صباح او مساء الخير حسب الوقت اللي بتقرأ فيه الموضوع ، بص ياصاحبي بما انك دخلت على الموضوع ده فـ انت اكيد بتدور على خلفيات واتس اب جديدة لموبايلك وده لانك شخص جامد زوحليقة وانا علشان راجل جدع وانت عارف ان انا جدع هوفرلك في الموضوع ده اجمل خلفيات واتس اب ممكن تشوفها وده لان اهم حاجة عندنا هي عين العميل وراحة عين العميل . احنا عنينا للعميل
علشان كده ف المقال ده هقولك على افضل مواقع وتطبيقات تجيب منها خلفيات واتس اب بجودات تبدأ من HD وحتى 4K واهم حاجة في خلفيات الواتس اب دى تكون الوانها هادية ومريحة للعين والقلب وده لان ان اهم حاجة عندنا هي عين العميل وقلب العميل
 |
| خلفيات واتساب 2022 |
خلفيات واتس اب جديدة
- اول موقع معانا ياصاحبي هو موقع اسمه Set As Wall حاجة عظمة كده من اللي قلبك يحبها هتلاقي عليه خلفيات واتس اب بـ الوان هادية وسيمبل ومريحة للعين جدا وبتناسب الناس اللي بيستخدموا دارك مود اكتر . ببساطة بتدخل عالموقع وبتختار الخلفية اللي تعجبك وتعملها Save وبس كده . تقدر تدخل الموقع ( من هنا )
- تانى موقع تقدر تحمل منه خلفيات واتس اب جديدة هو موقع اسمه WallPaper Acces وده بقي لو انت من الناس اللي بتحب الخلفيات المطرقعة والالوان الروشة ونفس الفكرة بتختار الخلفية اللي تعجبك وتعملها Save بكل بساطة وتقدر تدخل للموقع ( من هنا )
- تالت موقع معانا في العظمة دى هو موقع اسمه Tarfoos وده بقي ميكس بين الموقع الاول والتانى يعنى بيديك خلفيات واتس اب هادية وروشة في نفس الوقت وانت تختار وتقدر تدخل عليه ( من هنا )
- رابع موقع معانا ويعتبر افضلهم هو موقع Un splash وده بقي اغلب خلفياته عبارة عن مناظر طبيعية يعنى شلالات وجبال وتلال وسماء ونجوم وكده وتقدر تدخله ( من هنا )
- طبعا هتقولي انا مش عاوز مواقع وعاوز تطبيق احمل منه خلفيات واتس اب . هقولك عنيا ياصاحبي عارف ليه ؟ لان اهم حاجة عندنا راحة العميل علشان كده تقدر تحمل اجدد خلفيات واتس اب 2021 من تطبيق WhatsApp Wallpaper اللي تقدر تحمله ( من هنا )
طيب دى الخلفيات .. تغيرهم ازاى بقي ؟
طريقة تغيير خلفية الواتس اب
ورقة وقلم واكتب معايا هتفتح الواتساب > خيارات إضافية > الإعدادات > الدردشات > خلفية الشاشة وتختار الصورة اللي انت عاوزها ومبروك عليك
طيب هتقولي عاوز انا زهقت من الخلفيات وعاوز ارجع خفلية واتس اب الاصلية هقولك بسيطة .. هتمشي على نفس الخطوات وتعمل ازالة للخلفية اللي انت حاططها
طيب حلو اوى الكلام ده . طب افرض مثلا انت شخص بتحب خلفية واتس اب الاصلية وعاوز تستخدمها في اى ابليكيشن تانى . هقولك سهلة واختها مش مستاهلة
خلفية واتس اب الاصلية
تقدر تحمل خلفية واتس اب الاصلية بجودة 4K بدون بكسلة من خلال الموقع ده ( اضغط هنا لتحميل خلفية واتس اب الاصلية )
وبس كده ياصاحبي ده كان موضوعنا النهاردة بخصوص خلفيات الواتس اب . ولحد هنا انا خلصت دوري بس انت لسه ماخلصتش عارف ليه ياصاحبي لانك هتشد الحزام دلوقتى علشان هناخد جولة سريعة كده في قسم الواتساب هتلاقي فيه مواضيع عن خلفيات واتساب وستيكرز واتساب وهتلاقي عندك الواتس الازرق لو انت من محبين الواتس اللي فيه فيتشرز كتير وكمان هتلاقي ستيكرز واتساب رمضان ومواضيع كتير كمان وبس كده ياسيدى ده كان كل حاجة بخصوص موضوعنا النهاردة
ملحوظة هو اسمه واتساب مش واتس اب بس اغلب الناس بتكتب واتس اب علشان كده احنا كتبنا الموضوع بالصيغة اللي بيحبها الفانز لان احنا عنينا للفانز
- الكلمات المفتاحية المستخدمة في كتابة الموضوع : واتس اب - خلفيات واتس اب - خلفيه واتس اب - خلفيات واتس اب جديدة - خلفيات واتس اب 2023