تطبيق ثريدز
اللهم صل وسلم وبارك على سيدنا محمد وعلى آله وصحبه أجمعين وسلم تسليما كثيرا إلى يوم الدين ثم اما بعد ، صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم التقنية وموضوعنا النهاردة عن تطبيق ثريدز( threads an instagram app ) المنافس الشس الجديد لتويتر والمقدم من مؤسس شركة ميتا ( فيسبوك سابقا ) استاذنا الكبير مارك زوكربيرغ اللي جاب استاذ ايلون ماسك في شوال . ودلوقتى ياصاحبي جه الوقت اللي تعرف فيه ماهو تطبيق ثريدز وايه مميزاع وعيوب تطبيق ثريدز وايه الفرق بينه تطبيق ثريدز وتطبيق تويتر وليه تم انشاء تطبيق ثريدز من الاساس وهل هيحصل علي شعبية في السنين الجاية ولا لا .
.webp "منافس تويتر الجديد") |
| تطبيق ثريدز |
ماهو تطبيق ثريدز؟ ( threads app )
تطبيق ثريدز هو عبارة عن تطبيق للتواصل الاجتماعي ويعتبر احد تطبيقات شركة ميتا ( فيسبوك سابقا ) وبيعتمد threads بشكل اساسي على مشاركة التدوينات القصيرة او التغريدات القصيرة وده علشان يكون منافس لتويتر وبيشتغل التطبيق عن طريق الربط بتطبيق انستجرام ... يعنى علشان تسجل دخول على ميتا لازم يكون عندك حساب على انستجرام .. بعد مابتحمل التطبيق بيطلب منك ادخال البريد الالكتروني او اسم المستخدم او رقم التليفون لحساب انستجرام وبعدها ادخال الرقم السري ومبروك بقيت مستخدم في تطبيق ثريدز طب ايه السبب في انشاء تطبيق ثريدز من مارك زوكربيرغ مؤسس شركة ميتا
سبب انشاء تطبيق ثريدز؟ ( threads an instagram app )
 |
| ايلون ماسك ومارك زوكربيرغ |
طبعا كلنا عارفين مدي منافسة منصات التواصل الاجتماعي زي فيسبوك وتويتر وغيرهم علي جذب المستخدم اللي هو انا وانت ياصاحبي واللي بيعتبرونا مجرد سلعة و ارقام عاوزينها تقضي اكبر قدر ممكن من الوقت على تطبيقاتهم علشان يعلوا من سعر الاعلانات عليها ويعلوا من سعر الاسهم بتاعتهم فالسوق فبطبيعة الحال كان لازم يظهر تطبيق جديد من من مارك زوكربيرغ مؤسس فيسبوك علشان ينافس بيه ايلون ماسك صاحب تويتر وكمان بسبب السياسات والشروط الصارمة اللي وضعها تويتر مؤخرا وحذف بعض التغريدات والحسابات لاشخاص اصحاب سلطة في العالم وده طبعا بعد استحواذ ايلون ماسك عليه بمبلغ 44 مليار دولار فطبعا ده كان وقت مناسب انه مارك زوكربيرغ يعمل تطبيق علشان يستحوذ على اكبر قدر من المستخدمين ويقضي على تويتر وصاحبه ايلون ماسك لان زي ما حنا عارفين ان مافيش عمار بين ايلون ومارك وبعد ماعرفت سبب انشاء تطبيق ثريدز تعالي بقي اقولك مميزات وعيوب تطبيق ثريدز
مميزات وعيوب تطبيق ثريدز
مميزات تطبيق ثريدز :-
- اعتماد التطبيق على مبدأ التخرين اللامركزي تحت بروتوكول Activity Pub واللي بيوزع البيانات على عدد من الخوادم بدل من تخزينهم في خادم واحد
- بديل جيد لتويتر خصوصا بعد سياسات تويتر في الفترة الاخيرة
- الخصوصية والحماية والآمان والحفاظ على البيانات على حد قولهم ( طبعا ماتصدقهمش انت مجرد سلعة زي ماتفقنا ) يعنى لا في خصوصية ولا حاجة
- وجود التطبيق مجانا على جميع المتاجر الالكترونية وصلاحيته للعمل على جميعه انظمة التشغيل زي اندرويد و IOS وغيرهم
عيوب تطبيق ثريدز
- حتي تاريخ كتابة المقالة دي الخميس الموافق 6 يوليو من عام 2023 مافيش اي عيوب ظاهرة مع المستخدمين حتي الآن لان التطبيق نازل من يوم واحد بس وفي حالة ظهور اي عيوب هيتم تحديث المقالة وذكرها ودلوقتي تعالوا نعرف ايه الفرق بين تطبيق تويتر وتطبيق ثريدز.
الفرق بين تطبيق تويتر وثريدز
حتي الان لسه مافيش فروق كبيرة ظاهرة بين تطبيق ثريدز وتويتر من حيث الشكل خصوصا ان الصفحة الرئيسية في تويتر تشبه بشكل كبير الصفحة الرئيسية في ثريدز الان ان في اختلاف واضح في الصفحة الشخصية ( البروفايل ) في تطبيق ثريدز عن تويتر ... بروفايل تويتر نسخة طبق الاصل من بروفايل انستجرام وده طبيعي لان ثريدز مشتق من انستجرام ولسه مع الوقت والاستخدام والتطوير هنقدر نحكم بشكل افضل على الفروقات بينهم خصوصا ان دي لسه اول نسخة من ثريدز
معلومات عن تطبيق ثريدز
 |
| مصدر المعلومات " ويكيبيديا " |
بعد استحواذ إيلون ماسك على تويتر بمبلغ 44 مليار في يناير 2022 . اجتمع مجموعة من الموظفين في شركة ميتا وناقشوا فكرة توسيع ميزة جديدة الي تطبيق انستجرام تحت مسمي ( ملاحظات إنستغرام ) وهي عبارة عن ميزة قائمة على النصوص بعدين ناقشوا فكرة انشاء تطبيق منفصل بيركز على النصوص اللي هو كان تطبيق ثريدز وبدأوا تطويره في يناير 2023، تحت مسمي ( مشروع 92 ) . ثم نم الكشف عن معلومات الأولى حول "ثريدز" في مارس، ونشرت مجلة ذا فيرج تفاصيل اجتماع داخلي للشركة في يونيو. ثم ظهرت تفاصيل أخرى حول "ثريدز" في يوليو، بعدين قامت شركة ميتا بلاتفورمز بنشر التطبيق في متجر تطبيقات آبل في 3 يوليو مع تاريخ الإصدار المحدد تم إطلاق "ثريدز" رسميًا في 5 يوليو في 100 دولة، باستثناء الاتحاد الأوروبي.
تحميل تطبيق ثريدز
