جوجل بارد
اللهم صلى وسلم وبارك على سيدنا محمد وعلى آله وصحبه أجمعين وسلم تسليما كثيرا إلى يوم الدين . ثم اما بعد
صديقي العزيز متابع موقع سكرين ميكس صباح او مساء الخير حسب الوقت اللي بتقرأ فيه المقالة . ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك بموضوع جديد من مواضيع قسم التقنية . وموضوع النهاردة هو ترند بقاله اسبوع في مصر وفي دول كتير والناس كلها بتتكلم عنه وبتقول انه هيعمل ثورة في مجالات كتير على الانترنت وفي الواقع كمان بسبب الحاجات الكتيرة اللي بيقدر يقدمها . باختصار ياصديقي العزيز موضوع النهاردة هيكون شرح كل شيء عن جوجل بارد bard ai google اداة الذكاء الاصطناعي الجديدة من جوجل وخلينى ابدأ معاك بتعريف بسيط عن الذكاء الاصطناعي وبعدها اقولك ماهو جوجل بارد وكل المعلومات المتاحة عنه حتي الان
 |
| bard ai google |
معنى اختصار ai ؟
ماهو الذكاء الاصطناعي ؟
ابسط تعريف للذكاء الاصطناعي علشان تفهمه بسرعة هو انه عبارة عن محاكاة للعقل البشري في تنفيذ المهام وتقليد البشر في افعالهم والمحاكاة دى بتتم من خلال مجموعة من البيانات اللي بيتم ادخالها للالات عن طريق اكواد برمجية ومن اشهر صور الذكاء الاصطناعي هو الروبوت الشبيه بالانسان واللي بيقدر ينفذ كل المهام اللي بيقوم بها الانسان بشكل ادق وبذكاء فائق وبدون اخطاءوبعد ماعرفنا ايه هو الذكاء الاصطناعي خلينا نتعرف على احد امثلة الذكاء الاصطناعي وهي روبوتات المحادثة او الدردشة واللي بتكون عبارة عن روبوتات كل وظيفتها انها تكلم البشر وتحل مشاكلهم من خلال محادثة صوتية او كتابية واحد اشكال الروبوتات دى هو bard ai google ويلا بينا نتعرف اكتر علي جوجل بارد اداة الذكاء الاصطناعي الجديدة من جوجل
ماهو جوجل بارد ( google bard )
بارد جوجل ( bard ai google ) عبارة عن روبوت محادثة مقدم من شركة جوجل الغنية عن التعريف واللي بقالها فترة كبيرة بتحاول تطوير الذكاء الاصطناعي الخاص بيها .. والروبوت ده بتتلخص وظيفته في ان هو قادر يجاوبك على اي سؤال تسأله بجودة عالية في كل مجالات الحياة سواء كان صناعة , زراعة , طب , هندسة , الخ... اي سؤال يخطر على بالك الروبوت ده هيكون عنده اجابته وفي ثوانى بسيطة الجدير بالذكر أن جوجل بارد Google Bard شغال بواسطة تقنية LaMDA ، وهي عبارة عن نموذج لغوي تم تدريبه على الحوار واطلقته جوجل بشكل فعلي في مايو عام 2021. طب هل الروبوت ده بفلوس ولا مجانى ؟
متى سيتم اطلاق جوجل بارد ( bard ai google )
حتي وقت كتابة المقالة دى بتاريخ 9/2/2023 مافيش اخبار عن موعد اطلاق جوجل بارد بشكل رسمي الا ان كل الاخبار الحالية عبارة عن توقعات . وحاليا خدمة جوجل بارد مازالت تحت التطوير والاختبارات من مجموعة من امهر مهندسي الذكاء الاصطناعي العاملين بجوجل ولكن في اشاعات بتقول انه هيكون جاهز للاطلاق في 1/3/2023 طب هل هيبقي مجانى ولا مدفوع ؟
هل جوجل بارد ( bard جوجل ) مجانى ؟
حتي الان مافيش معلومة مؤكدة اذا كان جوجل بارد مجانى او مدفوع ولكن كعادة جوجل بتقدم خدمات كتير بشكل مجانى فأغلب الظن انه هيكون مجانى مع تحديد بعض الخصائص المدفوعة
هل bard جوجل منافس لـ شات جي بي تي
شات جي بي تي هو الروبوت الخاص بشركة مايكروسوفت اللي اطلقته في بداية عام 2023 ولو حابب تعرف اكتر عن chatgpt وازاى تنشيء حساب عليه فتقدر تقرأ المقالة دى ( انشاء حساب على شات جي بي تي والربح منه ) المهم بقي لما مايكروسوفت عملت الطفرة دى جوجل تسكت ؟ لا طبعا قالتلها انتى عندك شات جي بي تي انا عندى بارد وهنا تبدأ معركة الذكاء الاصطناعي اللي هتسبب طفرة وتطور كبير وهتكون سبب ان بعض الوظائف هتبدأ تختفي بالتدريجي زي كاتب المحتوي الرقمي زيي كده اللي هما اصحاب المواقع على الانترنت لان اي حد هيبقي عاوز يعرف اي معلومة مش هيدخل على موقع ولا هيبحث في جوجل لا .. هيدخل على اى اداة من الادوات دى ويبدأ يسألها وهي هتجاوبه في اقل من ثانية
مصدر معلومات google bard ( غوغل بارد )
على عكس شات جي بي تي اللي مصدر معلوماته من قاعدة بيانات محرك البحث Bing وحاليا قيد التطوير الا ان الاخبار بتقول ان جوجل بارد هيكون ذكاء اصطناعي مطور بشكل كبير مصدر معلوماته من الويب بأحدث التواريخ وهيكون له القدرة على تلخيص وتبسيط ومعالجة المعلومة قبل تقديمها لصاحب السؤال