| خطيرجدا | احذر موقع kek3 ( حقيقة موقع kek3.com لمعرفة من زار بروفايلك ) kek 3

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم التقنية وهو عن موقع kek3 اللي انتشر مؤخرا على السوشيال ميديا وبنلاقيه في الفيسبوك على هيئة كومنت بيقول  :  عايز تعرف مين زار البروفايل بتاعك على الفيسبوك وبيراقبك  كل يوم ~ هتفتح جوجل وتكتب فى البحث KEK3 هتدخل اول موقع يظهرلك وتفعل الاشعارات ومن هنا بدأ الاستفسارات حول  ما هو kek3 وهل فعلا تقدر من خلاله تعرف مين زار بروفايلك ؟ وبعد ماقام عدد من فريق موقع سكرين ميكس  اللي هو انا بس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة موقع kek3.com لمعرفة مين زار بروفايلك




في البداية ياصاحبي لو انت واحد من اللي خدوا الرسالة وحطوها في 15 كومنت فيؤسفنى اقولك انك كده خلاص مابقتش صاحبي . ليه تعمل كده ؟  صدقت فعلا انك تقدر تعرف مين زار بروفايلك بالسهولة دى ؟ ..  ياخسارة ياصاحبي حقيقي ياخسارة بس ولايهمك انا سامحتك خلاص علشان الصحاب بيسامحوا بعض  تعالي معايا بقي اقولك حقيقية موقع kek3



  
كيف اعرف من زار حسابي تويتر كيف اعرف من دخل حسابي على الفيس بوك معرفة من شاهد الفيديو على الفيس بوك معرفة من زار حسابك تويتر
برنامج معرفة من زار بروفايلك


 



حقيقة موقع kek3com


شرح كيفية استخدام موقع kek 3


موقع kek3.com او kek3 او kek 3 او 3kek او kek 33  هو موقع من صفحة واحدة مبرمجة بطريقة بسيطة جدا اول مابتدخل عالموقع بتظهرلك رسالة بتقولك :الان يمكنك معرفة من زار بروفايلك بدون برامج وبطريقة مضمونه جدا وحصرية عن طريق موقعنا kek3.com المجانى وبيسألك سؤال بسيط 


كيف تعرفت علينا ؟ وبيديك 4 اختيارات

  1. فيسبوك
  2. واتساب
  3. جوجل
  4. الاصدقاء

وايا كان الاختيار اللي هتختاره هيحولك على صفحة تانية بيسألك فيها ويقولك ماذا تفضل ان يظهر لك فى الاشعارات ؟
  وبيديك 3 اختيارات



  1. اسم الزائر فقط
  2. اسم الزائر + وقت الزيارة
  3. اسم الزائر + وقت الزيارة + المدة التى قضاها في حسابك

وبغض النظر عن اختيارك فبعدها هيقولك اضغط هنا للتأكد انك انسان وليس ريبوت ولما تضغط هتظهرلك قايمة هيسألك فيها سؤال لطيف جدا وهو ( جمع كلمة بلد ) وصدقنى ايا كان اللي هتكتبه حتى لو كتبت محشي ورق عنب هيحولك على صفحة مكتوب فيها 

تهانينا لقد تم تفعيل التطبيق بنجاح
تبقى لك خطوة اخيرة وسيبدء ظهور الاشعارات عند دخول أى شخص لحسابك
(الخــطوة الاخيرة)
انسخ الرسالة الموجودة في الاسفل وانشرها فى 15 تعليق مختلف على الفيسبوك
نسخ الرسالة
 عايز تعرف مين زار البروفايل بتاعك على الفيسبوك وبيراقبك  كل يوم ~ هتفتح جوجل وتكتب فى البحث KEK3 هتدخل اول موقع يظهرلك وتفعل الاشعارات 
قم بالضغط على زر تفعيل الاشعارات علما بأن لن يتم ظهور الاشعارات بدون نشر الرسالة
↓↓↓↓↓↓↓↓
اضغط هنا لتفعيل الاشعارات الان
↑↑↑↑↑↑↑↑


موقع kek3 لمعرفة من زار بروفايلك


  ولما بتضغط على اضغط هنا لتفعيل الاشعارات الان يبيظهرلك اشعار بيقولك فيه  المعذرة، أنت لم تنشر الرسالة فى 15 تعليق مختلف على الفيسبوك ، من فضلك أنشرها فى اماكن مختلفة وليس نفس المكان لتفعيل الاشعارات الان وسواء نشرت الرسالة او لا المفروض انك لما بتضغط عليها تانى بيفتحلك اعلان CPA وهو ده مصدر ربح الموقع انما هل فعلا تقدر تعرف باسورد اي واى فاي قريب منك ؟ اكيد لا طبعا 


وصدقنى مهما تنشر في التعليق على مواقع التواصل الاجتماعي مش هتقدر تعرف مين زار بروفايلك وهتبقي بتضيع وقت عالفاضي لان ببساطة ياصديقي حتى الان لايوجد على فيسبوك بما يسمي بمعرفة من زار بروفايلك وموقع kek3 هو موقع غير صادق زيه زي كتير من المواقع وكل التطبيقات والمواقع اللي بتقدم خدمات زى دى هي مواقع غير صادقة والغرض من المواقع دى سرقة بياناتك واستخدامها وتقدر تقرأ المقالة دى علشان تعرف خطر استخدام المواقع اللي زى kek3  kek33 - kek3com  (  كيفية حماية حسابك على الفيسبوك من الاختراق ) 
 

تعليقات المستخدمين في موقع kek3 جوجل



kek3 - kek3.com - kek 3 - kek#3 - kkek3
التعليقات المزيفة على موقع kek3





طبعا صاحب الموقع علشان يضيف جزء من المصداقية كده قالك اما اعمل شوية تعليقات وصور وهمية واضيفها علشان الناس تطمن وتنفذ المطلوب منها وبيتهألي باين جدا ان التعليقات الموجودة في الموقع كلها Fake 

kek3 هكر


جاتلنا كتير من الاسئلة بخصوص موقع kek3 ولكن اكتر سؤال كان بيتسئلنا هو هل موقع KEK3 هكر وخليني اقولك ياصاحبي انه مش هكر ومايقدرش يخترق جهازك ولكن يفضل حاول دايما تحمي نفسك وماتدخلش على المواقع اللي زي KEK#3 لان جزء كبير جدا منهم ان ماكنش كلهم بيطلب منك تحط بياناتك زي رقم التليفون وبيتم استخدامهم في الترويج لعروض CPA ويسحب رصيد منك زى خدمات العاب اونلاين فودافون 



مواقع اخري غير صادقة



في مواقع كتير كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم و دى كل المقالات اللي تم كتابتها عن المواقع دى 







وبس كده ياصحبي ده كل حاجة بخصووص موضوع النهاردة حقيقة موقع kek3  . ارجو انك بعد ماقرأت الموضوع وعرفت حقيقة معرفة مين زار بروفايلك انك ماتصدقش الحاجات دى وماتمشيش وراها . لو استفدت من الموضوع ماتنساش تشيره مع صحابك يلا سلام .
تعليقات