صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم التقنية وهو عن موقع 4vdd اللي انتشر مؤخرا على السوشيال ميديا وبنلاقيه في الفيسبوك على هيئة كومنت بيقول : لو مفلس و محتاج كارت شحن ب ٢٠٠ جنية رصيد لأى شبكة ꟷ افتح جوجل واكتب فى البحث الكلمه دى 4vdd وادخل اول موقع ꟷ هتاخد كارت شحن مرة وحدة بس
ومن هنا بدأ التساؤولات حول ما هو 4vdd وهل فعلا في حد يقدر يعرف باسورد اى شبكة واي فاي قريبة منه ؟ وبعد ماقام عدد من فريق موقع سكرين ميكس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة موقع 4vddcom لشحن 200 ج رصيد لاي شبكة مجانا
في الاول ياصاحبي لو انت واحد من اللي خدوا الرسالة وحطوها في 15 كومنت فيؤسفنى اقولك انك كده خلاص مابقتش صاحبي . ليه تعمل كده ؟ صدقت فعلا انك تقدرتشحن 200 ج رصيد مجانا بسهولة كده ؟ .. ياخسارة ياصاحبي حقيقي ياخسارة بس ولايهمك انا سامحتك خلاص علشان الصحاب بيسامحوا بعض تعالي معايا بقي اقولك حقيقة موقع 4vdd وطريقة عمله
 |
| حقيقة موقع 4vdd لشحن 200 جنيه رصيد مجانا لاي شبكة |
حقيقة موقع 4vdd
شرح كيفية استخدام موقع 4vddcom
موقع 4vdd او 4vddcom او 4vdd@com او 4vdd.com هو موقع من صفحة واحدة مبرمجة بطريقة بسيطة جدا اول مابتدخل عالموقع بتظهرلك رسالة بتقولك : هل شحنت من موقعنا 4vdd من قبل ؟ وبيديك اختيارين
- نعم
- لا
وايا كان الاختيار اللي هتختاره هيحولك على صفحة تانية بيقولك فيها اختر الشبكة المستخدمة ؟ وبيديك 4 اختيارات
- فودافون
- اتصالات
- اورانج
- WE
و ايا كان اللي هتختاره هيقولك الشروط و الاحكام 4vdd : كارت شحن واحد فقط لكل خط - ويرجى عدم استخدام الموقع للشحن اكثر من مرة وهيديك اختيارين : موافق - لا اوافق وبرده بغض النظر عن اختيارك هيحولك لصفحة بيقولك فيها اضغط هنا للتأكيد انك لست روبوت ولما تضغط هتظهرك نافذة بيسألك فيها سؤال قال يعنى اختبار وكده وبيقولك ↓↓↓↓↓↓↓↓ الرجاء اكتب (مفرد كلمة بلاد) ↓↓↓↓↓↓↓↓ وبرده ايا كان اللي هتكتبه بعدها هتضغط على كلمة الخطوة التالية هتلاقي في عداد ثوانى بيعد من 5 لحد 0 وبعدها هيحولك على اخر صفحة اللي هتلاقي مكتوب فيها
تهانينا تم توليد كود الشحن 200ج جاهز للشحن
لم يتبقى لك سوى خطوة اخيرة يرجى تنفيذها لأستلام رقم كارت الشحن
(الخــطوة الاخيرة)
انسخ الرسالة الموجودة في الاسفل وانشرها فى 15 تعليق فى الفيسبوك فى اماكن مختلفة- تعليقات - صفحات - جروبات
نسخ الرسالة
بص يا معلم لو انت مفلس و محتاج كارت شحن ب ٢٠٠ جنية رصيد لأى شبكة ꟷ ابحث فى جوجل عن الكلمه دى4vdd وادخل اول موقع ꟷ هتاخد كارت شحن مرة وحدة بس
الرجاء بعد الإنتهاء من نشر الرسالة بنجاح اضغط على الحصول على رقم كود الشحن
الحصول على كود الشحن
ولما تضغط على كلمة الحصول على كود الشحن هتلاقي نافذة ظهرت مكتوب فيها كود الشحن هو : [4**3 5457 2335 9154] -------المعذرة الكود الشحن ناقص رقمين ولن تستطيع الشحن، أنت لم تنشر الرساله 15 مرة فى 10 مكان مختلف على الفيسبوك , يرجى نشرها فى اماكن مختلفة وليس نفس المكان للحصول على كود الشحن كامل
ولو جيت دوست تانى على كلمة الحصول على كود الشحن مرة كمان هتلاقيه حولك على اعلان او رابط موقع اخر وهو ده مصدر ربح الموقع انما هل فعلا تقدر تشحن 200 رصيد مجانا من خلال موقع vdd4 فالاجابة هي لا ياصاحبي لانه بااختصار موقع غير صادق وهدفه كله الربح من خلال عرض الاعلانات لما بتضغط على كلمة الحصول على كود الشحن . كمل معايا باقي المقالة للاخر علشان تعرف ازاى تحمي نفسك من المواقع اللي زى دى بعد كده
vdd4 لشحن 200 جنيه رصيد مجانا لاي شبكة
خليني اقولك ياصاحبي وبكل ثقة انه حتي الان لايوجد على فيسبوك مايسمي بشحن رصيد مجانا وكل التطبيقات والمواقع اللي بتقدم خدمات زى دى هي مواقع غير صادقة والغرض من المواقع دى سرقة بياناتك واستخدامها وتقدر تقرأ المقالة دى علشان تعرف خطر استخدام المواقع اللي زى 4vdd او 4vddcom ( كيفية حماية حسابك على الفيسبوك من الاختراق )
تعليقات المستخدمين في موقع 4vdd
 |
| 4vdd - vdd4.com - vdd4com - vdd 4 |
طبعا صاحب الموقع علشان يضيف جزء من المصداقية كده قالك اما اعمل شوية تعليقات وصور وهمية واضيفها علشان الناس تطمن وتنفذ المطلوب منها وبيتهألي باين جدا ان التعليقات الموجودة في الموقع كلها Fake
4vdd هكر
جاتلنا كتير من الاسئلة بخصوص موقع 4vdd ولكن اكتر سؤال كان بيتسئلنا هو هل موقع 4vdd هكر وخليني اقولك ياصاحبي انه مش هكر ومايقدرش يخترق جهازك لكن يفضل انك ماتستخدمش نوعية المواقع دى من باب الامان والاحتياط
مواقع اخري غير صادقة
في مواقع كتير كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم و دى كل المقالات اللي تم كتابتها عن المواقع دى
- حقيقة موقع bkk44
- حقيقة موقع gog6
- حقيقة موقع pubgg.ml
- حقيقة موقع kek3
- حقيقة موقع kk44
- حقيقة موقع bbx4
- حقيقة موقع yaa22
- حقيقة موقع vdd4
- حقيقة موقع hkr3
- حقيقة موقع beb6
- حقيقة موقع bbx22
- حقيقة موقع va66 لمعرفة مين زار بروفايلك
- حقيقة موقع mps70 لشحن جيجات مجانا
- حقيقة موقع cbb5 لقراءة رسائل واتساب
- حقيقة موقع hbb3 للحصول على m4 تلجي في ببجي
- حقيقة موقع rob7ak لربح ايفون 13 مجانا
- حقيقة موقع tbt3 لمعرفة مين زار بروفايلك
- حقيقة موقع nbb2 لقراءة رسائل الواتساب بدون علم صاحبها
- حقيقة موقع bbx3 لمعرفة مين زار بروفايلك
- حقيقة موقع cbb3 لقراءة رسائل الماسنجر
- حقيقة موقع mbb14 لشحن 200 لشحن 200 ج رصيد مجانا لكل الشبكات
- حقيقة موقع mbz3 لمعرفة باسورد اي واي فاي
- حقيقة موقع White Sands للربح من الانترنت
- حقيقة موقع Ai Marketing لربح الالاف الدولارات
- حقيقة موقع mbc55
- حقيقة موقع mbz 9 لمعرفة كلمة سر وايميل اي اكاونت
- حقيقة موقع bmb9 لمعرفة من زار بروفايلك
- حقيقة موقع vbb7 للحصول على 100 جيجا هدية
- حقيقة موقع mbc2020
- حقيقة موقع rob7ak لربح ايفون 12 برو ماكس مجانا
- حقيقة موقع mbc45
- حقيقة موقع mbc13 لمعرفة كلمة سر وايميل الفيسبوك
- حقيقة موقع mbc600
- حقيقة موقع mbc900
- حقيقة موقع freefire 2021.com
- حقيقة موقع biz4ap لمعرفة باسورد الواي فاي
وبس كده ياصحبي ده كل حاجة بخصووص موضوع النهاردة حقيقة موقع 4vdd. ارجو انك بعد ماقرأت الموضوع وعرفت اختبار مدي مصداقية موقع 4vdd للحصول على كارت شحن ب 200 جنيه انك ماتصدقش الحاجات دى وماتمشيش وراها . لو استفدت من الموضوع ماتنساش تشيره مع صحابك يلا سلام .