معنى gap ( المعنى الحقيقي لماركة gap ) تيشرتات gap

في يوم من الايام في وقت من الاوقات في فترة من الفترات كنت قاعد مع واحد صاحبي وكنت لابس تيشرت ماركة gap واحنا قاعدين بنتكلم لقيت مرة واحدة صاحبي بيقولي ايه ده ! انت ليه لابس تيشرت ماركة gap فقولتله ايه المشكلة ياصاحبي ده براند كبير ومحترم قالي لا ياعم حرام ماتلبسش التيشرت ده تانى . ومن هنا بدأت رحلة البحث في الشبكة العنبكوتية عن معنى كلمة gap وعرفت معناها 

وانا جايلك النهاردة ياصاحبي علشان اقولك المعنى الحقيقي لماركة gap والمعنى الخاطىء المنتشر عنها بس قبل ماقولك معنى gap حابب اقترح عليك تاخد جولة سريعة في قسم المعانى في الموقع عندنا هتلاقي فيه معانى لكلمات غريبة منتشرة على السوشيال ميديا زي نرم و ري  و ليم و ظظ و لول و سيمب  وغيرهم كتير المهم علشان طولت عليك تعالي بقي اقولك يعنى ايه gap 

معنى ماركة gap

ترجمة كلمة gap على جوجل 

ترجمة كلمة gap على جوجل 

لو جيت تترجم كلمة gap على جوجل هيجيبلك ان معناها فجوة او فراغ بس مش ده المقصود خالص بمعنى gap الحقيقي .

 قبل ماقولك معنى gap الحقيقي والمفهوم الخاطيء لازم تعرف في الاول ان gap دى براند ملابس عالمي تيشرتات بينتج تيشرتات واكسسورات وحاجات تانية كتير تعالي ناخد جولة سريعة في تاريخ نشأة ماركة gap 

نشأة  ماركة gap 

شركة جاب (بالإنجليزية: GAP)‏ تتواجد مجموعة أسواق الجاب الأمريكية للملابس والإكسسوارات في مدينة سان فرانسيسكو بولاية كاليفورنيا الأمريكية. أسست هذه المجموعة في عام 1969 على يد كل من دونالد فيشر ودوريس فيشر، وتمتلك الشركة خمسة توكيلات رئيسية وهي Old Navy و Banana Republic و Piperlime وAthleta و Gap Banner.

 واعتباراً من سبتمبر عام 2008 فإن شركة الجاب تمتلك حوالي مائة وخمسين ألف موظف وتدير 3.456 متجر حول العالم. وتظل الغاب هي الأسواق الأضخم في مجال الملابس الاحترافية في الولايات المتحدة الأمريكية . 

وبعد ماعرفنا نشأة ماركة gap تعالي بقي اقولك ايه المعنى الحقيقي لماركة gap وايه المفهوم الخاطيء المنتشر عنها 

سبب تسمية ماركة gap بهذا الاسم  

طبعا زى ماوضحنا في الاول ان gap معناها فجوة وان شركة gap شركة ملابس تم تأسيسها عام 1969 .

وشعار GAP كان المقصود بيه سد الفجوة بين الاجيال في الملابس , بمعنى ان الشركة هدفها الاول والاخير هو تصميم تيشرتات يلبسها شاب في العشرينات وفي نفس الوقت رجل في الستينات وبكده تقدر تسد الفجوة بين الاجيال وفعلا قدروا يعملوا كده وده تقدر تعرفه من ارقام مبيعاتهم من بداية ظهورهم في اواخر الستينات ولحد دلوقتى . طب ايه بقي المفهوم الخاطيء لمعنى gap ؟ 

المفهوم الخاطيء لمعنى gap 

انتشر في وقت من الاوقات حملة لتشويه شركة gap عن طريق اصدار اشاعات ان معني gap الموجودة على التيشرتات هو ( Gay And Proud ) واللي بتترجم حرفيا الى ( مثلي وافتخر ) والمقصود بمثلي هنا هو مرض المثلية الجنسية وتقدر تبحث عنه على جوجل وتعرف معلومات اكتر . 

صورة لتيشرتات gap 

تيشرتات gap 

وبس كده ياصاحبي ده كل حاجة بخصوص موضوع النهاردة ( معنى كلمة GAP ) انا كده خلصت . بس انت لسه ماخلصتش . 

شد حزامك واستعد علشان هناخد جولة في قسم المعانى دلوقتى . جاهز ؟ .. يلا بينا 

ملحوظة :- 

تم الاستعانة في كتابة هذا الموضوع بـ موسوعة ويكيبيديا في الفقرة الخاصة بنشأة شركة GAP  .

تعديل المقال