يعنى ايه
5

( شرح جميع معانى كلمة توكسك ) معنى توكسيك ؟ يعني ايه توكسيك ؟ معنى toxic

صورة
STARK
اخر تحديث :

معنى توكسيك

صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه وحشتك مش كده ؟ انت كمان وحشتنى علشان كده رجعتلك النهاردة بموضوع جديد من مواضيع قسم المعانى وهو معنى توكسيك ولو انت اول مرة تزورنا في سكرين ميكس يبقي اسمحلي اقترح عليك تاخد جولة سريعة في قسم المعانى واللي هتلاقي فيه معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب و صورم و pov وغيرها كتير من المعانى فبنصحك بعد ماتعرف يعني ايه توكسيك تدخل قسم المعانى وتقرأ فيه شوية المهم علشان ماطولش عليك يلا بينا نعرف معني كلمه توكسيك


 
معنى toxic - معنى كلمة toxic - معنى كلمة toxic في السوشيال ميديا
توكسك

معنى توكسيك

لو فتحت ترجمة جوجل وكتبت كلمة Toxic هتلاقي ان معناها ( سام ) مش سام اللي هو اسم انسان لا سام بمعنى الضار او الغير صحي او القاتل طيب ده كده المعنى الحرفي لكلمة توكسك امال ايه بقي ال Toxic Relationship والـ Toxic Person  والمصطلحات اللي بنشوفها على السوشيال ميديا دى , استعد بقي معايا ياصاحبي علشان هاخدك في رحلة كلها تكسكة علشان اقولك كل معانى كلمة توكسيك 

معنى Toxic relationship

معنى توكسك - toxic معنى - ما معنى توكسيك - ما معنى كلمه توكسيك
Toxic Relationship

توكسيك ريلشن شيب او العلاقة السامة هي العلاقة اللي بتبقي بينك وبين الطرف الاخر وبتسببلك اذي نفسي وبتبقي مش قادر تكمل العلاقة دي .. نوعية العلاقات دى بيبقي اسمها توكسيك لانك بتكون عملت كل حاجة ومافيش فايدة وبتيجى على نفسك علشان تكمل فبتسببلك اذي وضرر نفسي من الطرف الاخر اللي بيكون مش فارق معاه او بيستمتع وهوا شايفك متضرر نفسيا بسببه 
ومش شرط ان العلاقة السامة تكون موجودة بين اتنين بيحبوا بعض او المتزوجين بس لا العلاقات السامة ممكن تكون موجودة بين كل الناس ممكن تكون موجودة بينك وبين اصحابك وبينك وبين اهلك وبينك وبين زمايلك ف الشغل عموما اى علاقة بتحس بيها طول الوقت انك قلقان ومكتئب وغير سعيد فهي علاقة سامة ويجب التخلص منها على الفور حفاظا علي صحتك النفسية طيب ياتري ايه الريد فلاج اللي اول ماتشوفها تعرف ان دى علاقة توكسك ؟ 

ريد فلاجز تقولك ان العلاقة توكسيك 

  • شخص بيحاول دايما يقلل منك ومن اهتماماتك
  • مش بيهتم بيك 
  • مش بيخاف على زعلك
  • مابيقدرش يتحكم بغضبه 
  • عنده تراست ايشوز 
  • مافيش توافق فكري بينكم 
  • شخص بيكره الاعتذار وعمره مايعتذر حتى لو غلطان
  • معاملته بتتغير من غير سبب 
  • دايما بيحسسك بالذنب وانه مستحملك غصب عنه 

معنى toxic person 

توكسيك يعني اي - معنى toxic girl - توكسيك - ما معنى toxic
toxic person

التوكسيك بيرسون او الشخص السام هو تعريف بشكل عام للشخص اللي بيسبب اذي للي حواليه او ضرر للي حواليه اى كان نوع الاذي او الضرر وفي اغلب الاوقات الاذي ده بيبقي اذي نفسي يعنى مثال بسيط : الشخص العصبي دايما والعصبية مابتفارقهوش ده شخص توكسك وعلى فكرة كلنا جوانا شخص توكسيك بيطلع وقت الحاجة يعنى محدش حلو دايما ومحدش وحش دايما يعنى انا ممكن ابقي توكسك وانت ممكن تبقي توكسيك ده متوقف على الموقف طيب مين هما الراجل التوكسيك والبنت التوكسيك وايه مواصفاتهم

الرجل التوكسيك 

الرجل التوكسك هو الرجل اللي بيسبب اذي للانثي المرتبط بيها سواء كانت خطيبته او مراته او صاحبته والعياذ بالله والمعروف عند النساء ان الراجل التوكسيك بيكون اكثر جاذبية من الراجل اللي مش توكسيك يعنى البنت اول ماتلاقي راجل توكسك تجري عليه وتقول هذا هو ذوقي ولما تتعامل معاها وتتلسع من توكسيته بتكره نفسها وتكره الدنيا وخليني اقولك بعض مواصفات الراجل التوكسيك 

  • رجل بخيل 
  • رجل نرجسي 
  • رجل عدوانى
  • رجل عصبي 
  • رجل محب للتملك 
  • رجل متعدد العلاقات 
طيب زي ماتكلمنا على الراجل التوكسيك ومواصفاته لازم نبقي منصفين ونتكلم عن البنت التووكسيك ( toxic girl ) ومواصفاتها 

البنت التوكسيك ( معنى toxic girl ) 

البنت التوكسيك هي البنت اللي بتسبب اذي وضرر نفسي للشخص اللي مرتبطة بيها من خلال تصرفاتها وهي برده اللي بتستمتع بالاذي ده وتحب تشوف اللي قدامها بيعانى وسبحان الله برده الراجل بينجذب ليها عن الانثي العادية اللي مش توكسيك لحد مايتلسع منها وياخده على افاه ساعتها بيقلب عليها ويعرفها يعنى ايه راجل توكسك على حق وخلينى اقولك شوية مواصفات للبنت التوكسيك بس في فيديو ومن بنت كمان 

          

ازاي اتخلص من العلاقة التوكسيك ( التحرر من العلاقات السامة ) 

وهنا بقي انا هقولك اهم مثلين شعبيين عند المصريين بيستخدموها في المواقف اللي زي دى  .. بكل بساطة ياصاحبي " اعتزل مايؤذيك " وكمان " الباب اللي يجيلك منه الريح سده واستريح " بس كده .. انت في اي علاقة بتعمل اللي عليك وتحاول مرة واتنين وتلاتة تصلح اللي قدامك ولكن في مرحلة ما بتوصلها لما بتكتشف ان كل محاولاتك لاصلاح اللي قدامك دى مش نافعة والشخص ده هيفضل توكسيك وهيسببلك اذي نفسي  ساعتها انت لازم تكون مقتنع انك عملت اللي عليك وجه وقت الرحيل وصدقنى افضل عقاب للشخص التوكسيك هو انك تسيبه وحيد وتسيب الزمن يربيه ويعرفه قيمتك علشان كده انا نصيحتى ليك هي حاول مرة واتنين وتلاتة وعشرة كمان لكن لما تلاقي ان مافيش فايدة خلاص يبقي امشي وانت مطمن ومقتنع من جواك انك كسبان 

معنى كلمة Toxic في الالعاب

معنى كلمه توكسيك - يعنى ايه توكسيك - يعني اي توكسيك
Toxic Gamer


المقصود بكلمة توكسيك في الالعاب او الـ Toxic Gamer هو الشخص اللي بيفقد اعصابه اثناء اللعب لما بيخسر ويقعد يشتم ويقل ادبه وبنشوفها دايما اثناء لعب كرة القدم في البلاي ستيشن بين الشباب او لعبة pubg او اي لعبة بشكل عام  

معانى مرادفة لكلمة لتوكسيك 

  • Harmful 
  • Deadly
  • Noxious
  • Baneful
  • Poison
وبس كده ياصحبي دى كانت كل حاجة بخصوص معنى توكسيك المنتشرة على السوشيال ميديا ، لو في مصطلح او كلمة حابب تعرف معناها اكتبلنا في التعليقات . وماتنساش تاخد جولة في قسم المعانى زى ماتفقنا يلا سلااااااااااااااام

معانى كلمات منتشرة على السوشيال ميديا 

تعديل المقال
الأقسام

مقالات قد تهمك

تعليقات