معنى كلمة ايجو المنتشرة على السوشيال ميديا ( يعنى ايه ايجو ) معنى ego

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى كلمة ego بالعربي ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى واللي هتلاقي فيه معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و توكسيك وغيرها كتير من المعانى فبنصحك بعد ماتعرف يعنى ايه ايجو تدخل قسم المعانى وتقرأ فيه شوية المهم علشان ماطولش عليك يلا بينا نعرف معنى كلمة ايجو 


معنى ego بالعربي - معنى كلمة ego - معنى ايجو - اسم ايجو
معنى ego بالانجليزي

تعريف الـ EGO في علم النفس 


بحسب علماء النفس فإن «الإيجو» (EGO) هو الجزء من شخصيتنا المكلف بمهمة تحقيق التوازن بين الوعي بأنفسنا والجهل بمكامن النفس. وفي حين أن «الأنا» هو الذات الحقيقية، فإن «الإيجو» هو «الأنا» أو الذات المزيفة. والمقصود هنا مش «الأنا» الحقيقية للشخص (اسمه وعمله ومركزه) ،لا المقصود هنا  ( الأنا ) المزيفة المرتفعة المتضخمة والمغلوطة عن أنفسنا ولو حابب تعرف كتر عن الايجو بشكل علمي ونفسي تقدر تراجع موسوعة ويكيبيدا من هنا ( ماهو الايجو ) اما موضوعنا النهاردة فهو بخصوص معنى الايجو على السوشيال ميديا .



معنى كلمة ايجو على تويتر

الايجو ياصديقي العزيز هو الكبرياء او الغرور وبقيت كلمة منتشرة على السوشيال ميديا وخصوصا على تويتر وبنشوفها بالشكل ده ( الايجو بتاعي يمنعني انى ارد عليك ) اللي هو كبريائي وغروري يمنعوني ارد عليك وبرده اوقات كتير بنشوفها بالشكل ده ( الايجو عندى عالي ) يعنى انا مغرور ياصاحبي طب بعد ماعرفنى يعنى ايه ايجو ويعنى ايه الايجو عندي عالي ازاى بقي تعرف ان الايجو عندك عالي اكيد في علامت او دلالات تعرف من خلالها ده 



{ اقتباس }

عندما تتخلص من الإيجو .. ستصبح حرآ ستشعر بتلك الخفة والتحرر والسعادة .. سترى الحياة والعالم بعيون أخرى .. لاشيء سيؤرقك .. لا شيء سيزعجك .. ستنعم بسكون وسلام تام .. ستظهر لك مصادفات وأحداث غير متوقعة .. ستتصل بحالة الإبداع الكوني وتدخل سرنديب الإيجابية ..  ستنموا وترتقي وتساهم في نماء وإرتقاء هذا الكون .. ستعيش حقيقتك


علامات تدل ان الايجو لديك عالي ( ازاى اعرف ان الايجو عندي عالي ) 



  1. مابيعجبكش حاجة
  2. مابتحبش النجاح لغيرك 
  3. دايما تركز على نفسك ومابتحبش غير نفسك 
  4. دايما بتسعي ان الناس تحترمك حتى لو هتجبرها على ده 
  5. عندك شخصية دفاعية ومابتحبش حد ينتقدك 
  6. مابتحبش تساعد حد ولو حصل بيبقي نادرا 
  7. بتحط لنفسك اهداف مش حقيقية وصعب تحقيقيها زي مثلا لما تكون شغل بمرتب 2000 جنيه ونفسك يبقي عندك عربية لامبورجينى 


فيديو توضيحي عن الايجيو من دكتور ايهاب 







طبعا في حاجات تانية تقدر ترجعلها من خلال مقالة ويكيبديا الموجودة في اول فقرة . وبس كده ياصاحبي ده كان كل حاجة بخصوص معنى الايجو وماهو الايجو من الناحية العلمية والناحية السوشيال ميدياوية ماتنساش تاخد جولة في قسم المعانى زى ماتفقنا ولو في مصطلح او كلمة حابب تعرف معناها اكتبلنا في التعليقات وهنجاوبك فورا ودلوقتى هسيبك مع شوية مصطلحات منتشرة على السوشيال ميديا يلا سلااااااااااااااااااااااام ...
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -