معنى لول - معنى كلمة lol - معنى كلمة لول

الصفحة الرئيسية
 صباح او مساء الخير حسب الوقت اللي بتقرأ فيه الموضوع . بعد غياب طويل رجعنالكم النهاردة في درس جديد من دروس قسم | يعنى ايه | ،  درس النهاردة هيكون عن  معنى كلمة lol اللي كان بداية ظهورها على الفيسبوك سنة 2010 وعلى شات الياهو 2007 ولكن مؤخرا انتشرت بشكل مبالغ فيه في التعليقات وفي الكابشن عالصور وبتشوفها دايما في الشكل ده :
  • ههه لول ياسطي
  • hhh lol
  • lol  
طيب ايه معنى كلمة لول دى وهل هي حرام فعلا زى مابعض الناس قالت ؟ كل ده هنوضحه النهاردة معاكم .
 
معنى لول - معنى كلمة lol
معنى لول





معنى كلمة Lol


كلمة lol ياصديقي العزيز هي اختصار لكلمة Laughing Out Loud اللي بيتم ترجمتها حرفيا الي يضحك بصوت عالي  يعنى لما حد يقولك ههه لول المقصود بيها انه بيضحك على الكلام وطبعا ممكن تيجي بصيغة ضحك فعلا او بصيغة تهكم وسخرية على الكلام 

مثال بسيط على معنى كلمة lol

لو حد قال نكتة بايخة وانت حابب تبان روش وترخم عليه هتقوله ههه لول ياسطى ! اللي هي بتساوى هههه هموت ( كنوع من السخرية على كلامه ) 

مثال تانى على كلمة لول 

لو حد قال نكتة حلوة وانت حابب تبان روش برده هتقوله ههه لول ياسطى ( ايشا هاذا والله نفس معنى المثال الاول ^_^ ) المهم يعنى هو كله بالنية 

وبس كده ياسيدى ده كان معنى كلمة لول اللي انت بتشوفها على الفيسبوك بس الاخوة المحنكين يسكتوا ؟ لا طبعا .. بعض الناس قالت ان لول معناها lucifer our lord والعياذ بالله معناها ( ربنا الشيطان ) استغفر الله العظيم . تعالي الله عن ذلك علوا كبيرا . 
وبأكد تانى ان معنى كلمة lol هو Laughing Out Loud واحنا وضحناه وشرحناه اى حاجة تانية هي عبارة عن هبد وتحنيك 

مش عارف يعنى ايه تحنيك ؟ طب ايه رأيك تدخل :  هنا   اة ياصاحبي نسيت اقولك في لعبة اسمها League of Legends دى برده بيتقال عليها Lol بس ده مش موضوعنا انا حبيت اقولك بس علشان لو شوفتها 


google-playkhamsatmostaqltradent