| خطيرجدا | احذر موقع wifix23 ( حقيقة موقع wifix23.tech للواي فاي ) wifix 23

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم التقنية وهو عن موقع wifix 23 اللي انتشر مؤخرا على السوشيال ميديا وبنلاقيه في الفيسبوك على هيئة كومنت بيقول  :    اذا كنت تريد تهكير أى شبكة WIFi قريبة منك بدون برامج وتسرق منها نت _ اذهب الى جوجل واكتب فى البحث  wifix23.tech  ثم ادخل الموقع الاول - ثم ضع أسم الشبكة  يظهر لك الباسورد     ومن هنا بدأ التساؤولات حول  ما هو wifix23 وهل فعلا في حد يقدر يعرف باسورد اى شبكة واي فاي قريبة منه  ؟؟؟  وبعد ماقام عدد من فريق موقع سكرين ميكس بالبحث عن الموضوع وعمل التجارب اللازمة قررنا نكتبلكم المقالة دى علشان نوضح فيها حقيقة موقع wifix23 لمعرفة باسورد أى واى فاى قريب منك 



في الاول ياصاحبي لو انت واحد من اللي خدوا الرسالة وحطوها في 15 كومنت فيؤسفنى اقولك انك كده خلاص مابقتش صاحبي . ليه تعمل كده ؟ صدقت فعلا انك تقدر تعرف باسورد اي واي فاي بسهولة كده ؟ ..  ياخسارة ياصاحبي حقيقي ياخسارة بس ولايهمك انا سامحتك خلاص علشان الصحاب بيسامحوا بعض  تعالي معايا بقي اقولك حقيقية موقع wifix23.tech

 


 
اذا كنت تريد تهكير أى شبكة WIFi قريبة منك بدون برامج وتسرق منها نت _ اذهب الى جوجل واكتب فى البحث  wifix23.tech  ثم ادخل الموقع الاول - ثم ضع أسم الشبكة  يظهر لك الباسورد
wifix23.tech



wifix23 تنزيل 


شرح كيفية استخدام موقع wifix 23


موقع wifix23 او wifix 23 او  wifix23.tech او 23wifix او wifix23. tech هو موقع من صفحة واحدة مبرمجة بطريقة بسيطة جدا اول مابتدخل عالموقع بتظهرلك رسالة بتقولك : الان يمكنك معرفة باسورد أى شبكة واى فاى قريب منك عن طريق موقعنا wifix23.tech


ما هو نوع الشبكة ؟

  1. مخفية
  2. ظاهرة

وايا كان الاختيار اللي هتختاره هيحولك على صفحة تانية بيسألك فيها ويقولك ما مدى قوة الاشارة التى تظهرها الشبكة على هاتفك ؟
وبيديك 3 اختيارات

  1. ضعيف
  2. متوسط
  3. قوي

وبغض النظر عن اختيارك فبعدها هيقولك اضغط هنا لكتابة اسم شبكـة الواى فاى التى تريد معرفة الباسـورد خاص بها
 ياصاحبي وسواء كتبت اسم الشبكة او ماكتبتش هتضغط على الخطوة التالية هتلاقيه بيقولك اضغط على الخطوة التالية ولما تضغط عليها هيحولك للصفحة المنشودة اللي مكتوب فيها


تهانينا لقد تم التعرف على كلمة السر الخاص بالشبكة
تبقى لك خطوة اخيرة يرجى تنفيذها لكى تحصل على كلمة السر
(الخــطوة الاخيرة)
انسخ الرسالة الموجودة في الاسفل وانشرها فى 15 مكان مختلف على الفيسبوك ( جروبات - تعليقات - صفحات )
نسخ الرسالة
  اذا كنت تريد تهكير أى شبكة WIFi قريبة منك بدون برامج وتسرق منها نت _ اذهب الى جوجل واكتب فى البحث  wifix23.tech  ثم ادخل الموقع الاول - ثم ضع أسم الشبكة  يظهر لك الباسورد قم بالضغط على زر اظهار كلمة السر علما بأن لن تظهر كلمة السر بدون نشر الرسالة
↓↓↓↓↓↓↓↓
اضغط هنا للحصول على كلمة السر
↑↑↑↑↑↑↑↑

كلمة سر الواي فاي

ولما بتضغط على اضغط هنا للحصول على كلمة السر يبيظهرلك اشعار بيقولك فيه كلمة السر :3344**** المعذرة كلمة السر ناقصة , أنت لم تنشر الرسالة فى 15 مكان مختلف على الفيسبوك ، من فضلك أنشرها فى اماكان مختلفة وليس نفس المكان  لتظهر كلمة السر كاملة وسواء نشرت الرسالة او لا المفروض انك لما بتضغط عليها تانى بيفتحلك اعلان CPA وهو ده مصدر ربح الموقع انما هل فعلا تقدر تعرف باسورد اي واى فاي قريب منك ؟ اكيد لا طبعا خليني اقولك ياصاحبي وبكل ثقة انه حتي الان لايوجد على فيسبوك  مايسمي بمعرفة باسورد أى واى فاى قريب منك وكل التطبيقات والمواقع اللي بتقدم خدمات زى دى هي مواقع غير صادقة والغرض من المواقع دى سرقة بياناتك واستخدامها وتقدر تقرأ المقالة دى علشان تعرف خطر استخدام المواقع اللي زى wifix 23 او wifix23.tech (  كيفية حماية حسابك على الفيسبوك من الاختراق )


تعليقات المستخدمين في موقع wifix23

  
wifix23 - سرقة واي افي - معرفة باسورد الواي فاي
حقيقة موقع wifix23.tech للواي فاي


طبعا صاحب الموقع علشان يضيف جزء من المصداقية كده قالك اما اعمل شوية تعليقات وصور وهمية واضيفها علشان الناس تطمن وتنفذ المطلوب منها وبيتهألي باين جدا ان التعليقات الموجودة في الموقع كلها Fake 

wifix23 كيفية اختراق wifi من الهاتف



جاتلنا كتير من الاسئلة بخصوص موقع wifix23 ولكن اكتر سؤال كان بيتسئلنا هو هل موقع wifix23.tech هكر وخليني اقولك ياصاحبي انه مش هكر ومايقدرش يخترق جهازك لكن يفضل انك ماتستخدمش نوعية المواقع دى من باب الامان والاحتياط 


مواقع اخري غير صادقة



في مواقع كتير كلهم بيقدموا نفس الفكرة وهي فكرة النصب والاحتيال على المستخدم علشان كده احنا كتبنا مقالة عن كل موقع من المواقع دى علشان نحذر الناس منهم و دى كل المقالات اللي تم كتابتها عن المواقع دى 





وبس كده ياصحبي ده كل حاجة بخصووص موضوع النهاردة حقيقة موقع wifix23.tech . ارجو انك بعد ماقرأت الموضوع وعرفت حقيقة معرفة باسورد أى واى فاى قريب منك  انك ماتصدقش الحاجات دى وماتمشيش وراها . لو استفدت من الموضوع ماتنساش تشيره مع صحابك يلا سلام .
تعليقات