توكسك
معني توكسيك
بس قبل ماقولك معني كلمه توكسيك حابب اقترح عليك ياصاحبي انك تاخد جولة سريعة في قسم المعانى في الموقع . هتلاقي فيه معانى لكلمات كتيرة بتقابلك يوميا على السوشيال ميديا زي سيمب و نرم و صورم و كلاون و فترة الـ PMS وغيرها كتير من المصطلحات المهم علشان ماطولش عليك يلا نرجع لموضوعنا وتعالي اقولك يعنى ايه توكسك
 |
| معنى toxic person |
معنى توكسك
لو فتحت ترجمة جوجل وكتبت كلمة Toxic هتلاقي ان معناها ( سام ) مش سام اللي هو اسم انسان لا سام بمعنى الضار او الغير صحي او القاتل طيب ده كان معنى كلمة توكسك امال ايه بقي ال Toxic Relationship والـ Toxic Person والمصطلحات اللي بنشوفها على السوشيال ميديا دى
معنى Toxic relationship
توكسيك ريلشن شيب او العلاقة السامة هي العلاقة اللي بتبقي بينك وبين الطرف الاخر وبتسببلك اذي نفسي وبتبقي مش قادر تكمل او تنهي العلاقة نوعية العلاقات دى بيبقي اسمها توكسيك لانك بتكون عملت كل حاجة ومافيش فايدة وبتيجى على نفسك علشان تكمل فبتسببلك اذي وضرر نفسي من الطرف الاخر اللي بيكون مش فارق معاه او بيستمتع وهوا شايفك متضرر نفسيا بسببه
ومش شرط ان العلاقة السامة تكون موجودة بين اتنين بيحبوا بعض او المتزوجين بس لا العلاقات السامة ممكن تكون موجودة بين كل الناس ممكن تكون موجودة بينك وبين اصحابك وبينك وبين اهلك وبينك وبين زمايلك ف الشغل عموما اى علاقة بتحس بيها طول الوقت انك قلقان ومكتئب وغير سعيد فهي علاقة سامة ويجب التخلص منها على الفور حفاظا علي صحتك النفسية
معنى Toxic Person
التوكسيك بيرسون او الشخص السام هو الشخص اللي بيسبب اذي للي حواليه او ضرر للي حواليه اى كان نوع الاذي وغالبا بيبقي اذي نفسي
معنى كلمة Toxic في الالعاب
المقصود بكلمة توكسيك في الالعاب هو الشخص اللي بيفقد اعصابه لما بيخسر ويقعد يشتم ويقل ادبه وبنشوفها دايما اثناء لعب كرة القدم في البلاي ستيشن بين الشباب
معانى مرادفة لكلمة لتوكسيك
- Harmful
- Deadly
- Noxious
- Baneful
- Poison
وبعد ماعرفت معنى توكسيك ياصاحبي لازم تعرف معنى يعنى ايه ريد فلاجز لانك هتحتاج المصطلح ده بعدين ( معنى كلمة ريد فلاجز في العلاقات ) وبس كده ياصاحبي ده كان كل حاجة بخصوص معنى كلمة توكسيك Toxic لو حاسس انك استفدت من الموضوع وحبيت تشيره مع صحابك فده شيء يسعدني ويشرفنى جدا اما لو حاسس انك ماستفدتش فانصحك تاخد جولة في قسم المعانى اللي زى ماتفقنا وان شاء الله هتستفيد يلا سلام
يعني اي اسماء توكسك
إرسال ردحذف