| خطير | احذر موقع pubgg.ml ( حقيقة موقع pubgg.ml.com للحصول على مكافأة ببجي ) pubgg ml

STARK

اخر تحديث :

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم التقنية وهو عن موقع pubgg.ml اللي انتشر مؤخرا على السوشيال ميديا وعلى عكس كل المواقع اللي زيه كنا بنلاقيها منتشرة في التعليقات وفي البوستات زى كده :

لو عايز تهكر أى اكاونت على الفيسبوك بدون برامج ‾ افتح جوجل واكتب فى البحث bbx4 وادخل اول موقع يظهرلك ꜛ هتحط رابط الاكاونت اللى عايز تهكرة هيظهرلك الايميل والباسورد

لكن موقع pubgg.ml كان مختلف لان الترويج له تم من خلال جروبات فيسبوك ومن غير روابط ومن غير اى حاجة زي المواقع التانية بل الطريقة الوحيدة علشان توصل للموقع هو انك تكتب في بحث جوجل pubgg.ml او pubgg.ml.com وبعد ماقام عدد من فريق موقع سكرين ميكس اللي هو انا بس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة موقع pubgg.ml.com للحصول على مكافأة ببجي

واجهة موقع pubgg.ml.com

حقيقة موقع pubgg.ml

شرح كيفية استخدام موقع pubgg.ml

موقع pubgg.ml اوpubgg.ml.com او pubgg ml هو موقع من صفحة واحدة مبرمجة بطريقة بسيطة جدا اول مابتدخل عالموقع بيظهرلك تلات خانات بالشكل ده

والمقصود بيها هو عدد الاشخاص الاونلاين في الموقع وهو 388 شخص والعدد ده بيتغير طبعا كل شوية واخر تحديث بيكون بتاريخ اليوم والحالة اونلاين وطبعا مش محتاج اقولك ياصديقي العزيز ان الارقام دى وهمية ومش حقيقية بعدها هتلاقي مربع بيقولك فيه اضغط هنا - click here ولما تضغط عله هيحولك لصفحة بيقولك فيها

ضع id حسابك بالاسفل : .................
اختار نظام الهاتف الخاص بك ومديك اختيارين ( اندرويد - IOS )
اختار عدد ال UC وبيديك 4 اختيارات ( 3850 - 8100 - 12800 -16800 )

وطبعا بعد ماتملي البيانات هتلاقي مربع مكتوب فيه متابعة .. بس خلينى اقولك ياصاحبي ايا كانت البيانات اللي هتكتبها سواء بيانات صح او غلط فالموقع هيحولك لنفس الصفحة اللي مكتوب فيها : مطلوب التحقق من انه حسابك لحظة account verification is required

وبعد مايحمل شوية هيوديك على اهم صفحة واللي تعتبر رأس مال الموقع وطريقته الاساسية في الربح واللي هتلاقي مكتوب فيها :

الخطوة الأخيرة لإرسال لك مكافأتك أنقر فوق " تفعيل رقم الهاتف

the last step send reward is to click on "Activate phone number.

Time Left :

Few seconds...

تحقق رقم الهاتف

موقع pubgg.ml.com للحصول على مكافأة ببجي

ولما تضغط على تحقق رقم الهاتف هتظهرلك نافذة بالشكل اللي في الصورة ده

pubgg.ml

وهنا صاحب الموقع بيطلب منك بكل ووضح انك تكمل عرض او عرضين من عروض الـ CPA

المهم ياصاحبي انت بتدخل علي عرض من دول او عرضين هتلاقيه بيقولك ادخل رقمك وانت بكل حسن نية هتدخل رقمك علشان تاخد مكافأة ببجي لكن في الحقيقية ياصاحبي انت لما تدخل رقمك في عروض CPA فاللي بيحصل انك مابتاخدش اى هدايا او مكافأت واللي بيحصل ان بيتخصم كل يوم من رصيد موبايلك 5 ج او مايعادلها بعملة بلدك وترجع انت في الاخر تقول شركات الاتصالات حرامية وبتسرق الرصيد .. وبس ياصاحبي الموقع غير صادق ومانصحكش تجربه ابدا

هل pubgg.ml هكر ؟

جاتلنا كتير من الاسئلة بخوصوص موقع pubgg.ml ولكن اكتر سؤال كان بيتسئلنا هو هل موقع pubgg.ml هكر وخليني اقولك ياصاحبي انه مش هكر ومايقدرش يخترق جهازك ولكن يفضل حاول دايما تحمي نفسك وماتدخلش على المواقع اللي زي pubgg.ml.com لان جزء كبير جدا منهم ان ماكنش كلهم بيطلب منك تحط بياناتك زي رقم التليفون وبيتم استخدامهم في الترويج لعروض CPA ويسحب رصيد منك زى خدمات العاب اونلاين فودافون

مواقع اخري غير صادقة

في مواقع كتير كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم و دى كل المقالات اللي تم كتابتها عن المواقع دى

وبس كده ياصحبي ده كل حاجة بخصووص موضوع النهاردة حقيقة موقع pubgg.ml . ارجو انك بعد ماقرأت الموضوع وعرفت حقيقة موقع pubgg.ml.com للحصول على مكافأة ببجي انك ماتصدقش الحاجات دى وماتمشيش وراها . لو استفدت من الموضوع ماتنساش تشيره مع صحابك يلا سلام .

تعديل المقال

الأقسام هواتف واندرويد

مقالات قد تهمك

تعليقات

إرسال تعليق

أقسام الوصول السريع ( مربع البحث )