ترند الكمثري
صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده انت كمان وحشتنى علشان كده رجعتلك النهاردة بموضوع جديد من مواضيع قسم الترندات وترند النهاردة بتاريخ 30/4 بس انا نزلته متأخر شوية بتاريخ 5/1 بسبب ظروف تقنية عموما هو لسه شغال عادى والناس بتزيط فيه .. وترند النهاردة ياصاحبي هو ترند الكمثري المنتشر عالميا على مواقع السوشيال ميديا طب ايه هو ترند الكمثرى؟ وبدأ امتي وفين ؟ وليه الناس بتستخدمه ؟ ....... ماتيجي نشوف !
 |
| ماهو ترند الكمثري |
ماهو ترند ايموشن الكمثرى ؟
ترند الكمثرى ياصديقي هو عبارة عن استخدام ايموشن الكمثري اللي هو ده ( 🍐 ) في الـ Bio اللي هي ( السيرة الذاتية بتاعتك على السوشيال ميديا ) علشان تعرف الناس انك مش مرتبط او متزوج ( اعزب = سنجل ) وكعادة اي تريند لاقيت ناس كتير على السوشيال ميديا غيرو البايو بتاعهم وحطوا كمثري . حتى انا عملت كده ياصحبي ^_^ طب امتى ظهر ترند الكمثري وظهر فين وايه الهدف منه ؟
 |
| شكل ترند الكمثري |
متى ظهر ترند الكمثري ؟
زيه زي اى تردن بيطلع من العدم . ترند الكمثري ظهر من فترة قريبة في الولايات المتحدة الامريكية والمملكة المتحدة وألمانيا وكندا وأستراليا وعلى ماوصلنا وصل للوطن العربي وصل يوم 30/4/2023 وبدأنا فعليا في استخدامه طب ايه رأي الناس في ترند الكمثري ؟
ماهو رأى الناس في ترند الكمثرى ؟
في ناس كتير شايفة ان ترند الكمثري مالوش لازمة ودي حاجة تافهة وناس تانية شايفة ان حاجة مهمة جدا لانها تعتبر فرصة لو بتكراش على حد تعرف اذا كان الشخص ده مرتبط او لا ولو مش عارف يعنى ايه بتكراش ادخل هنا هتعرف ( معنى كلمة كراش )
وبس كده ياصاحبي ده كان كل حاجة بخصوص ترند الكمثري لو عجبك الموضوع ماتنساش تشيره مع صحابك واحلي كمثري عليك ياصاحبي يلا سلاااااااااااااام