يعني ايه ترست ايشوز ؟ ( معني trust issues بالعربي )

الصفحة الرئيسية

Trust Issues



معني كلمة ترست ايشوز 


صباح او مساء الخير حسب الوقت اللي بتقرأ فيه الموضوع ، ازيك ياصاحبي عامل ايه ؟ كنت عاوز اقولك ان انتشر في الفترة الاخيرة بين  شعب تويتر العظيم بعض المصطلحات زى توكسيك و ريد فلاج ونورماليز وتراست ايشوز وغيرها كتير من المصطلحات لحد مالموضوع وصل لشعب فيسبوك العظيم والكل بقي عاوز يعرف معانى المصطلحات دى وزى ماعودناكم في سكرين ميكس عملنا قسم للمعانى واللي تقدر تدخله من هنا ( معانى كلمات على السوشيال ميديا )


 في القسم ده بقي ياصاحبي هتلاقي معانى لكلمات بتقابلها يوميا على السوشيال ميديا وبقت متداولة بين الشباب زي نرم و سيمب ولول وغيرها كتير من المعانى فبنصحك نصيحة اخوية بعد ماتقرأ الموضوع تدخل القسم وتقرأ فيه شوية المهم علشان ماطولش عليك موضوع النهاردة هنتكلم عن معني تراست ايشوز trust issues



 
ما هو ترست ايشوز
ما معنى تراست ايشوز




ترجمة كلمة trust issues  


لو خدت كلمة تراست ايشوز ( trust issues ) كوبي وحطتها في ترجمة جوجل هيقولك ان معناها الحرفي مشاكل الثقة طيب ايه المقصود بالتراست ايشوز في العلاقات ؟ 


معنى كلمة تراست ايشوز في العلاقات 


المقصود بكلمة تراست ايشوز في العلاقات هي الناس اللي عندها مشاكل في الثقة باللي حواليها وده مرض نفسي معروف وتقدر تبحث وتقرأ عنه بشكل طبي اكتر في المواقع المختصة لكن احنا في سكرين ميكس بنوضحلك المعنى المتداول للكلمة وزى ماقولتلك ياصاحبي التراست ايشوز هي مشكلة انعدام الثقة في اي حد بتتعامل معاه حتى لو بتحبه يعنى انت ممكن تكن بتحب ابوك وامك واخواتك واصحابك ولكن بيبقي عندك مشكلة انك مش واثق فيهم في بعض الامور او دايما قلقان من الناس بشكل عام وخلي بالك ان التراست ايشوز غير الانسيكيورتى 



وبس كده ياصاحبي ده كان كل حاجة بخصوص معنى كلمة تراست ايشوز المنتشرة على السوشيال ميديا لو حابب تعرف معانى لكلمات اكتر ماتنساش زي ماتفقنا تاخد جولة في قسم المعانى ولو حسيت انك استفدت وحابب تفيد غيرك سويلي شير للموضوع على السوشيال ميديا ولو مش حابب براحتك ياصاحبي عادى يلا سلام . 



google-playkhamsatmostaqltradent