هواتف واندرويد
20

| خـطـيـر جدا | كشف حقيقة موقع 22yaa للواي فاي - 22yaa wifi

صورة
STARK
اخر تحديث :

22yaa

اللهم صل وسلم وبارك على سيدنا محمد وعلى آله وصحبه أجمعين وسلم تسليما كثيرا إلى يوم الدين ثم اما بعد صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم التقنية وهو عن موقع 22yaa اللي انتشر مؤخرا على السوشيال ميديا وبنلاقيه في الفيسبوك على هيئة كومنت بيقول  :    لو عايز تهكـر أى شبكة wifi وتسرق منها نت  . افتح جوجل واكتب فى البحث 22Yaa  هتدخل اول موقع يظهرلك فى البحث . هتحط اسم الشبكة هيظهرلك الباسورد ومن هنا بدأ التساؤولات حول  ما هو 22yaa وهل فعلا في حد يقدر يعرف باسورد اى شبكة واي فاي قريبة منه  ؟ وبعد ماقام عدد من فريق موقع سكرين ميكس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة موقع 22yaa لمعرفة باسور أى واى فاى قريب منك .. في الاول ياصاحبي لو انت واحد من اللي خدوا الرسالة وحطوها في 15 كومنت فيؤسفنى اقولك انك كده خلاص مابقتش صاحبي . ليه تعمل كده ؟ صدقت فعلا انك تقدر تعرف باسورد اي واي فاي بسهولة كده ؟ ..  ياخسارة ياصاحبي حقيقي ياخسارة بس ولايهمك انا سامحتك خلاص علشان الصحاب بيسامحوا بعض  تعالي معايا بقي اقولك حقيقية موقع 22yaa wifi

   
 
https://www.iscreenmix.com/2022/08/yaa22.html



ماهو موقع 22yaa ؟

موقع 22yaa او 22yaawifi او 22yaa free fire او 22 yaa  هو احدي مواقع معرفة باسورد الواي فاي وهو عبارة عن موقع من صفحة واحدة مبرمجة بطريقة بسيطة جدا واليك طريقة عمله

طريقة عمل موقع 22yaa

 اول مابتدخل عالموقع بتظهرلك رسالة بتقولك : الان يمكنك معرفة باسورد أى شبكة واى فاى قريب منك عن طريق موقعنا 22yaa.com


22yaa - 22 yaa - 22yaa.com
22yaa


ما هو نوع الشبكة ؟
  1. مخفية
  2. ظاهرة
وايا كان الاختيار اللي هتختاره هيحولك على صفحة تانية بيسألك فيها ويقولك ما مدى قوة الاشارة التى تظهرها الشبكة على هاتفك ؟
وبيديك 3 اختيارات

22yaa - wifi 22yaa- 22yaacom - موقع 22yaa
 22yaa wifi
  1. ضعيف
  2. متوسط
  3. قوي
وبغض النظر عن اختيارك فبعدها هيقولك اضغط هنا لكتابة اسم شبكـة الواى فاى التى تريد معرفة الباسـورد خاص بها
 ياصاحبي وسواء كتبت اسم الشبكة او ماكتبتش هتضغط على الخطوة التالية هتلاقيه بيقولك اضغط على الخطوة التالية ولما تضغط عليها هيحولك للصفحة المنشودة اللي مكتوب فيها

لو عايز تهكـر أى شبكة wifi وتسرق منها نت . افتح جوجل واكتب فى البحث 22yaaهتدخل اول موقع يظهرلك فى البحث . هتحط اسم الشبكة هيظهرلك الباسورد
22yaa


تهانينا لقد تم التعرف على كلمة السر الخاص بالشبكة
تبقى لك خطوة اخيرة
(الخــطوة الاخيرة)
انسخ الرسالة الموجودة في الاسفل وانشرها فى 15 تعليق فى الفيسبوك فى اماكن مختلفة -صفحات-جروبات
نسخ الرسالة
   لو عايز تهكـر أى شبكة wifi وتسرق منها نت  . افتح جوجل واكتب فى البحث 22Yaa  هتدخل اول موقع يظهرلك فى البحث . هتحط اسم الشبكة هيظهرلك الباسورد
قم بالضغط على زر اظهار كلمة السر علما بأن لن تظهر كلمة السر بدون نشر الرسالة فى التعليقات
↓↓↓↓
اضغط هنا للحصول على كلمة السر الان
↑↑↑↑
شارك برأيك في تعليق

 22yaa wifi

ولما بتضغط على ( اضغط هنا للحصول على كلمة السر الان ) بيظهرلك نافذة مكتوب فيها : كلمة السر :********   المعذرة , أنت لم تنشرالرسالة فى 15 مكان مختلف على الفيسبوك ، من فضلك أنشرها فى اماكن مختلفة وليس نفس المكان  لتظهر كلمة السر كاملة   وطبعا مهما تنشر في الرسالة وتدخل عالموقع عمرك ماهتعرف اي باسورد واي فاي لان باختصار موقع 22yaa كله عبارة عن نصب في الاول والاخر والغرض من الموقع هو الربح عن طريق اعلانات CPA لانه بعد فترة بيشيل الاشعار بتاع النافذة دى وبيحطلك مكانه اعلان CPA لما تضغط على كلمة اضغط هنا للحصول على كلمة السر الآن   ... خليني اقولك ياصاحبي وبكل ثقة انه حتي الان لايوجد على فيسبوك  مايسمي بمعرفة باسورد أى واى فاى قريب منك وكل التطبيقات والمواقع اللي بتقدم خدمات زى دى هي مواقع غير صادقة والغرض من المواقع دى سرقة بياناتك واستخدامها وتقدر تقرأ المقالة دى علشان تعرف خطر استخدام المواقع اللي زى 22yaa او 22yaa wifi  او 22 yaa (  كيفية حماية حسابك على الفيسبوك من الاختراق ) 

تعليقات المستخدمين في موقع 22yaa

طبعا صاحب موقع 22yaa علشان يضيف جزء من المصداقية كده قالك اما اعمل شوية تعليقات وصور وهمية واضيفها علشان الناس تطمن وتنفذ المطلوب منها وبيتهألي باين جدا ان التعليقات الموجودة في الموقع كلها Fake 

22yaa - yaa 22 - ya 2 - 22yaa wifi
22yaa

22yaa هكر

جاتلنا كتير من الاسئلة بخصوص موقع 22yaa ولكن اكتر سؤال كان بيتسئلنا هو هل موقع 22yaa هكر وخليني اقولك ياصاحبي انه مش هكر ومايقدرش يخترق جهازك لكن يفضل انك ماتستخدمش نوعية المواقع دى من باب الامان والاحتياط 

سبب انتشار موقع 22yaa

بطبيعة الحال الحاجة المجانية دايما بيبقا عليا اقبال اكتر من المدفوعة ودي النقطة اللي بيلعب عليها موقع 22yaa انه بيقولك لو عاوز تعرف باسورد الواي فاي ابحث في جوجل عن 22yaa wifi فانت بتبحث وبتدخل وبتتبع الخطوات وفي الاخر مابتاخدش حاجة فهي دى فكرة 22yaa انه بيلعب على عاطفة امتلاك الشيء بدون مقابل عند المستخدم ولكن في الحقيقة كل ده كلام فاضي لان مافيش حاجة بدون مقابل ياصاحبي والبرامج اللي بتخترق باسورد الواي فاي بتكون برامج مدفوعة ومش اى حد يقدر يستخدمها علشان كده مااتصدقش المواقع من نوعية 22yaa وماتخليش حد يضحك عليك وبس كده ياصحبي ده كل حاجة بخصووص موضوع النهاردة حقيقة موقع 22yaa  . 

مميزات وعيوب موقع 22yaa

صديقي العزيز موقع 22yaa ليس له اي مميزات او عيوب يعنى هو لا هيضرك ولا هينفعك لان في مواقع زميلة عاملة شرح للموقع وكاتبة كلام غير صادق عن ان 22yaa له مميزات وعيوب وبصراحة انا بعتبرهم مضللين اكتر من موقع 22yaa نفسه فانا بس حبيت أأكد عليك المعلومة ان 22yaa مالووووووش لازززززززمة

رابط موقع 22yaa

وطبعا بعد ماوصلت لنهاية المقالة تقدر تتأكد من كل كلمة قولتهالك وتدخل على موقع  22yaa ( من هنا ) ولو لقيت الرابط مش شغال يبقي الدومين انتهي 

فيديو توضيحي اثناء استخدام موقع 22yaa


الصفحة الرسمية لموقع 22yaa على الفيسبوك 

للوصول الي الصفحة الرسمية لموقع 22yaa على فيسبوك ← اضغط هنا 

مواقع اخري غير صادقة

في مواقع كتير كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم و دى كل المقالات اللي تم كتابتها عن المواقع دى 
وبس كده ياصحبي ده كل حاجة بخصووص موضوع النهاردة حقيقة موقع 22yaa . ارجو انك بعد ماقرأت الموضوع وعرفت حقيقة موقع 22yaa لمعرفة باسورد الواي فاي انك ماتصدقش الحاجات دى وماتمشيش وراها . ولو حبيت تشير الموضوع مع صحابك علشان تحذرهم هكون شاكر جدا يلا سلااااااااااااااااااااام
تعديل المقال
الأقسام

مقالات قد تهمك

تعليقات