون


شرح كيفية استخدام موقع iphonco


موقع iphonco او iphonco.com  هو موقع من صفحة واحدة مبرمجة بطريقة بسيطة جدا اول مابتدخل عالموقع بتظهرلك رسالة بتقولك : استبدل هاتفك القديم بهاتف ايفون جديد وبعدها بيسألك ماو نوع هاتفك وبيديك اختيارات كالاتي : 

  • أبل
  • سامسونج
  • هواوي
  •  اوبو
  •  شاومي
  •  هونر
  •  ريلمي
  •  انفينكس
  •  نوكيا
  •  هاتف اخر

وبعد مابتختار نوع الهاتف بيقولك بعدها اختر لون هاتفك الجديد وبيدك اختيارات كالاتى : 

  • أخضر 
  • صنوبري 
  • فضي 
  • ذهبي 
  • رصاصي داكن 
  • أزرق سييرا

وبعد مابتختار اللون ياراجل ياطيب بيحولك على صفحة بيقولك فيها 


تبقى لك خطوة اخيرة للحصول علي هاتف ايفون 13 الجديد
(الخــطوة الاخيرة)
انسخ الرسالة الموجودة في الاسفل وانشرها فى 15 مكان مختلف على الفيسبوك ( جروبات - تعليقات - صفحات )
نسخ الرسالة
 شركة ابل تقوم بإستبدال هاتفك القديم أياً كان نوعة بهاتف ايفون جديد🤩 مجانا √👌 اذا كنت تريد الحصول علي هاتف ايفون مجانا اكتب فى جوجل 🔎 iphonco 🔍وادخل الموقع الاول  ,, قم بملأ طلب وسيأتيك مندوب ابل بهاتف حتي باب المنزل ∞ 
قم بالضغط على زر دعوة لدعوة 15 صديق علي تطبيق واتس اب


دعوة 

 

ولما بتضغط على كلمة دعوة بيظهرلك نافذة مكتوب فيها نعتزر لك - برجاء نشر الرسالة في 15 مكان مختلف على الفيسبوك او بدلا من ذلك قم بدعوة 15 صديق من الزر دعوة - لننقلك لصفحة التسجيل ولما بتضغط على كلمة دعوة بتلاقي حاجة من الاتنين اما بتلاقي ان مافيش حاجة حصل والاشعار بتاع انشر الرسالة في 15 جروب عمال يظهرلك او بتلاقي انه فتحلك اعلان والاعلان ده بيكون مصدر ربح الموقع لكن ياصديقي لن تستطيع استبدال هاتفك القديم بهاتف جديد وموقع iphonco هو موقع غير صادق 



هل موقع iphonco هكر ؟



جاتلنا كتير من الاسئلة بخصوص موقع iphonco ولكن اكتر سؤال كان بيتسئلنا هو هل موقع iphonco هكر وخليني اقولك ياصاحبي انه مش هكر ومايقدرش يخترق جهازك لكن دايما احنا بنحذر من عدم استخدام المواقع اللي زي  iphonco لحماية رقم موبايلك من الترويج لعروض CPA وسحب رصيد منك زى خدمات العاب اونلاين فودافون 

مواقع اخري غير صادقة



في مواقع كتير كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم و دى كل المقالات اللي تم كتابتها عن المواقع دى 







وبس كده ياصحبي ده كل حاجة بخصووص موضوع النهاردة حقيقة موقع iphonco . ارجو انك بعد ماقرأت الموضوع وعرفت حقيقة استبدل هاتفك القديم بهاتف ايفون جديد  انك ماتصدقش الحاجات دى وماتمشيش وراها . لو استفدت من الموضوع ماتنساش تشيره مع صحابك يلا سلام .
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -